قصور کی خبریں 25/1/2017

Posted on January 25, 2017 By Mohammad Waseem دوسرے شہروں سے, سٹی نیوز

DPO Ali Nasir Rizvi

قصور (محمد عمران سلفی سے) پولیس کا مجرمان اشتہاریوں، منشیات فروشوں اور جرائم پیشہ افراد کے خلاف سخت ترین کریک ڈائون ،15منشیات فروشوں سمیت26جرائم پیشہ گرفتار ،بھاری مقدار میں منشیات اور ناجائز اسلحہ برآمد۔ تفصیلات کے مطابق قصور پولیس نے ڈی پی اوسید علی ناصررضوی کی خصوصی ہدایات پر ضلع بھر میں امن وامان کے قیام کیلئے مجرمان اشتہاریوں، ڈاکوئوں، کریمنل اور جرائم پیشہ افراد کے خلاف سپیشل مہم کا آغاز کررکھا ہے اس سلسلہ میں گزشتہ روز کریک ڈائون کے دوران سنگین مقدمات میں ملوث8خطرناک اشتہاریوںکو گرفتار کرلیا ہے ۔اسی طرح منشیات فروشوں کے خلاف کریک ڈائون کرتے ہوئے15ملزمان کو گرفتارکر کے قبضہ سے105شراب کی بوتلیں اور اڑھائی کلو چرس برآمد کی جبکہ3 ملزمان کے قبضہ سے3عددپسٹل برآمدکرکے مختلف دفعات کے مقدمات درج کر کے تفتیش شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے)ڈسٹرکٹ پبلک سکول اینڈ بلھے شاہ ڈگری کالج قصور میں سالانہ سپورٹس گالا 2017ء کا انعقاد گزشتہ روز ہوا۔ جس میں ڈپٹی کمشنر قصور و چیئر مین بورڈ آف گورنر ڈی پی ایس عمارہ خان نے بطور مہمان خصوصی شرکت کی ۔ اس موقع پر ایڈیشنل ڈپٹی کمشنر جنرل عبدالسلام عارف ، اسسٹنٹ کمشنر قصور آصف رضا ،پرنسپل کرنل (ر) محمد عدیل ، ایڈمنسٹریٹر ڈی پی ایس محمدجہانگیر چوپڑہ ، ممبر زبورڈ آف گورنرز’والدین ،طلباء و طالبات اور اساتذہ نے شرکت کی۔سپورٹس گالا کا آغاز روایتی شمع کو روشن کر کے کیا گیا اوراس موقع پر رنگ برنگے غبارے اور کبوتر چھوڑ کر تقریبات کا باقاعدہ آغاز ہوا۔ طلباء و طالبات نے پی ٹی شو اور ٹیبلو پیش کئے اور کھلاڑیوں کی جانب سے ڈپٹی کمشنر قصور کو سلامی پیش کی گئی ۔ پروگرام کے شرکاء خصوصاً ڈپٹی کمشنر عمارہ خان نے سپورٹس گالا میں شرکت کرنیوالے طلباء و طالبات کی کارکردگی کو سراہا اور منتظمین کو پروگرام کے بہترین انعقاد پر مبارکباد دی ۔ تقریب کے اختتام پر ڈپٹی کمشنر عمارہ خان نے سالانہ سپورٹس مقابلوں میں پوزیشن حاصل کرنیوالے طلباء و طالبات میں انعامات تقسیم کئے ۔ بعدازاں ڈپٹی کمشنر عمارہ خان کو سکول انتظامیہ کی طرف سے سوینئر پیش کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) نواحی قصبہ تلونڈی میں گذشتہ روز تہاڑیہ بائی پاس پر واقع مویشیوں کی حویلی میں نامعلوم افراد نے گھس کر معمر شخص کو بدترین تشدد کرکے قتل کردیا تفصیلات کے مطابق تھا نہ الہ آباد کی حدود تلونڈی تہاڑیہ بائی پاس پر معمر شخص ملک سجاول جو کہ تلونڈی کا رہائشی بتایا جاتا ہے جس کی عمر تقریبآ 70سال بتائی جاتی ہے ملک سجاول کو رات کے اندھیر ے میں نامعلوم افراد نے مبینہ طور پر تشدد کرکے قتل کردیا تھا نہ الہ آباد کی پولیس نے نامعلوم افراد کے خلاف مقدمہ درج کرکے نعش کوTHQچو نیاں پوسٹ مارٹم کے لئے منتقل کردیا پولیس مصروف تفتیش ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) کسان پیکج ریلیف حکومت پنجاب کی طرف سے چھوٹے کسانوں کے لئے قابل تحسین تھا لیکن افسوس کی بات مستحق کسانوں کے جاری شدہ چیکوں کی رسائی ممکن نہ ہوسکی زمیندرا محمد شاکر علی اور عارف کے مطابق گزشتہ دنوں کسان پیکج کا چیک لینے قصور مین برانچ نیشنل بنک گے تو آگے سے بنک مینجر محمد صدیق ڈوگر سے اپنے چیک کا مطالبہ کرنے پر بنک میں موجود نامعلوم شخص سے چیک حا صل کرنے کا کہا گیا گائوں محمود پورہ کھڈیاں کے رہائشی متاثرہ کسان شاکر علی نے جب اُ س بنک ملازم سے چیک کا مطالبہ کیا تو بنک ملازم نے امدادی چیک لینے پر فی چیک پر5000روپے کی ڈیمانڈ کیں جس پر متاثرہ زمیندار کے بحث مباحثہ کرنے پر بنک مینجر کے اٹائوٹ شاکر علی کے ساتھ گتھم گتھا ہوگے متاثرہ زمیندار نے بنک مینجر کے خلاف نیشنل بنک ہیڈ آفس لاہور درخواست بھی گزار رکھی ہے محمد شاکر نے وزیر اعلیٰ پنجاب سے انصاف کی اپیل کی ہے۔