تحریر امتیاز علی شاکر :لاہور
حاضر ہوں پنجاب اسمبلی کے حلقہ پی پی 159 سے جو انتخابی حلقہ ہے وزیراعلیٰ پنجاب جناب میاں محمد شہباز شریف کا۔ دنیا بھر کی طرح میں بھی میاں صاحب کی صلاحیتوں اور کاوشوں کو قدر کی نظر سے دیکھتاہوں۔مین فیروز پورروڈ کی تعمیر اور میٹر بس سروس شروع کرکے میاں صاحب نے عوام اچھی سفرسہولت فراہم کی ہے۔ جہاں پہلے ہم گھنٹوں ٹریفک جام میں پھنسے رہتے اب وہیں سے بغیر کسی رکاوٹ سفر کرتے ہیں۔
ابھی کل ہی کی بات ہے کہ روزوزیراعلیٰ پنجاب میاں محمد شہباز شریف نے برطانوی ہائی کمشنر فلپ بارٹن کے ساتھ گفتگوکرتے ہوئے کہا کہ پاکستان اور برطانیہ کے دوران تاریخی دو ستانہ معاشی تعلقات ہیں ،جرائم پر قابو پانے کے لیے برطانیہ کے تجربات سے فائدہ اٹھانا چاہتے ہیں۔ اس موقع پر برطانوی ہائی کمشنر نے کہا کہ وزیر اعلی پنجاب میاں محمدشہباز شریف کی غیر معمولی صلاحیتوں کا بیرون ملک بھی اعتراف کیا جاتا ہے ،پنجاب حکومت نے وسائل کا رخ عوام کی فلاح کی طرف موڑ رکھا ہے ،وزیر اعلیٰ نے پنجاب میں عوام کی خدمت کے نئے ریکارڈ ز قائم کیے ہیں” اپنے منتخب وزیراعلیٰ کی تعریف ترقی یافتہ ملک کے اہم حکومتی عہددار کے منہ سے سن کرخوشی کی انتہاء نہیں رہتی۔
دنیا تعریف کیوں نہ کرے ہمارے وزیراعلیٰ نے بڑے بڑے منصوبے چھوٹی مدت میں کامیابی کے ساتھ پورے کرکے دیکھائے ہیں ،بڑے بڑے منصوبوں کو تیز رفتاری سے مکمل کرتے دینانے دیکھاہے پرنجانے کیوں چھوٹے چھوٹے منصوبے کیوں نظرانداز کر دیئے جاتے ہیں؟جس طرح بڑے منصوبے اہمیت کے حامل ہوتے ہیں اُسی طرح چھوٹے منصوبے بھی عوام کے حالات زندگی بہتر بنانے میں اہم کرداراداکرتے ہیں۔ 15 فٹ کی گلی میں کھڑا2 فٹ سیوریج کا گندہ پانی گھرسے نکلنے کی اجازت دے گاتوکوئی میٹروبس یاٹرین جیسی بڑی سہولتوں سے فائدہ اُٹھائے گا۔بچے صاف پانی پی کرصحت وتندروستی کے ساتھ تعلیم وہنرسیکھیں گے توملک وقوم کی خوشحالی اورترقی میں حصہ ڈالنے کے قابل ہوسیکیں گے۔ جناب وزیراعلیٰ پنجاب میاں محمد شہباز شریف سے ایک عرض کرتا چلوں کہ بے شک پوری دنیا آپ کی صلاحیتوں کا اعتراف کرتی ہے پرحلقہ پی پی 159 جہاں آپ ایم پی اے ہیں کے عوام آپ کی صلاحیتوں اعتراف تو کیا یقین بھی نہیں کرتے۔ابھی آج ہی ایک بزرگ کہہ رہے تھے کہ برطانوی ہائی کمشنرفلپ بارٹن کو ایک بارلائوکچاشہزادہ روڈکاہنہ نوپر ہماری حالت دیکھنے کے بعد بھی میاں شہبازشریف کی تعریف کرے توہم بھی مان لیں گے۔ک
PMNL
اہنہ نوپی پی 159 یوسی 247 کی سیاست کا مرکز جانا جاتا ہے ۔ میاں شہباز شریف اس حلقہ سے ایم پی اے اور ن لیگ کی ہی مسزرانامبشراقبال ایم این اے ہیں جبکہ ترقیاتی کام نہ ہونے کی وجہ سے یوسی247 کے عوام نے شیرکے نشان کومکمل ردکرکے آزاد اُمیدوار بشارت علی کو چیئرمیں منتخب کرلیاہے جون لیگ کی قیادت کیلئے لمحہ فکریہ ہے۔عام انتخابات میں عوام نے میاں محمد شہباز شریف کی صلاحیتوں کو مدنظر رکھتے ہوئے قومی اسمبلی کے حلقہ این اے 129 اور صوبائی اسمبلی کے حلقہ پی پی 159 دونوں میں بھر پور کامیابی دلائی، بعدازاں ضمنی انتخابات میں ن لیگ کے ٹکٹ پر مسز رانا مبشر اقبال ایم این اے منتخب ہوئیں جویہاں کے عوام کے ن لیگ پرمکمل اعتماد کامنہ بولتا ثبوت ہے۔ الیکشن مہم کے دوران ن لیگی رہنمائوں نے اپنی تقریروں میں کہا تھاکہ میاں شہبازشریف کوووٹ دے کرکامیاب کریں ،وہ آپ کے حلقہ کے ایم پی اے اورایم این اے بن گئے تووہ اپنے حلقے کوپیرس بنادیں گے پرایسا کچھ نہ ہوسکا۔
