پیرمحل ( نمائندہ پیرمحل ) سیہون شریف جاتے ہوئے سندھ لیانوالی کے رہائشی کیری ڈبہ سوار پانچ سوار ہلاک دوشدید زخمی جاں بحق افراد کے گھروں میں کہرام مچ گیا تفصیل کے مطابق چک نمبر750گ ب سندھلیانوالی کے رہائشی سات کس کیری ڈبہ میں سوار سیہون شریف عرس پر جارہے تھے کہ جام شورو کے قریب سامنے سے تیز رفتار کار سے ٹکرانے پانچ افراد جن میں محمد ایوب ولد مختار احمد سیال ، شہباز ولد لال خاں سیال ،خان محمد ولد احمد سیال ساکنان چک750گ ب ، خضرحیات ولد محمد نواز دھنووارمضان ولد شہامند ساکنان چک751 گ ب ہلا ک ہوگئے جبکہ نورزمان طارق ولد غلام فرید ، قمر ولد محمد نذر ساکنان چک750گ ب شدید زخمی ہوگئے ہلاک ہونے والے افراد کی اطلاع پاکر جاں بحق افراد کے گھروں میں کہرام مچ گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل )نامعلوم چور گھر کے باہر کھڑی گاڑی سے لیپ ٹاپ اور سامان چوری کرکے لے گئے تفصیل کے مطابق مسجد بلاک پیرمحل کے رہائشی محسن رضا ولد ڈاکٹر غلام دستگیر نے اپنی گاڑی نمبرLEJ-07-7459جو کہ گھر کے باہر کھڑی کی گاڑی میں لیپ ٹاپ مالیت 54ہزار ، پرس جس میں نقدی 6ہزار ، ATMکارڈ ، قومی شناختی کارڈ ، ڈرائیونگ لائسنس ،کریڈٹ کارڈ ، دستاویز ٹیلی کام آفس موبائل چارجز ، یوایس بی ، وائی فائی موجودتھا نامعلوم چورںنے کارکے ٹریکر کی تاریں کاٹ کر بذریعہ پیچ کس گاڑی کا دروازہ کھول کر کارچوری کرکے لے جانے کی کوشش کی مگر کارلے جانے میں ناکام رہے کار میں موجود اشیاء نقدی لیپ ٹاپ چوری کرکے لے گئے چوکی پولیس نے اطلاع پاکر نامعلوم چوروں کے خلاف کاروائی شروع کردی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) عقیدہ ختم نبوت مسلمان کے ایمان کی اساس ہے حضور سرورکونین خاتم الانبیاء صلی اللہ علیہ وآلہ وسلم ہے جن کے بعد کوئی نبی نہیں آئے گا اس عقیدے کامنکر دائرہ اسلام سے خار ج ہے ان خیالات کا اظہار نعیم اخترجانباز چیئرمین ختم نبوت کمیٹی پیرمحل نے اپنے بیان میں کیا انہوںنے کہا کہ قادیانیوں کی ملک دشمن سرگرمیوں کا حکومت کو فی الفور نوٹس لینا چاہیے سرکار مدینہ کی غلامی میں موت آئے ہر مسلمان کی دلی خواہش ہے انہوںنے کہا کہ انگریز نے سوچے سمجھے منصوبوں کے تحت اٹھارہویں صدی میں ایک ایسا فتنہ پیداکیا جوکہ مسلمانوں کا روپ دھار کر انگریز کے مقاصد کے لیے کام کرتا رہا اب انگریز تو اپنے ملک چلا گیا مگر اس کی باقیات اب اس فتنہ کی صورت میں موجود ہے یہ گروہ اب بھی اپنی مذموم کاروائیوں میں مصروف ہے انہیں اپنی اور اپنے رفقاء کار کی آخرت سنوارنے کے لیے کلمہ حق پڑھ کی نبی صلی اللہ علیہ وآلہ وسلم کی غلامی کا طوق پہن لینا ہوگا ورنہ ان کا حشر بھی دنیا اور آخرت میں ان کے پیشوائوں جیسا ہوگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) نان