پیرمحل (نامہ نگار) تحصیل انتظامیہ کی طرف سے غلہ منڈی کے اندر کھوکھا مارکیٹ کو ختم کیے جانے کے احکامات پر غلہ منڈی کے سینکڑوں تاجران کا دکانیں بند کرکے احتجاج ہمیں بے روزگار نہ کیا جائے تاجران رقبہ سرکاری ہے واگذا رکر واکر غلہ منڈی پیرمحل کو زرعی اجناس کے لیے واگذار کروارہے ہیں مارکیٹ کمیٹی تحصیل انتظامیہ تفصیل کے مطابق رجانہ روڈ پیرمحل کے 118 سٹال تحصیل انتظامیہ کی طرف سے گرائے جانے کے بعد تحصیل انتظامیہ کمالیہ نے غلہ منڈی پیرمحل کے اندرون موجود کھوکھا مارکیٹ وپھڑاجات پر قائم دکانات کو گرانے کے لیے تاجران کو نوٹس جاری کیے جس پر سینکڑوں کی تعداد میں کھوکھا مالکان نے دکانیں بند کرکے احتجاج شروع کردیا جبکہ تحصیل انتظامیہ بھاری مشینری کے ہمراہ سارا دن غلہ منڈی کے باہر کسی بھی ممکنہ کاروائی کے لیے موجود رہی غلہ منڈی کے تاجران کا کہنا ہے کہ ہم باقاعدہ کرایہ اورٹیکس اداکرکے اپنے بچوں کی روزی روٹی کماتے ہے حکومت ہمیں بے روزگار نہ کرے تحصیل انتظامیہ کا کہنا ہے کہ غلہ منڈی پیرمحل میں ناجائز تجاوزات کو ختم کرواکردم لیں گے غلہ منڈی پیرمحل کے تاجران نے عدالت سے حکم امتناعی حاصل کرکے دکھایا مگر انتظامیہ نے عدالتی احکامات کو ماننے سے انکار کرتے ہوئے آپریشن شروع کردیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) جعلی چیک دینے پر تین مقدمات درج تفصیل کے مطابق غوثیہ آباد پیرمحل کے رہائشی عبدالغفار ولد سردارمحمد کی الیکٹرانکس دکان سے اطہر سعید ولد غلام نبی نے الیکٹرانکس سامان جنریٹر سیف الماری مالیت 60 ہزارروپے خرید کرکے چیک دیا جو کیش کروانے پر جعلی نکلا تھانہ پیرمحل پولیس نے مقدمہ درج کرلیا مسجد بلاک پیرمحل کے رہائشی علی رضا ولد جاوید اقبال کو امجد مختار ولد مختار احمد نے 25ہزار روپے مالیت کا جعلی چیک دے دیا جو کیش کروانے پر جعلی نکلا تھانہ پیرمحل پولیس نے مقدمہ درج کرلیا غوثیہ چوک پیرمحل کے رہائشی خالد حسین ولد حاکم علی سے غلام محمد ، شمیر عباس ، حاجی بشارت نے 19ہزار روپے مالیت کے ٹائر خرید کرکے چیک دے دیا جوبنک سے کیش کروانے پر جعلی نکلا تھانہ پیرمحل پولیس نے تینوں افراد کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) ہرنزلہ زکام کامریض موسمی فلوکا مریض نہیں ہوتا بخار’کھانسی’سردرد’ پٹھوں اورجوڑوں میں درد’گلا خراب’ناک کابہنا سوائن فلو کی علامات ہیں ان خیالات کااظہار ڈاکٹر ہارون مجید نے آگاہی بیان میں کیا انہوں نے کہاکہ سوائن فلو قابل علاج بیماری ہے بروقت علاج اوراحتیاطی تدابیراختیارکرکے ہم کئی دیگر بیماریوں سے بھی محفوظ رہ سکتے ہیں انہوں نے کہاکہ موسمی فلوکاوائرس متاثرہ شخص کے کھانسنے یاچھینکنے کی وجہ سے آلودہ ذرات اورمریض کے ہاتھوں کے ذریعے اردگرد کی جگہوں پرپھیل جاتے ہیں اور وائرس زدہ سطحوں کو جب کوئی صحت مند شخص چھوتاہے یاوہاں سانس لیتاہے تو وائرس اس تک منتقل ہوجاتاہے انہوں نے کہاکہ ہر نزلہ زکام کامریض موسمی فلوکا مریض نہیں ہوتابخار’کھانسی’سردرد’ پٹھوں اورجوڑوں میں درد’گلا خراب’ناک کابہنا سوائن فلو کی علامات ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) دوکس