پیرمحل کی خبریں 02/07/2015

پیرمحل ( نمائندہ پیرمحل ) پنجاب حکومت نے عام آدمی کی مشکلات کے پیش نظرسستے رمضان بازاروں کا انعقاد کیا ہے تاکہ ماہ مقدس کے دوران کم قوت خرید والے افراد سستی اشیائے خوردونوش خرید کر ماہ مبارک کی نعمتوں سے لطف اندوز ہوں رمضان بازار غریب اور متوسط طبقے کے لیے سوغات کی مانند ہے مگر اس کو فعال کرنا وقت کی اہم ضرورت ہے ان خیالات کا اظہار اسسٹنٹ کمشنرحافظ محمدنجیب نے سستے رمضان بازار کے انعقاد کے سلسلہ میں صحافیوں سے گفتگو کرتے ہوئے کیا ۔انہوں نے کہا رمضان المبارک میں عوام کو ارزاں نرخوں پر معیاری اشیاء کی فراہمی یقینی بنائیں گے ذخیرہ اندوز ملک وقوم کے دشمن جن کے عزائم کو ناکام بنانے کے لیے قانونی کاروائی کا آغا زکردیا ہے جس میں کسی قسم کی رورعایت نہ رکھی جائے گی وزیراعلیٰ پنجاب کے حکم پر ڈی سی اوٹوبہ ٹیک سنگھ کی ہدایات پر تحصیل بھر میں معیاری اور ارزاں نرخوں پر اشیائے خورد نوش کی فراہمی کے لیے ریلیف فراہم کریں گے فلورملزمالکا ن کو آٹے کی سپلائی میں وزن معیار پر کسی صورت سمجھوتہ نہیں ہونے دیں گے عام بازاروں میں شہریوں کو اشیائے خوردنوش کی مجوزہ ریٹس پر فراہمی پر سختی سے عملدرآمد کروارہے ہیں تاکہ صارفین کو رمضان المبار ک میں زیادہ سے زیادہ ریلیف مل سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) قتل کے اشتہاری کو پناہ دینے پر مقدمہ درج تفصیل کے مطابق پولیس کو مطلوب قتل کا اشتہاری ملزم خالد ولد اللہ یار ساکن چک نمبر734گ ب کو اپنی بیٹھک میں پناہ دینے پر اور فرارکروانے پر پولیس نے محسن رضا ولد قلب علی ساکن چک734گ ب کے خلاف زیر دفعہ 216ت پ کے تحت مقدمہ درج کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) تاش پر جوا کھیلتے ہوئے جواء مالک سمیت 8افراد گرفتار مقدمہ درج فرارکی کوشش پر دیوار پھلانگتے ہوئے ایک شخص زخمی تفصیل کے مطابق سب انسپکٹر علمدار حسین نے مخبر کی اطلاع پر چک نمبر319گ ب میں عبدالحمید ولد علی محمد آرائیں کے اڈا پر چھاپہ مارکرجواکھیلتے ہوئے نعیم رفیع ولد فقیر محمد ، آصف ولد شمیر ، طاہر جاوید ولد منیر احمد ، عبدالحمید ولد علی محمد ، نعیم اقبال ولد نوراحمد ، عبدالحمید ولد علی محمد ، عامر عباس ولد عبدالعزیز ، خورشید ولد جامو موقع سے گرفتار کرلیے جبکہ نعیم فاروق ولد عبدالحمید دیوار پھلانگ کر فرارہوتے ہوئے گر کر زخمی ہوگیا پولیس نے 5قمار بازی ایکٹ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) گیس ری فلنگ کرتے ہوئے دکاند ارگرفتار گیس سلنڈر اور ری فلنگ برآمد مقدمہ درج تفصیل کے مطابق غوثیہ آباد پیرمحل کے رہائشی حماد شوکت ولد شوکت علی نے سبزمنڈی روڈ پر چناب فلنگ کے نام سے گیس سلنڈر کی دکان بنارکھی ہے گیس ری فلنگ کرتے ہوئے علمدار حسین سب انسپکٹر نے