تجھ سے ملنا بھی سزا لگتا ہے

تجھ سے ملنا بھی سزا لگتا ہے
مجھ کو اچھا نہ برا لگتا ہے
بس تیرا روپ نیا لگتا ہے
تیرے جذبات کی نیلامی کا
تیرے چہرے سے پتا لگتا ہے
میرے حالات پہ ہنسنے والے
وقت تجھ سے بھی خفا لگتا ہے
کسی جگنو نہ ستارے کی نمو!
اب اندھیرا ہی بھلا لگتا ہے
ساقیا تیرے پس و پیش کے بعد
زہر پینا ہی دوا لگتا ہے
اب تو اس رشتہء بے معنی میں
تجھ سے ملنا بھی سزا لگتا ہے
ہم وہ بدبخت مسافر ساحل
جن کو منزل پہ دغا ملتا ہے

Sahil Munir

Sahil Munir

ساحل منیر