تحصیل ہیڈکوآرٹر پیرمحل کی غفلت اور لاپرواہی کے باعث شہر میں تجاوزات کی بھرمار ، بازاروں سے گزرنا محال ہو گیا ، اللہ چوک میں دکانداروںنے ریڑھی چھابڑی فروش کو بھاری کرایہ پر چڑھا کر ہزاروں روپے ماہانہ کی وصولی شروع کردی رات کے وقت اللہ چوک میں اے سی ٹائم بسوں کے اڈے قائم ہونے سے کسی بھی وقت بڑے سانحہ کاخدشہ تفصیل کے مطابق رجانہ روڈ پیرمحل مین بازار پیرمحل کریانہ بازار غلہ منڈی پیرمحل میں تجاوزات نے بازار تنگ کر دئیے ، بعض دکانداروں نے تو اپنی دکانوں کے تھڑوں کو بھاری کرایوں کے عوض کرایہ پردے رکھا ہے ، اللہ چوک میں دکانداروںنے ریڑھی چھابڑی فروش کو بھاری کرایہ پر چڑھا کر ہزاروں روپے ماہانہ کی وصولی شروع کردی حالانکہ فیصل آباد ملتان روڈ کی تمام ٹریفک اس راستے سے گذرنے کے باعث تجاوزات کی وجہ سے ٹریفک کی میلوں لمبی لائنیں لگ جاتی ہے تجاوزات کے خلاف آپریشن صرف ریڑھی چھابڑ ی فروش تک محدود ہے مین بازارکریانہ بازارغلہ منڈی بازار ، میں خواتین خریداروں کے علاوہ سکول جانے والی طالبات کا گذرنا تک محال بتایا دیا گیا ہے ، جبکہ نان تحصیل ہیڈکوآرٹر پیرمحل کے ذمہ داران سب کچھ کھلی آنکھوں سے دیکھتے ہوئے بھی خاموش تماشائی کا کردار ادا کر رہے ہیں حالانکہ وزیر اعلیٰ پنجاب میاں شہبازشریف نے ناجائز تجاوزات کے خلاف گرینڈ آپریشن کا حکم دے رکھا ہے سماجی فلاحی حلقوں نے ڈی سی اوٹوبہ ٹیک سنگھ کمشنر فیصل آباد سے مطالبہ کیا کہ فی الفور پیرمحل میں تجاوزات کو دورکیا جائے
پیرمحل ( نمائندہ پیرمحل ) سردرد’بخار’پیٹ درد’قے ‘متلی’ دست ‘بھوک کی کمی ‘ڈی ہائیڈریشن گیسٹرو کی بڑی علامات ہیں اس مرض کی وجہ آلودہ پانی’ گلے سڑے پھلوں کا استعمال اور ناقص خوراک ہے۔ دنیا بھر میں بچوں کی ہلاکتوں کی اہم وجہ گیسٹرو کا مرض ہے۔ اس سے بیشتر کہ یہ مرض وبائی شکل اختیار کرے گیسٹرو کے تدارک کیلئے احتیاطی تدابیر اختیار کی جائیں ان خیالات کا اظہار معروف معالج ڈاکٹر باہلک علی ڈپٹی ڈی ایچ او نے آگاہی بیان میں کیاانہوں نے کہا کہ گیسٹرو’معدہ اور انتڑیوں کی سوزش کامہلک مرض ہے جدید تحقیقات کے مطابق یہ اڈینو’روٹا’کیلسی ‘اسیٹرو ‘نورو اور نورواک وائرسزسے پھیلتاہے۔یہ چھوت دار مرض ایک سے دوسرے فردمیں لاحق ہو جاتا ہے۔ گیسٹرو سے بچاؤ کیلئے پانی ہمیشہ آلودگی سے پاک اور صاف استعمال کرنا چاہئے۔صاف پانی کا مطلب ہرگز منرل واٹر نہیں’پانی کو اگر 10منٹ تک اسٹیل کے برتن میں ابال لیا جائے تو یہ پینے کے لئے بہترین ہے۔یاد رہے کہ صرف کلورین پانی کو 100فیصد جراثیم سے پاک نہیں کرتی۔ غیرمعیاری اشیائے خوردونو ش کے استعمال میں احتیاط برتیںخاص طور پرریہڑیوں’ٹھیلوں اور غیر معیاری دکانوں سے جوس’ لیموں پانی’ املی آلوبخارے کے شربت’ کچی لسی ‘گنے کا رس ‘برف کے گولے ‘دیگرہر طرح کے مشروبات ‘گلے سڑے کٹے ہوئے پھل اوردیگر کھانے پینے کی کھلی اشیا ء سے پرہیز کریں نوزائیدہ بچوں کو گرمی کے وقت باہر نہ نکالیں اور ان کے دودھ کے درمیانی وقفے کو کم کر دیں چھوٹے بچو ں کو بھی سر ڈھانپ کر لے جائیں اور عام حالات میں بھی ان کو دن میں 2سے 3گلاس نمکول ضرور استعمال کروائیں تاکہ ان کے جسم میں پانی اور نمکیات کی کمی نہ ہونے پائے۔ اس موسم میں والدین کی ذرا سی کوتاہی بچوں کو گیسٹرو کے جان لیوا مرض میں مبتلا کر سکتی ہے۔ پانی کی ٹینکیوں کو مکمل طور پرصاف اور ڈھانپ کر رکھیں۔اپنے گھروں اور محلوں کی صفائی کا خاص خیال رکھیں اور گندی جگہوں پر جراثیم کے خاتمے کے لئے اسپرے کیا جائے ۔گرمی کی شدت کے پیشِ نظر بچوں سمیت ہر عمر کے لوگوں میںگیسٹرو’ اسہال’ ہیضہ’ ٹائیفائڈ’ ہیپاٹائٹس خصوصاً اے اور ای’ آنکھوں کی سوزش’ فلو’ ملیریااور جلد کی بیماریوں میں اضافہ ہو رہاہے۔معصوم بچے خاص طور پرگیسٹرو کا زیادہ شکارہورہے ہیں۔ جن کو گیسٹروکی شکایت کی صورت میں احتیاطی تدابیر کے ساتھ فوری طورپر معالج سے رجوع کرنا چاہیے
پیرمحل ( نمائندہ پیرمحل ) تیزر فتار ٹریکٹر ٹرالی کی موٹرسائیکل سوار کو ٹکر موٹرسائیکل سوار ہلاک ٹریکٹر ٹرالی ڈرائیور فرارتفصیل کے مطابق چک نمبر674/15گ ب کا رہائشی عمرفاروق ولد مقبول احمد گجر جوکہ ڈسپنسری کا کام کرتا ہے موٹرسائیکل نمبرTSL-9474پر سوار اپنے گھر جارہا تھاکہ جمعہ خاں پٹھان کی ملکیت مٹی سے لوڈ ٹریکٹر ٹرالی نے ٹکر ماردی جس کے نتیجہ میں عمرفاروق موقع پر جاں بحق ہوگیا سب انسپکٹر علمدار حسین نے موقع پر پہنچ کر نعش کوقبضہ میں لے کر ہسپتال پہنچایا جبکہ ٹریکٹر ٹرالی ڈرائیور موقع سے فرارہوگیا
پیرمحل ( نمائندہ پیرمحل ) پولیس کا منشیات فروشوں کے خلا ف گرینڈآپریشن تین منشیات فروشوں سے لاکھوں روپے مالیت کی ہیروئن برآمد مقدمات درج تفصیل کے مطابق سعید اختر انسپکٹر کی قیادت میں منشیات فروشوں کے خلاف گرینڈ آپریشن میں تین منشیات فروش جن میں چک نمبر662/3گ ب کے رہائشی محمد اجمل ولد احمد خاں کو گرفتار کرکے اس کے قبضہ دیڑھ کلو چرس برآمد کرلی محمد شفیق ولد محمد امین گجر ساکن چک217گ ب سے چرس445گرام مع بکری کی رقم 680روپے جبکہ چک نمبر672/13گ ب کے ناصر علی ولد محمدرفیق سے 1235گرام چرس مع 1810بکری برآمد ہوئی پولیس نے تینوں منشیات فروشوں کے خلاف الگ الگ مقدمات درج کرلیے