راقم اُن مسائل پر زیادہ توجہ نہیں دلاناچاہتاجن کوبنیاد بناکرعوام نے ن لیگ کے ٹکٹ پرالیکشن لڑنے والے اُمیدواربرائے چیئرمن محمدرمضان مستانہ جوماضی میں مسلسل دو مرتبہ اسی حلقہ سے ناظم منتخب ہوچکاہے کوووٹ دینے کی بجائے آزاداُمیدوارحاجی بشارت علی پراعتماد کیا۔محمدرمضان مستانہ ذاتی تعلقات اورن لیگ کی ٹکٹ اورمقامی رہنماء رانامبشراقبال کی بھرپور حمائت کے باوجودہارگیا جبکہ ہونا تویہ چاہئے تھا کہ وزیراعلیٰ کے حلقے سے جسے بھی ن لیگ کاٹکٹ ملتاوہ بھاری اکثریت سے جیتتاپریہاں تووہ بھاری اکثریت سے ہار گیا۔
آج جب وزیراعلیٰ پنجاب میاں محمد شہبازشریف ایم پی اے اورایم این اے بھی ن لیگ کی موجود ہیں پھربھی یوسی247 سے شیرہارگیا ہے تو پھرآنے والے عام انتخابات میں حالات کس طرف جائیں گے؟ اس بات کا فیصلہ آنے والے دنوں میں ترقیاتی کاموں کی سپیڈدیکھ کرہی کیاجاسکتاہے۔یاد رہے کہ بلدیاتی الیکشن کا شڈول جاری ہونے کے بعد اس یوسی میں بہت سے ترقیاتی منصوبے جن میں اکثریت سیوریج اورراستوں کی تعمیر کے منصوبے شامل ہیں شروع کئے گئے تاکہ ن لیگی اُمیدوارجیت سکے پرایسانہ ہوسکا۔عام انتخابات میں بھی یہی روش اختیار کی گئی توپھر میاں صاحب ذرہ سوچ لیں کہ مخالفین کے ہاتھ بہت بڑاانتخابی ہتھیار لگ جائے گا۔
Load shedding
آپ کے مخالفین پورے ملک میںپی پی 159 کی مثال پیش کریں گے اورلوگوں کو دعوت دیں گے کہ ذرہ دیکھو وزیراعلیٰ پنجاب کے حلقے کی حالت کو ۔ذاتی طور پرراقم پاکستان مسلم لیگ ن یا حکومت وقت کامخالف ہے اورہی تنقید کا کوئی شوق ہے اس لئے میاں صاحبان کی قابلیت کااعتراف کرتا ہوں جیسا کہ دہشتگردی کے واقعات میں کمی ،بجلی کی لوڈ شیڈنگ میں کسی حد تک کمی ،کراچی اوربلوچستان میں امن وامان کی بحالی اوردیگر کئی ایسے منصوبے ہیں جن کا کریڈٹ ن لیگ کی حکومت کوجاتاہے۔کیونکہ راقم کا تعلق بھی پی پی 159 کے علاقہ کاہنہ نوسے ہے اس لئے یہاں کے مسائل کو دیکھ کریہ کہنا پڑتا ہے کہ میاں محمد شہباز شریف نے اپنے حلقے پر توجہ نہیںدی ۔
کاہنہ کے مسائل میں سرفہرست سیوریج،تنگ اورٹوٹے پھوٹے راستوں کی تعمیر،پینے کاصاف پانی،خواتین اور بچوں کیلئے پارک،قبرستان کیلئے زمین، صحت کے حوالے سے 60 بیڈپر مشتمل ہسپتال کااعلان ہوچکاہے جبکہ بچوں کی تعلیم کیلئے سرکاری سکولوں کی کمی ہے ،نادرا آفس کا قیام اورشامل ہیں۔میری وزیراعلیٰ پنجاب سے پُرزوراپیل ہے کہ وہ اپنے حلقہ کودوسروں پرچھوڑنے کی بجائے خودوقت نکالیں یاکسی غیرمقامی،غیرسیاسی بندے کویہاں کے مسائل حل کرنے کیلئے تعینات کریں تاکہ عام انتخابات سے پہلے پہلے ہمارے مسائل بھی حل ہوجائیں اورن لیگ مقبولت بھی قائم رہے
Imtiaz Ali Shakir
تحریر: امتیاز علی شاکر: لاہور
imtiazali470@gmail.com
03154174470
زندگی روتے روتے مسکرانے لگی
انڈیا سقوط مشرقی پاکستان کا اقبالی مجرم