چھاپہ مارکر رنگے ہاتھوں دکاندا رکو گیس ری فلنگ کرتے ہوئے ری فلنگ مشین اور گیس سلنڈر سمیت پکڑکر زیر دفعہ 285/286ت پ مقدمہ درج کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) نامعلوم چور دکان کی چھت میں نقب لگاکر ہزاروں روپے مالیت کے موبائل فون کارڈ اور نقدی چوری کرکے لے گئے نامعلوم چوروں کے خلاف مقدمہ درج تفصیل کے مطابق چک نمبر320گ ب کے رہائشی علی جاوید ولد غلام رسول نے کریانہ کی دکان بنارکھی ہیں رات کے وقت نامعلوم چوروںنے دکان میں نقب لگاکر موبائل فون کارڈ ، نوکیاموبائل کل رقم 82ہزار روپے چوری کرکے لے گئے چوکی پولیس نے نامعلوم چوروں کے خلاف 457/380ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) لڑائی کے مختلف واقعات میں پانچ افراد شدید زخمی تفصیل کے مطابق کوٹ پٹھانہ میں زمین کے تنازعہ پر ڈنڈوں سوٹوں کے آزادانہ تصادم میں خضرحیات ولد محمد حنیف ،محمد مقبول ولد نذیر احمد زخمی ہوگئے پرانی رنجش کے تنازعہ پر دائود وغیرہ پانچ کس افراد نے حملہ کرکے اختر علی ولد محمد بابو ، قمر زمان ولد اختر علی زخمی ہوگئے چک نمبر 674/15گ ب کے رہائشی عبدالمجید ولد محمد اسحق کو فصل کماد میں مویشی داخل کرنے سے روکنے پر عمران نے تشددکرکے زخمی کرڈالا سڑک کے حادثہ میں محمد سلیم ولد برکت علی ساکن رجانہ زخمی ہوگیا زخمیوں کو سول ہسپتال میں طبی امد ا ددی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) معروف معالج ڈاکٹر ہارون مجید سینئر میڈیکل آفیسر پیرمحل نے کہا روزہ افطار کرنے کے بعد سگریٹ پینے سے زیادہ خطرناک عمل کوئی نہیں روزے کی وجہ سے انسانی جسم کمزور ہو جاتا ہے۔افطاری کے وقت اسے پانی، گلوکوز اور آکسیجن کی سخت ضرورت ہوتی ہے۔ ایسے میں سگریٹ کے ایک کش سے شریانیں سکڑ جاتی ہیں اور خون میں آکسیجن مناسب مقدار میں جذب نہیں ہوتی، خون گاڑھا ہو جاتا ہے جس سے اسکے جمنے کا خطرہ بھی بڑھ جاتا ہے۔ اس سے دل کی دھڑکن بے ربط ہو جاتی ہے، بلڈ پریشر اور کولیسٹرول کی مقدار بڑھ جاتی ہے ، جس سے دل کی بیماریاں لاحق ہونے کا خطرہ کئی گنا بڑھ جاتا ہے لہذا روزہ دار کو روزہ افطارکرتے وقت سگریٹ نوشی سے اجتناب کرنا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) رمضان المبارک رحمتوں برکتوں کا مہینہ جس میںرحمتوں کی برکھا ماہ صیام ہم پر سایہ فگن ہے اس رحمتوں بھرے مہینے کا پہلا عشرہ رحمت دوسرا مغفرت اور تیسرا عشرہ جہنم سے نجات ہے جس میں اللہ کی مقدس کتاب قرآن مجید فرقان حمید قلب اطہر مصطفی ۖ پر نازل ہوئی اس ماہ صیام کی برکتوں کافیض دیکھئے کہ جہاں مسلمان دن میں روزہ رکھ کر اللہ کے حکم کو بجالاتے ہیں وہیں رات میں قیام کر کے تراویح میں تلاوت قرآن کے ذریعے اللہ کی رحمتوں کو لوٹتے ہیں اور ان عظمت والی ساعتوں میں ہم جہاں اللہ کی رحمتوںکو لوٹ رہے ہیں وہیں ہم پر ذمہ داری عائد ہوتی ہے کہ نظام مصطفی ۖ کے نفاذ کا عزم بھی کریںتاکہ جس مقدس عظیم کے لئے یہ خطہ زمین حاصل کیا گیا تھا وہ پورا ہو سکے ان خیالات کا اظہار مولانا حافظ محمد عبداللہ چشتی ضلعی ناظم اعلیٰ جماعت اہلسنت پاکستان عالمی خطیب نے دارالعلوم صاحب لولاک پیرمحل میں رمضان محفل کے شرکاء سے خطاب میں انہوںنے کہا اس ماہ مقدس میں اپنے معاملات کو اللہ اور اس کے رسول ۖ کی خوشنودی میں مصروف کردیں رمضان کی رحمتوں کو لوٹنے کیلئے ذوق و شوق کے ساتھ عبادت کریںانہوں نے رمضان المبارک کی کھلے عام توہین پر شدید درعمل کا اظہار کرتے ہوئے کہا کہ رحمتوں برکتوںاور مغفرت کا مہینہ رمضان المبارک مسلمانوں کیلئے اللہ رب عالمین کاعظیم انعام ہے جس کی ہر ساعت رحمتوں کی برسات ہورہی ہوتی ہے لیکن افسوس اس رحمتوں والے مہینہ میں روزہ کے دوران ہوٹلوں ،پان سگریٹ کے کیبین اور کھانے پینے کے اسٹال رمضان ایکٹ کی خلاف وزری کررہے ہیں ڈی سی اوٹوبہ ٹیک سنگھ کو احترام رمضان کے پیش نظر رمضان ایکٹ پر عملدرآمد کروانا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) انتظامیہ کی غفلت یا لاپرواہی بھکاری ایکٹ 2015غیر موثر ،ماہ رمضان المبارک میں بھکاریوں کے گروہوں کی شہر پر یلغار خدااور رسول کے واسطے دے کر شہریوں کو لوٹنے کا دھندہ عروج پر شہری تاجر سخت پریشان تفصیل کے مطابق پیرمحل شہر میں رمضان المبارک کی آمد کے ساتھ ہی نامعلوم مقام سے آئے ہوئے بھکاریوں کے گروہ جس میں بوڑھی عورتیں اندھے نابینا مرد وں کے ہاتھ تھامے خوبرو دوشیزائیں اپنی بے بسی کارونا روتے ہوئے زکوة فطرانہ خیرات مانگنے کے بہانے شہریوں کوسرعام لوٹ رہے ہیں جبکہ یہ منظم گروہ جس میں چالیس سے پچاس مرد خواتین شامل ہوتی ہے ایک دن میں دوسے تین شہر وں میں اپنا دھندہ کرکے جگہ اپنے پیچھے آنے والے گروہ کے لیے خالی کرکے چلے جاتے ہے جبکہ ان گروہوں کے خلاف بھکاری ایکٹ 2015کوئی بھی سرکاری ادارہ کاروائی کرنے کے لیے تیار نہ ہونے کے باعث عوام کو لوٹنے کا سرعام دھندہ جارہی ہے سماجی فلاحی حلقوںنے ڈی پی اوٹوبہ ٹیک سنگھ ، ڈی سی اوٹوبہ ٹیک سنگھ سے اپیل کی کہ فی الفور بھکاریوں کے اس منظم نیٹ ورک کو توڑتے ہوئے کاروائی کی جائے کیونکہ تاجراور دکاندار جوکہ پہلے ہی مہنگائی کا شکار ہے خدا اور رسول کے واسطے کے باعث مہینے بھر کا منافع ایک دن میں اس گروہ کے ہاتھ دینے پر مجبور ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) صحافتی فرائض انجام دیتے ہوئے چوکی انچارج خالد جمیل کا صحافی کے ساتھ نارواسلوک سنگین نتائج کی دھمکیاں جھوٹے مقدمہ کے اندراج کی دھمکی پر صحافی برادری سراپا احتجاج ڈی پی اوٹوبہ ٹیک سنگھ فی الفور خالد جمیل سب انسپکٹر کو محکمہ بدر کرے تفصیل کے مطابق محکمہ پولیس جس کا