ملکہ کی خبریں 21/3/2016

sana ullah awan

sana ullah awan

ملکہ (زاہد مصطفی اعوان ) ملک محمد اکرام اعوان آف ہالینڈ کی طر ف سے ڈوگہ تہال میں فری آئی کیمپ کا انعقاد ۔ہزاروں افراد کا مفت چیک اپ ۔150سے زائد افراد کے آپریشن کئے گئے ۔تفصیل کے مطابق ملک محمد اکرام اعوان ہالینڈ کی طر ف سے منڈی بہاوالدین کے بعد آبائی گاوں ڈوگہ تہال میں بھی فری آئی کیمپ کا انعقاد کیا گیا ،جس میں ایک ہزار سے زائد افراد کا مفت چیک اپ کیا گیا ۔ملک محمد اکرام اعوان نے میڈیا کو بتایا کہ سات سو افراد کو مفت عینکیں فراہم کی گئیں ۔اور 150سے زائد افراد کا لینز کے ساتھ آپریشن کیا گیا ۔آپریشن علی الصبع شروع کئے گئے اور رات گئے تک جاری رہے ۔چیئرمین یو سی ڈوگہ ملک محمد اشفاق اعوان نے بھی فری آئی کیمپ کا دورہ کیا اور انتظامات کو تسلی بخش قرار دیا ۔ملک محمد اکرام اعوان گزشتہ کئی سالوں سے ڈوگہ اور منڈی بہاوالدین میں فری آئی کیمپ کا انعقاد کرتے ہیں ۔ہزاروں افراد مفت آپریشن اور چیک اپ سے مستفید ہو چکے ہیں ۔ملک اکرام اعوان مذید بتایا کہ میری زندگی کا مشن غریب اور نادار افراد کی مدد ہے ۔انشاء اللہ عوامی خدمت ہی میری زندگی کا مشن ہے ۔ اس موقع پر ملک محمد اکرام اعوان نے تما م مریضوں کو ایک ایک ہفتے کی ادویات بھی دیں ۔ ادھر پیرس کے معروف صحافی زاہد مصطفی اعوان نے ملک محمد اکرام سے ملاقات کی اور آئندہ سے ملکہ میں بھی فری آئی کیمپ لگوانے کی درخواست کی ۔ملک محمد اکرام نے کہا کہ انشاء اللہ ملکہ میں بھی آپریشن اور فری آئی کیمپ کا انعقاد کیا جائے گا ۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (زاہد مصطفی اعوان )سڑک پر جگہ سپیڈ بریکر ۔بس بے قابو ہو کر الٹ گئی ۔جانی نقصان نہ ہو ا ،تفصیل کے مطابق کوٹلہ تا نوتھیہ چلنے والی بس سپیڈ بریکر کے اضافوں کی وجہ سے بے قابو ہو گئی ۔اور مین روڈ پر الٹ گئی ۔ڈارئیور سمیت کوئی بھی جانی و مالی نقصان نہ ہوا ۔گوٹریالہ تا گلیانہ سڑک تعمیر کے مرحلے سے گزر رہی ہے ۔اور کام بھی گزشتہ کئی ہفتوں سے روکا ہو اہے ۔جس کی وجہ سے سڑک پر گہرے کھڈے بنے ہوئے ہیں ۔اور جگہ جگہ سپید بریکر بھی ڈرائیوروں کی پریشانی کا سبب بنے ہوئے ہیں ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (زاہد مصطفی اعوان )ممتاز مسلم لیگی رہنما ملک ثناء اللہ اعوان نے ایک بیان میں کہا کہ میاں نواز شریف نے حلقہ ایم اے 107میں ترقیاتی کاموں کے جال بچھا دئیے ہیں ۔میاں برادران کے دور حکومت میں ترقیاتی کاموں کے منصوبے پایہ تکمیل تک پہنچیں گے ۔انھوں نے کہا کہ چوہدری عابد رضا ایم این اے نے بھی اپنے حلقہ میں ترقیاتی کاموں کے کئی منصوبے شروع کئے ہوئے ہیں ۔چوہدری عابد رضا کوٹلہ نے ہمارے حلقہ میں سڑکوں اور معیار تعلیم کو انٹر نیشنل معیار تک لے جانے کے لئے خاطر خواہ کوششیں کی ہیں ۔انشاء اللہ حلقہ این اے 107میں کوئی بچہ بھی زیور تعلیم کے بغیر نہیں رہے گا ۔
(یہ بیان ڈبے میں لگا دینافوٹو کے ساتھ )شکریہ
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (زاہد مصطفی اعوان )حیدر کرار فاونڈیشن ملکہ کی طرف سے ملکہ اور منگلیہ میں غریبا ء کے لئے راشن کی تقسیم ۔55فیملیز مستفید ہوئیں ۔تفصیل کے مطابق حیدر کرارویلفیئر فاونڈیشن ملکہ کے طر ف سے غرباء او ر مساکین کے لئے راشن کی تقسیم کی گئی ۔اس راشن سکیم کے ذریعے 55فیملیزکو راشن تقسیم کیا گیا ۔راشن میں 20کلو آٹا۔3کلو چینی 3کلو چاول ۔گھی 3کلو۔چائے اڈبہ۔دالیں ۔چار کلو ۔او ر ضروریات زندگی کی دوسری اشیاء دی گئیں ۔راشن تقسین کرنے کی اس سادہ تقریب کے مہمان خصوصی حیدر کرار فاونڈیشن ملکہ کے سرپرست اعلی ملک زاہد حمید اعوان آف یو کے تھے ،جبکہ صدر حیدر کرار فاونڈیشن ملکہ مولانا شاہد اقبال اور ان کی تمام ٹیم بھی ساتھ تھی ۔راشن وصول کرنے والے افراد نے حیدر کرار کے سرپرست اعلی ملک زاہد حمید اور تمام ٹیم کا شکریہ ادا کیا ۔جبکہ ملک زاہد حمید اعوان کی طرف سے ملک عابد اعوان کی بیٹی کو گجرات یو نیورسٹی میں گولڈ میڈل حاصل کرنے پر 25000روپے بطور انعام بھی دیا گیا ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (زاہد مصطفی اعوان ) نامعلوم چور ایک ہی رات میںپانچ دوکانوں کے تالے توڑ کر ہزاروں کا سامان اور نقدی لے گئے ۔تفصیل کے مطابق تھانہ گلیانہ کے نواحی موضع سینتھل میں نامعلوم چوروں نے 5دوکانوں کے تالے توڑے ۔چوروں نے کریانہ سٹور اور دوسری دوکانوں سے ہزاروں روپے کی نقدی اور سگریٹ وغیرہ چوری کر کے لے گئے ۔پولیس تھانہ گلیانہ کو رپورٹ دے دی گئی ہے ۔