لاہور (جیوڈیسک) وزیر اعلی پنجاب محمد شہباز شریف نے کہا ہے کہ ملک کسی بھی صورت منفی یا انتشار کی سیاست کا متحمل نہیں ہو سکتا، کہتے ہیں خوشحالی کے سفر میں 18 کروڑ عوام اب رکاوٹ نہیں ڈالنے دیں گے۔
ایوان وزیراعلٰی لاہور میں وزیراعلیٰ پنجاب محمد شہباز شریف سے اراکین اسمبلی نے ملاقات کی اس موقع پر گفتگو میں محمد شہباز شریف کا کہنا تھا کہ ملک کسی بھی صورت منفی یا انتشار کی سیاست کا متحمل نہیں ہو سکتا۔
ان کا کہنا تھا کہ بعض سیاسی عناصر صرف ذاتی مفادات کی خاطر ملک کی ترقی روکنے کے درپے ہیں ، خوشحالی کے سفر میں 18 کروڑ عوام اب رکاوٹ نہیں ڈالنے دیں گے۔
محمد شہباز شریف کا کہنا تھا کہ وزیر اعظم محمد نواز شریف کی قیادت میں پاکستان میں ترقی ، خوشحالی امن اور امید کا سفر شروع ہو چکا ہے۔ سیاست عوام کی بے لوث خدمت کا نام ہے ، ہر قدم ملک کی ترقی اور عوام کی خوشحالی کیلئے اٹھ رہا ہے۔
معیاری رقص ہی میری اولین ترجیح رہا: خوشبو
تعصب کے باعث وزیراعظم کو نیا خیبرپختونخوا نظر نہیں آ سکتا: نعیم الحق