پیرمحل (نامہ نگار) ڈسٹرکٹ ایجوکیشن آفیسر (سیکنڈری) ٹوبہ ٹیک سنگھ کا پنجاب تعلیمی پالیسی کے برعکس اپنا قانون ناجائز احکامات نہ ماننے پر سکول ٹیچروں کو اپنے دفتر میں بلواکرذلیل کرنا شروع کردیا حکومت پنجاب کی ٹرانسفرپالیسی کو دریا برد کرکے اپنی من مانیاں شروع کردی تفصیل کے مطابق ڈسٹرکٹ ایجوکیشن آفیسر ٹوبہ ٹیک سنگھ محمد امین بھٹی نے گورنمنٹ پنجاب کی تبادلہ کی پالیسی کو ملیا میٹ کردیا ای ڈی او ایجوکیشن ٹوبہ ٹیک سنگھ کی طرف سے جاری کردہ تمام تبادلہ جات کو اپنے زبانی حکم کے ذریعے عملدرآمد روکتے ہوئے اساتذہ کو اپنی تبادلہ کی جگہ پر حاضری لینے اور اپنے سابقہ سکولوں سے فراغت لیٹر جاری کرنے سے سختی سے روک دیا ضلع بھر کے تمام ہائی سکولز کے ہیڈماسٹر صاحبا ن کو زبانی احکامات اور موبائل ایس ایم ایس کے ذریعے حکم شاہی جاری کیا کہ کسی بھی استاد کو ڈی ای او کی اجازت کے بغیر فراغت اور جائننگ نہیں کرسکتے مجبوری کے حالات میں حکومت پنجاب کی دی گئی رعایت کے تحت تبادلہ کروانے والے اساتذہ کو روزانہ کی بنیاد پر چکر لگالگاکر انہیں یہ کہتے ہوئے کہ تم کو جلدی کیا ہے دوتین ماہ تک انتظار کروجب میں چاہوں گا تبادلہ ہوگا جس سے اساتذہ کی مجبوریوں سے فائدہ اٹھاکر سرعام رشوت کے لیے راستے ہموارکرنے سمیت ای ڈی او ایجوکیشن اور ڈی سی او اور حکومت پنجاب کے تبادلہ کی پالیسی کو دریا برد کیا جارہا ہے اساتذہ سے سرعام مال وصول کرنے سمیت اساتذہ کو گھنٹوں دفتر میںانکوائر ی کے نام پر ذلیل رسو اکرنے کا سلسلہ شروع کررکھا ہے گرلز سکولوں میں سرپرائز وزٹ کے نام پرتعیش کھانے اورگھنٹوں اساتذہ اور طلبہ کا وقت ضائع کیاجارہاہے علاوہ ازیں اساتذہ کے ساتھ نارواسلوک معمول ہے ضلع بھر کے 14لائزن آفیسرز کی میٹنگ میں انہیں نسوانی عادات کا حامل قراردیتے ہوئے سخت نازیبا الفاظ میں عزت نفس مجروح کی مگر اساتذہ انتقامی کاروائی کے پیش نظر احتجاج کرنے سے قاصر رہے کلرک حمید کے ذریعے اساتذہ کو تنگ کرنے اور بخشش وصول کی جاتی ہے متاثرین نے صوبائی وزیر تعلیم سے ڈی ای او ایجوکیشن ٹوبہ ٹیک سنگھ کے خلاف ضابطہ اخلاق کو پامال کرنے سمیت ڈی سی او ٹوبہ ٹیک سنگھ ، ای ڈی او ٹوبہ ٹیک سنگھ کے دیے گئے احکامات پر عملدرآمد کی بجائے زبانی احکامات کے ذریعے اختیارا ت کا ناجائز استعمال کرنے پر پیڈا ایکٹ کے تحت کاروائی کرنے کا مطالبہ کیا ہے موقف پر ای ڈی اوایجوکیشن ٹوبہ ٹیک سنگھ کے ترجمان نے کہا الزامات لگتے رہتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار ) چک نمبر716گ ب تھانہ پیرمحل میں حقیقی بھائی نے اپنی حقیقی بہن کو فائرنگ کرکے قتل کرڈالا ملزم آلہ قتل سمیت گرفتار تفصیل کے مطابق چک نمبر716گ ب کے رہائشی محمد خاں عرف سدی نے اندھادھندفائرنگ کرکے اپنی حقیقی بہن بھراواں بی بی کو قتل کرڈالا ملزم کو اپنی بہن کے کردار پر شک تھا تھانہ پیرمحل پولیس نے ملزم کو آلہ قتل سمیت گرفتار کرلیا
