غزل

Posted on October 1, 2015 By Majid Khan آپکی شاعری, شاعری

ترا خیال مرا مسکنِ خیال بنا
ترا جمال مرا گلشنِ خیال بنا

خیالِ یار سے معراج ہو گئی میری
خیالِ شوق ترا خرمنِ خیال بنا

سمٹ کے رہ گئے تیرے تخیلات جہاں
میرے خیال میں تو چلمنِ خیال بنا

مرے جگر کا ہی اک سوز ہے خیال ترا
جلا جلا ہوا تو دامنِ خیال بنا

سزا سا لگتا ہے کیوں کر ترا خیال نثار
خیال ہی میں تِرا مدفنِ خیال بنا

شاعر : احمد نثار
شہر پونہ، مہاراشٹر، انڈیا۔
Email : ahmadnisarsayeedi@yahoo.co.in