افراد نے مکان کی دیوار میں پانی چھوڑکر مکان کی چھت گراکر سات لاکھ روپے مالیت کاسامان تباہ کردیا مقدمہ درج تفصیل کے مطابق چک نمبر57/3ٹکڑا کے رہائشی محمد یعقوب ولد غلام فرید کے مکان مربع نمبر30کیلہ نمبر16میں تعمیر شدہ مکان کی دیواروں میں ملزما ن محمد نواز ولد نصیر ، شہباز ولد نواز نے پانی چھوڑکر مکان کی چھت گرادی جس کے نیچے آکر گھریلو سمیت ٹی وی فریج وغیرہ مالیت سا ت لاکھ روپے تباہ ہوگیا تھانہ پیرمحل پولیس نے ملزمان کے خلاف زیردفعہ 440ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) روزگارکا نعرہ لگا کر حکومت میں آنیوالے غریبوں سے روزگار چھین کر بنیادی ضرورتوں سے بھی محروم کر رہے ہیں حکمران سڑکوں کی تعمیر کی آڑ میں عوام کور وزگارسے محروم کرکے بحران کے خود ذمے دار ہیں ،ان خیالات کا اظہار چوہدری احسان ننھا آرے والے نے رجانہ روڈ پیرمحل میں 118دکانوں کو مسمار کرکے سینکڑوں گھروں کو بے روزگا رکر نے اور تجاوزات کی آڑ میں غلہ منڈی کے سینکڑوں گھرانوں کور وزگار سے محروم کرنے پر اپنے بیان میں کیا انہوں نے کہا کہ ملک کو مسائل اور مشکلات کے گرداب میں دھکیل کرحکمران خود عیاشیوں میں مصروف ہیں،جبکہ عوام بدحال اور مشکلات کا شکار ہے، حکمرانوں کی طرف سے عوام کو بے روزگارکرکے ان کی تذلیل قابل مذمت ہی نہیں بلکہ قابل نفرت بھی ہے،انہوں نے کہا کہ مسلم لیگ ن کی حکومت اداروں کو پرائیویٹ کر کے عوام دشمنی کی روائتی پالیسی پر گامزن ہے،ملک میںہر ادارہ ناکام اور حکومت کی کرپشن عام ہے، بے روزگاری کے باعث کروڑوں مزدورفاقہ کشی کا شکاراور ان کے گھروں کے چولہے بند ہیںسڑکوں کی آڑ میں ہزاروں گھرانوں کے روزگارچھین کر ان کو بے روزگاری کے اندھے کنوئیں میں دھکیلنا سخت ظلم کے مترادف ہے حکومت پنجاب فی الفور متاثرین کو متبادل روزگار فراہم کرتے ہوئے متاثرین کے نقصان کا ازالہ کرے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) چار نابینا بہن بھائی والد گنٹھیا کے مریض وفاقی حکومت کی امدا دکے منتظر وزیراعظم پاکستان ، صدر پاکستان سرکاری خرچ پر ہمار اعلاج کروائیں پانچ افراد پر مشتمل گھرانے کی اپیل تفصیل کے مطابق چک نمبر334گ ب رجووال کے رہائشی غلام باری ولدفتح محمد ضعیف العمر جو گھنیٹیا کا مریض ہے جس کے چار بچے جن میں سرفراز ولد غلام باری ، شریفاں دخترغلام باری محبوب افتخار ولد سرفراز علی جس کی بینائی چالیس فیصدکم ہوچکی ہے پراسرار بیماری میں مبتلا ہے پانچ افراد پر مشتمل گھرانہ جو کہ غربت اور بیماری کے باعث اس گھر کو فاقوں نے گھیر رکھا ہے وسائل نہ ہونے کے باعث تمام افراد علاج کروانے سے قاصر ہے سرفرا ز علی نے پریس کلب میں دہائی دیتے ہوئے کہا وزیر اعظم میاں نواز شریف، صدر پاکستان ممنوں حسین ہم غریبوں کا علاج سرکاری خرچ پر کروائیں ہم غریب جھولی اٹھاکر دعائیں دے سکتے ہیں انہوں نے انسانیت کا دردرکھنے والے افراد سے اپیل کی کہ فون نمبر0300-6566894 پر رابطہ کرکے ہماری امدا دکریں تاکہ ہماراعلاج معالجہ میں مدد ہوسکے
پی ٹی اے: انٹرنیٹ کنیکشن کو بھی انگوٹھا لگا کر تصدیق کرانا لازمی قرار دیا گیا ہے
ملکہ کی خبریں 30/01/2016