پیرمحل ( نمائندہ پیرمحل ) پولیس کامہندی کی تقریب پر چھاپہ11افرا د داد عیش دیتے ہوئے تین رقاصائوں سمیت گرفتار 16افراد فرار مقدمہ در ج تفصیل کے مطابق چوکی پولیس پیرمحل لوئر کالونی پیرمحل میں وارث علی ولد برکت علی مغل کے گھر سائونڈ سسٹم لگاکر فحش گانے لگاکر رقص سرور کی محفل منعقد کرتے ہوئے تین رقاصائوں آسیہ دختر محمدمنشاء ساکن اوکاڑہ نسرین بی بی دختر محمد افضل ساکن عارف والا ، فوزیہ بی بی دختر اسحاق ساکن کمالیہ سمیت تماش بین محمد عرفان ، محمد نعیم ولد محم سلیم ملک ،یاسر علی ولد اصغر ، احمد یار ،محمد اکمل ولد محمد ارشد ،محمد اکرم ولدعطاء اللہ افتخار احمد ، انور بشیر ،محمد اقبال ولد برکت علی ، محمد سلیم ولد نذیر احمد کو موقع پر گرفتار کرلیا جبک وارث علی ولد برکت علی ،شوکت علی ولد برکت علی جوکہ فائرنگ کررہے تھے ، شہزاد ولد سرفراز ، حسنین اقبال ولد اقبا ل حسن ، دیگر 10/15فرارہوگئے پولیس نے موقع سے سائونڈ سسٹم قبضہ میں لے کر زیر دفعہ 3/11-B/A0/294/337H2ایمپلی فائر ایکٹ کے تحت مقدمہ درج کرلیا
پیرمحل ( نمائندہ پیرمحل ) سایہ نہ پانی لاکھوں روپے ماہانہ ریونیو حاصل کرنے والی مارکیٹ کمیٹی پیرمحل اپنے قیام سے لیکر آج تک ایک روپے کا سبزمنڈی پیرمحل میں ترقیاتی کام نہ کرواسکی بغیر لائسنس غیر قانونی طور پر فروٹ سبزی فروخت کرنے والوں نے عام روزمرہ کی سبزی فروٹ کی قیمتوں کو آسمان پر پہنچا دیا قیمتوں کو کنٹرول کرنے کے تمام دعوے کاغذوں کی حد تک محدود شکایت ملی ہے کاروائی کرتے ہیںروزانہ کی بنیاد پر ریٹ لسٹ مرتب کرتے ہیں سیکرٹری مستنیر احمد تفصیل کے مطابق مارکیٹ کمیٹیاں جن کا کام زمینداروں کسانوں کو سبزمنڈیو ں تک اپنے مال پہنچانے کی رسائی دینے سمیت ان کے جانوروں کے لیے سایہ اور پانی مہیا کرنا ہو تا ہے بیوپاریوں اور زمیند اروں کے لیے رہائش کا بند وبست کرنا اور آڑھتیاں کو جملہ فروخت کے لیے جگہ فراہم کرنا اور اس کے عوض مجوزہ مارکیٹ فیس اور لائسنس فیس وصول کرناجس میں روزانہ ہزاروں روپے مارکیٹ فیس سبزمنڈی پیرمحل سے وصول ہوتی ہے مارکیٹ کمیٹی پیرمحل جس کو قائم ہوئے تقریباچالیس سال کا عرصہ ہوچکا مگر سبزمنڈی پیرمحل سے کروڑوں روپے فیس وصول کرنے کے باوجود سبزمنڈی کی حدو دمیں ایک روپے کا ترقیاتی کام نہ کرواسکی جبکہ کسانوں زمینداروں کے جانوروں کے لیے سایہ اور پانی تو درکنار انسانوں کے لیے پینے کا پانی اور لیٹرین کی سہولت تک نایاب ہے حالانکہ مارکیٹ کمیٹی کے قیام کے وقت وسیع وعریض سرائے اس کی ملکیت میں دی گئی تھی جس کو ملی بھگت سے اونے پونے داموں برائے نام کرایہ کی مد میں چڑھا رکھا ہے جہاں پر قیمتی کوٹھیاں تعمیر کی جاچکی ہے کسانوں زمینداروں اور آڑھتیاںنے سپیشل سیکرٹر ی زراعت پنجاب سے اپیل کی کہ اندرون سبزمنڈی پیرمحل سولنگ لگاکر تمام حدود میں شیلٹر تعمیر کیا جائے علاوہ ازیں سبزمنڈی کے مین گیٹ اور چار دیواری تعمیر کرکے سبزمنڈی کے اوقات میں گیٹ بندکرنے والوں کے خلاف کاروائی کی جائے کسانوں زمینداروں کے جانوروں کے لیے سایہ اور پانی مہیا کرنے سمیت سرائے کو واگذار کرواکر مجوزہ مقاصد کے لیے استعمال کروایا جائے بغیرلائسنس غیر قانونی طور پر مہنگے داموں سبزی فروٹ کی فروخت کو بند کرواکر عام شہریوں کے لیے مجوزہ ریٹ لسٹ پر عملدرآمد کروایاجائے سیکرٹری مستنیر احمد نے کہا ہے کہ بغیرلائسنس غیر قانونی طور پر مہنگے داموں سبزی فروٹ کرنے والوں کے خلاف کاروائی کے لیے کمیٹی تشکیل دے رہے ہیں