کام عوام کے جان ومال کی حفاظت کرناہوتا ہے مگر پولیس میں موجود کرپٹ کام چور ملازمین کی نااہلی کے باعث نہ صرف محکمہ پولیس کا مورال زوال پذیر ہے بلکہ ان کام چور ملازمین کی ہٹ دھرمی کے باعث عام شہری اور میڈیاکے لوگ متاثر ہورہے ہیں پیرمحل چوکی انچارج خالد جمیل نے اپنے فرائض کے ادائیگی کے سلسلہ میں چوکی پیرمحل گئے ہوئے صحافی افتخار احمد سے بدتمیزی سمیت نازیبا کلمات کہتے ہوئے جھوٹے مقدمہ کے اندراج اور سنگین نتائج کی دھمکیاں دینے پر پریس کلب پیرمحل کے عہدیداران ممبران سراپا احتجاج بن گئے رانا شاہد الرحمن صدر پریس کلب پیرمحل کی زیر صدارت منعقدہ اجلاس میں ڈی پی اوٹوبہ ٹیک سنگھ سے چوکی انچارج خالد جمیل کو فی الفور عوامی عہدہ سے معزول کرکے محکمہ بدرکرنے کا مطالبہ کیا ہے نوٹ اس خبر کو ضرور نمایاں جگہ پر لگادیں شکریہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نمائندہ پیرمحل ) ریسکیو 1122 ٹوبہ ٹیک سنگھ نے ماہ جون میں709ایمرجنسی ڈیل کیں: میاں فراز منیر ڈسٹرکٹ ایمرجنسی آفیسرتفصیلات کے مطا بق ڈسٹرکٹ ایمرجنسی آفیسر ریسکیو1122ٹوبہ ٹیک سنگھ میاں فراز منیر، ریسکیو اینڈ سیفٹی آفیسر بشارت حمید اور میڈیافوکل پرسن ملک ابرار کی موجودگی میں میڈیا سے گفتگوکرتے ہوئے گذشتہ ماہ جون کی کاروائی بتاتے ہوئے کہا کہ ریسکیو 1122 ٹوبہ نے ماہ جون میں ٹوٹل کالز12468موصول ہوئیں جن میں سے709کالز ایمرجنسی کے متعلق تھیں جبکہ11759 رونگ کالز تھی . 709ایمرجنسی پر ریسکیو 1122ٹوبہ ٹیک سنگھ کی ٹیم نے رسپونس کرتے ہوئے1 22ٹریفک حادثات، 374 میڈ یکل،09 فائر، 33کرائم،03ڈراوئنگ، بلڈنگ گرنے کا 01 حادثہ اور68مختلف ایمرجنسی شامل ہیں.مزید کہا کہ ریسکیو 1122 ٹو بہ ٹیک سنگھ نے ٹوٹل 801مریضوں کو ڈیل کیا جن میں 140 مریضوں کو موقع پر طبی امداد دی گئی اور 627 مریضوں کو ہسپتال شفٹ کیا گیا۔جبکہ 34 مریض موقع پر ہی جان بحق ہوگئے. انہوں نے کہا کہ زیادہ تر ٹریفک حادثات کو ٹریفک قوانین کی پاسداری اورہیلمٹ کے استعمال سے روکا جا سکتا ہے۔
پیرمحل ( نمائندہ پیرمحل ) صوبائی حکومت نے تمام سرکاری ادارے عوام کو معلومات دینے کے پابند کر دیے۔صوبائی حکومت نے پنجاب ٹرانسپرنسی اینڈ رائٹ ٹو انفارمیشن
ایکٹ2013 کے تحت تمام سرکاری محکموں کو ہدایت کر دی کہ عوام کو معلومات فراہم کی جائے۔اس ایکٹ کے تحت ہر شہری کسی بھی متعلقہ سرکاری محکمہ اور متعلقہ آفیسر کو درخواست دے سکتا ہے جس پر درخواست دینے کے 14 دن کے اندر معلومات فراہم کی جائے گی۔ پنجاب ٹرانسپرنسی اینڈ رائٹ ٹو انفارمیشن ایکٹ2013 کے تحت پنجاب ایمرجنسی سروس ریسکیو 1122 ٹوبہ ٹیک سنگھ میں محمد بشارت حمید ریسکیو اینڈ سیفٹی آفیسرکو پبلک انفارمیشن کا چارج دے دیا گیا ہے۔

Pirmehal News

Pirmehal News

Pirmehal News

Pirmehal News