لگتے ہیں زہر جلوہ انوار شہر کے

Posted on February 15, 2017 By Mohammad Waseem آپکی شاعری, شاعری

پھر سے لہو لہان ہیں بازار شہر کے
کس نے مٹا کے رکھ دیے آثار شہر کے

دامن قبائے دختر جمہور چاک ہے
ڈھونڈو کہیں تو صاحبِ دستار شہر کے

خوشا ہمارے عہد کے تمغات امتیاز
فاقہ کشی سے مر گئے فنکار شہر کے

آلامِ شامِ ہجر کے آداب کی قسم!
لگتے ہیں زہر جلوہء انوار شہر کے

ساحل ہمیں تو آج بھی لگتے ہیں پرفریب
اس بزمِ انقلاب میں افکار شہر کے

تحریر : ساحل منیر