پیرمحل ( نمائندہ پیرمحل ) ٹی ایم اے کی غفلت اورلاپرواہی کی وجہ سے ڈیرہ شہرمیںپاگل اورلاغرکتوں کی بھرمار’رات کے وقت راہگیروںکاگزرنامحال ‘پاگل اورلاغرکتوں کوزہردیکرتلف کیاجائے’عوامی مطالبہ۔تفصیلات کے مطابق ٹی ایم اے نان ہیڈکوآرٹر پیرمحل کی لاپرواہی کی وجہ سے اندرون شہر دیگرقریبی آبادیوںمیںپاگل اور لاغرکتوںکی بھرمار ہے۔رات کے وقت عام شہریوںکاگزرنامحال ہوچکاہے۔ پاگل اور لاغر کتوں کے کاٹنے سے درجنوںافرادزخمی ہوچکے ہیں جبکہ نان ہیڈکوآرٹر پیرمحل کے اہلکاروںنے پاگل اور لاغر کتوں کو تلف کرنے کیلئے زہرکااستعمال شروع نہیںکیاجسکی وجہ سے سینکڑوں پاگل اورلاغرکتے سرعام دندناتے پھرتے ہیں۔جوکہ شہریوں کی پریشانی کاباعث ہیں۔عوامی حلقوں نے ڈی سی اوٹوبہ ٹیک سنگھ سے مطالبہ کیاہے کہ وہ محکمہ نان ہیڈکوآرٹر پیرمحل کوپاگل کتوںکی تلفی بارے نوٹس جاری کریں۔
پیرمحل ( نمائندہ پیرمحل ) آگ برساتا سورج واپڈاکی بے رحمانہ 16سے 18گھنٹے کی طویل غیر اعلانیہ لوڈشیڈنگ کاروبارتباہ ہسپتالوںمیں مریضوں کی لائنیں ، مسجد یں سمیت تمام ادارے متاثر تفصیل کے مطابق پیرمحل شہر اور گردونواح میں فیسکو کی جانب سے غیر اعلانیہ16سے 18گھنٹے طویل لوڈشیڈنگ کے باعث مسجدوں میں پانی تک نایاب ہوگیا لوگ نماز سے محروم ہونے کے ساتھ دیگر شعبہ ہائے زندگی جس میں تاجر مزدور پیشہ افراد بے روزگارہوکر رہ گئے ہیں جبکہ آگ برساتے سورج کی گرمی اور واپڈا کی بے رحمانہ طویل لوڈشیڈنگ کے باعث مزدورطبقہ بے روزگارہوکر فاقوں پر مجبور ہے طویل دورانیہ کی لوڈشیڈنگ سے سرکاری وغیر سرکاری ملازم پانی نہ ہونے کے باعث متاثر ہورہے ہیں ہسپتالوں میں غیر اعلانیہ لوڈشیڈنگ کے باعث فوری نوعیت کے آپریشن بری طرح متاثر ہے کیونکہ پہلے واپڈاحکام کی طرف سے پیشگی اطلاع کردی جاتی تھی مگر اب اطلاع دینا قصہ پارینہ چکاہے ہسپتالوں میں مریضوں اور لواحقین کے رش کے باعث تل دھرنے کوجگہ نہیں جبکہ رات کے وقت لوڈشیڈنگ کی وجہ سے بے بوڑھے مرد خواتین ساری رات جاگ کر گذارنے پر مجبور ہے جبکہ فیسکو حکام حکومتی احکام کے باوجود لوڈشیڈنگ کی وجہ بتانے سے قاصرہے سماجی فلاحی حلقوںنے چیئرمین واپڈا سے لوڈشیڈنگ کا شیڈول مقررکرنے کا مطالبہ کیا ہے
العربیہ سکائوٹس کی 42 سالگرہ کے موقع پر منعقدہ تقریب
سردار مہتاب احمد خان عباسی کو شہر کراچی کے قبائل عمائدین کا وفد ثقافتی پگڑی پہنا رہے ہیں