رسول پاک صلی اللہ علیہ والہ وسلم کی عبادت بے مثل و بے مثال ہے۔ عبد العزیز طاہر
لیہ : ورلڈ سٹائل ہائو س محلہ فیض آباد میں منعقدہ محفل میلادمصطفی صلی اللہ علیہ والہ وسلم سے خطاب کرتے ہوئے صدرجمعیت علماء پاکستان ضلع لیہ علامہ عبدالعزیزطاہر سراجوی نے کہا ہے رسول پاک صلی اللہ علیہ والہ وسلم کی عبادت بے مثل وبے مثال ہے۔پیر خالد سراجوی، عمران بریال، صادق سلیم مدنی، محمدصدیق چشتی نے ہدیہ نعت پیش کیا۔علامہ عبدالعزیز طاہر سراجوی نے خطاب کرتے ہوئے کہا کہ رسول اکرم صلی اللہ علیہ والہ وسلم نے اللہ تعالیٰ کی عبادت کا حق ادا کردیا۔انہوںنے کہا کہ نبی پاک صلی اللہ علیہ والہ وسلم رات کو دیر تک قیام کرتے تھے۔اللہ کے رسول صلی اللہ علیہ والہ وسلم غارمیں تنہائی میں اللہ کی عبادت کیا کرتے تھے۔محفل میلادمصطفی صلی اللہ علیہ والہ وسلم میں مسلمانوں نے کثیرتعدادمیں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : محلہ قادرآبادمیں حافظ حضوربخش کی رہائش گاہ پر منعقدہ محفل میلادمصطفی صلی اللہ علیہ والہ وسلم سے خطاب کرتے ہوئے مولانا غلام رسول باروی نے کہا ہے کہ میلاد منانے سے گھرمیں اللہ کی رحمتیں نازل ہوتی ہیں۔محفل میلادمصطفی صلی اللہ علیہ والہ وسلم کی صدارت پیر سیّد سبط الحسنین شاہ گیلانی نے کی ۔محمداسلم ساجد، مولوی محمدافضل، محمدصدیق پرہاراورمحمدعدنان نے ہدیہ نعت پیش کیا۔مولانا غلام رسول باروی نے خطاب کرتے ہوئے کہا کہ جس گھر میں رسول پاک صلی اللہ علیہ والہ وسلم کا میلادمنایا جائے اس گھر میں سال بھراللہ تعالیٰ کی رحمتوںکانزول ہوتا ہے۔جس گھر میں سال بھر اللہ کی رحمتوںکا نزول ہو اس گھر میں کوئی پریشانی نہیں آسکتی۔ محفل میلادمصطفی صلی اللہ علیہ والہ وسلم میں مولانا مشتاق احمدنقشبندی، حافظ رحیم بخش، قاضی مسعود علی، قاضی اشرف علی، شیخ امدادحسین سمیت مسلمانوںنے کثیرتعدادمیں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : انجمن غلامان سگ حسنینیہ کے زیر ہتمام جامع مسجد چاہ چانڈیہ والی میں محفل میلاد النبی صلی اللہ علیہ والہ وسلم منعقد ہوئی۔ جس کی صدارت پیر سیّد سبط الحسنین شاہ گیلانی نے کی۔صاحبزادہ احمدحسن باروی نے محفل میلادالنبی صلی اللہ علیہ والہ وسلم سے خطاب کرتے ہوئے کہا کہ نبی پاک صلی اللہ علیہ والہ وسلم سراپا نوربن کربشری لباس میں تشریف لائے۔نبی پاک علیہ الصلواة والسلام کی عظمت وشان بہت بلند ہے۔جس کے دل میں نبی پاک صلی اللہ علیہ والہ وسلم کی محبت نہیں وہ دل ویران مکان کی طرح ہے۔اللہ کے رسول کی محبت کے بغیر جو بھی نیک کام کیاجائے وہ ایسے پھل کی طرح ہے جس میں رس نہ ہو۔میلادکمیٹی کی طرف سے آئندہ محفل میلاد کے لیے قرعہ اندازی کی گئی۔ جس سے محمدکامران کا نام نکلا۔محفل میلاد النبی صلی اللہ علیہ والہ وسلم میں علامہ محمداشرف مظہری،حافظ غلام قاسم،حافظ غلام محمدباروی، فخر عباس،مولانا عبدالحمید چشتی ،محمد کامران ،احسن علی نور،حافظ محمدرفیق، سرفرازاقبال،شیخ رحمت علی،امان اللہ سمیت سیکڑوں افراد نے شرکت کی۔
ود ہولڈنگ ٹیکس کے خلاف 20جنوری کو ملک گیر تاجر کنونشن کا اہتمام۔ طاہر جمیل میاں
پاکستان پیپلز پارٹی سعودی وزیر دفاع محمد بن سلمان کے دورہ پاکستان کا خیرمقدم کرتی ہے۔ اعجاز چوہدری