پیرمحل (نامہ نگار ) تھانہ پیرمحل پولیس کا چھاپہ عید کے لیے تیار کی گئی شراب برآمد تفصیل کے مطابق تھانہ پیرمحل پولیس نے بھسی اڈا پر چھاپہ مارکر شراب فروش صابر حسین ولد غلام عبا س کو گرفتار کرکے اس کے قبضہ سے 20لٹرشراب برآمد کرکے مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار )عید منانے کے لیے رہا چور کی دوبارہ چوری تفصیل کے مطابق غوثیہ چوک پیرمحل میں امتیاز احمد ولد محمد شفیع کی ورکشاپ سے سان مالیت 15ہزار روپے چوری کرتے ہوئے چور عدنان ولد راشد بی پلاٹ چوری شد ہ سامان سمیت امتیاز احمد ولد محمد شفیع مسجد بلاک نے پولیس کے حوالے کیا اے ایس آئی زاہد اقبال نے نامعلوم کے خلاف مقدمہ درج کرکے عید کی رات عدنان کوچھوڑ دیا عید کی رات کو رانا ملنگی صابر سٹیل ورکس کے مکان سردار ٹائون میں دوبارہ چوری ہوگئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگا ر) پیرمحل شہر اور گردونواح میں عید کے تینوں روز بلدیہ پیرمحل کے سینٹری ورکروں اور دیگر ملازمین نے دن رات کوشش کرکے قربانی کے جانوروں کی آلائشوں کو بروقت اٹھاکر انہیں زمین میں دباکر اپنے فرائض تندہی سے انجام دیتے ہوئے شہریوں کو بہترین عوام دوست ماحول فراہم کرکے قومی فریضہ انجام دیا جس کے لیے انتظامیہ مبارکباد کی مستحق ہے ان خیالات کا اظہار مختلف فورم ہائے سیاسی سماجی شخصیات وسماجی حلقوں سے تعلق رکھنے والے مکتبہ فکر کے لوگوںنے اظہار خیال کرتے ہوئے کیا حاجی اللہ دتہ سماجی شخصیت نے کہا کہ بلدیہ پیرمحل کی طرف سے اسسٹنٹ کمشنر پیرمحل کی ہدایات پر طارق جاوید کمبوہ چیف آفیسر کی سربراہی میں عید کے تینوں روز قربانی کے جانوروں کی آلائشوں کو بروقت اٹھاکر انہیں زمین میں دباکر انتظامیہ نے شہریوں کو وبائی امراض سے بچا کر اپنے محب وطن ہونے کا ثبوت فراہم کیا چوہدری محمد اسلم تاج سماجی شخصیت نے کہا کہ ہرسال قربانی کے جانوروں کی آلائشیں کئی کئی دن کوڑے کرکٹ کے ڈھیروں پر پڑی رہنے سے تعفن بدبو شہریوں کا مقدر ہوتی تھی مگرا س سال انتظامیہ نے پیشگی انتظامات کے تحت آلائشوں کو اٹھاکر شہریوں کو موذی امراض سے بچاکر معاشرہ کو پرفضا ماحول فراہم کیا خان شوکت علی بلوچ نے کہا کہ ہرسال آلائشوں پر آسمانی پرندے بیٹھنے سے نہ صرف شہری بدبوتعفن کا شکار رہتے تھے بلکہ فضا میں اڑنے والے ہوائی جہاز ان پرندوں کے باعث حادثات کا شکار ہونے کے باعث ملک کو ناقابل تلافی نقصان ہوتا تھا اس سال انتظامیہ کی طرف سے آلائشوں کو بروقت اٹھاکر زمین میں دفن کرنے سے نہ صرف ملک قوم کا نقصان ہونے سے بچ سکے گا بلکہ ایک صحت مند معاشرہ میسر ہوگا انہوںنے انتظامیہ سے اپیل کی کہ شہر کے اندر چرمہائے قربانی کے ڈھیروں کو فی الفور اٹھاکر شہریوں کی جان چھڑائی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )محکمہ صحت اور ڈرگ انسپکٹر کی لاپرواہی ،،،جگہ جگہ کلینک لیبارٹریاں ،کولیکشن سنٹر،،پیرمحل میں موت کے سوداگر سرعام نشہ کے عادی افراد کا خون فروخت کرنے لگے ہیپاٹائٹس ، یرقان سمیت دیگر موذی امراض میں مبتلا افراد سے خون لے کر پوزیٹو بلڈگروپ کی بوتل دو سے تین ہزارروپے اور نیگٹو بلڈ گروپ کی بلڈبوتل پانچ ہزارروپے میں فروخت مجبور اور بے سہار امریضوں کے لواحقین مافیاکے ہاتھوں لٹنے لگے متاثرہ افراد لیبارٹری کے مالکان کے ہاتھوں لٹنے پرمجبورتفصیل کے مطابق پیرمحل شہر میں قائم عطائی لیبارٹریوں پر بلڈبنک نہ ہونے کے باوجود بلڈ کی فروخت کا دھندہ عروج پر ہے مجبور اور بے سہارانشہ کے عادی افراد سے خطر ناک قسم کے جراثیم ملے بلڈ کو لے کر اس میں کیمیکل کی مکسنگ کرکے ایک بلڈ پیک کو دومیں تقسیم کرکے ضرورت مند مریضوں کے لواحقین کو پازیگٹو بلڈگروپ کی بوتل تین ہزارروپے میں فروخت کی جارہی ہے جبکہ نیگٹو بلڈ گروپ نایاب ہونے کے باعث پانچ ہزارروپے میں فی بلڈ پیک فروخت کیا جارہاہے جبکہ اس سے قبل چائنا کے کیمیکل استعمال کرکے کرا س میچنگ وغیرہ سمیت دیگر ٹسٹوں کی مدمیں ایک ہز ار روپے کی سرعام وصولی کی جارہی ہے ان موت کے سوداگروںنے خون حاصل کرنے کے لیے کارندے رکھے ہوئے ہے جوکہ مجبور اور نشہ کے عادی افراد کو کمیشن وصول کرکے ہر پندرہ دن کے بعد خون فروخت کرنے پر آمادہ کرکے خون نکلواکر خرید کرلیتے ہے جس سے مریض کو لگایاجانے والا بلڈ فائد ہ دینے کی بجائے نقصان کا باعث بنتاہے اس ناتجربے کار حربوں کے باعث کافی مریض لقمہ اجل بن چکے ہیں ان لیبارٹریوں کے مالکان کے ہاتھوں لٹنے والے افراد جب بھی مجازاتھارٹی کو تحریری درخواستیں ارسال کرتے ہیں تو یہ درخواستیں مجاز اتھارٹی سے ہوتی ہوئی ڈرگ انسپکٹر کے پاس آجاتی ہے جو مک مکا کرکے دوبارہ موت کا کاروبار کرنے کی کھلی چھٹی دیے ہوئے ہیں سماجی فلاحی حلقوںنے وزیراعلیٰ پنجاب وفاقی وصوبائی وزیر صحت اعلٰی حکام کے نام دی گئی درخواستوں میں فی الفور کاروائی کا مطالبہ کرتے ہوئے موت کے سوداگروں کو قانون کے کٹہرے میں لانے کا مطالبہ کرتے ہوئے غفلت اور لاپرواہی کے مرتکب ڈرگ انسپکٹر کے خلاف بھی کاروائی کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پاکستان کی قوم یک جا ہوجائے تو بڑی سے بڑی خلفشار اور جارحیت سے بھی بدرجہ اتم نمٹ سکتی ہے بھا رتی جار حیت کے خلا ف پاکستانی قوم کا بچہ بوڑھا مرد جوان اللہ کے فضل و کرم سے ملک کی سالمیت کے لیے اپنا تن من دھن وارنے کے لیے تیار ہے ان خیالا ت کا اظہار الطاف حسین شہزادضلعی صدر نیشنل پیس اینڈ جسٹس کو نسل ، نے ہمراہ راحیل گجرمان صاحب، صدر نیشنل پیس اینڈ جسٹس کونسل پیرمحل پرہجوم پریس کانفرنس میں کیا انہوںنے کہا پاکستان امن پسند اور امن دوست ملک ہے پاکستان کے ازلی دشمن بھارت کی عید کے دن مقبوضہ کشمیر میں نہتے معصوم شہریوں پر بلاجواز اندھادھندفائرنگ اور تشددبھارت کی کھلی جارحیت کی واضح مثال ہے ملک کو درپیش بیرونی اندرونی چیلنجوں کا سامنا کرنے کے لیے آزمائش کی ہر گھڑی میں پوری قوم متحد اور منظم ہو کر اپنی مسلح افواج کے شانہ بشانہ کھڑی ہے انہوںنے کہا پاکستانی قوم لاکھوں قربانیاں دے کر پاکستان کو حاصل کرسکتی ہے تو پاکستان کی بقاء کے لیے لاکھوں جانوں کا نذرانہ پیش کرنا کوئی معانی نہیں رکھتا آج ہمارے وطن کا دفاع ناقابل تسخیر ہے ہماری مسلح افواج اور عوام ہمہ وقت چوکس اور مستعد ہیں پاکستانی قوم کا بچہ بوڑھا مرد جوان اللہ کے فضل و کرم سے ملک کی سالمیت کے لیے اپنا تن من دھن وارنے کے لیے تیار ہے ملک کے دفاع اور اپنے سبز ہلالی پرچم کی سربلندی کے لئے اپنے خون کا آخری قطرہ تک بہا دیں گے آج سیاستدان تاجر دانشور ، ذرائع ابلاغ طالب علم خواتین مرد بوڑھے سبھی پاکستان دشمن عناصر کی سرکوبی کے لیے افواج پاکستان کے ہمراہ قائد اعظم محمد علی جناح کے سنہر ے قول اتحاد ،تنظیم اور یقین محکم کی عملی تصویر بنے دکھائی دیتے ہیں جو اس امر کی علامت ہے کہ پاکستان کی قوم یک جا ہوجائے تو بڑی سے بڑی خلفشار اور جارحیت سے بھی بدرجہ اتم نمٹ سکتی ہے۔
الخیر یونیورسٹی نے طلبا و طالبات سے ڈگریوں کی مد میں لاکھوں روپے وصول کرنے کے باوجود ڈگریاں جاری نہیں کیں
ٹیلی فون سنتے نوجوان کا موٹر سائیکل بے قابو ہو کر فٹ پاتھ سے ٹکرا گیا