باعث رحمت

Posted on November 14, 2016 By Mohammad Waseem آپکی شاعری, شاعری

گرتے ہوئوں کو تھام لینا عادت میرے نبی کی ہے
پھر نہیں مانگنا پڑتا یہ سخاوت میرے نبی کی ہے

یوں تو دنیا میں آدم سے عیسی تک انبیاء آئے
حشر تک دوعالم میں رسالت میرے نبی کی ہے

مجرمو چلے آئو بارگاہ نبوت میں بخش دیتے ہیں خطائیں
ملتی ہیں جہاں پر جزائیں عدالت میرے نبی کی ہے

معراج ہوئے سب نبیوں کو ہوئے سب کو زیر آسماں
عرش عظیم پر معراج کی سعادت میرے نبی کی ہے

مصطفی کے بغیر مانے مجھے ماناہی نہیں اس نے
ہے اللہ کی عداوت جو عداوت میرے نبی کی ہے

جیسے ہی حکم دیں مصطفی تمہیں ویسے ہی کرتے جائو
فرمایا رب نے اطاعت میری اطاعت میرے نبی کی ہے

جس کو سن کر پتھر دل بھی موم بن گئے
لے آئی انقلاب دلوں میں تلاوت میرے نبی کی ہے

سوگئے بے خوف ہو کر تلواروں کے جھرمٹ میں
مطمئن رہے علی زندگی کی بشارت میرے نبی کی ہے

پڑھی نماز انبیاء نے اقتداء میں محبوب کی فرشتوں نے
مسجد اقصیٰ بیت المعمور میں امامت میرے نبی کی ہے

نور نبوت کی روشنی سے دور ہوئے جہالت کے اندھیرے
خشک سالی میں باعث رحمت ولادت میرے نبی کی ہے

میلاد مناتے ہو منائو ضرور منائو مگر یاد رکھو صدیق
میلاد میں تیری نماز میں راحت میرے نبی کی ہے

تحریر : محمد صدیق پرہار