کوئٹہ (جیوڈیسک) بارش اور برف باری کے بعد سردی کی شدت میں اضافہ ہو گیا، کئی علاقوں میں سوئی گیس کے پریشر میں کمی اور بجلی کی عدم دستیابی نے شہریوں کی مشکلات بھی بڑھا دیں۔
پاراچنار میں میدانی علاقوں اور پہاڑوں نے برف کی چادر اوڑھ لی، گلگت بلتستان کے ضلع غذر میں ایک بار پھر برفباری، شندور ٹاپ آمدورفت کے لیے بند ہوگئی ہے جبکہ چترال اور غذر کا زمینی رابطہ منقطع ہے۔
وادی کوئٹہ میں برف باری کا آج دوسرا روز ہے، کوئٹہ میں گزشتہ شب شروع ہونے والی برف باری کا سلسلہ ہفتہ کی رات تک جاری رہا، برف باری کے بعد قندھاری ہواؤں نے سردی کی شدت میں اضافہ کردیا جس سے کوئٹہ کا درجہ حرارت نقطہ انجماد سے کئی درجے نیچے گر گیا۔
کڑاکے کی سردی میں سوئی سدرن گیس کمپنی اور کیسکو کے ہاتھوں شہریوں کو رات گزارنا ایک عذاب بن گیا ،کہیں سوئی گیس غائب رہی تو کہیں بجلی غائب ہوگئی۔
بروری، ہزارہ ٹاؤن میں گیس کا بہت مسئلہ ہے لوگ بہت مشکل سے وقت گزار رہے ہیں ۔بمشکل ایک ہیٹر استعمال میں آرہا ہے۔
سردی کی شدت میں اضافہ ہونے کے بعد بجلی اور گیس کی عدم دستیابی سے جہاں گھروں میں رہنے والے شہریوں کو مشکلات ہوئیں وہاں رات کو ڈیوٹی دینے والے چوکیدار،پولیس و سیکورٹی اہلکاروں اور نجی سیکورٹی گارڈز بھی سخت سردی میں ٹھٹھرتے رہے۔
کوئٹہ میں طویل عرصہ بعد ہونے والی بارش اور برف باری جہاں خشک سالی کا خاتمہ تو کیا مگر اس رحمت کوسوئی گیس کے پریشر میں کمی اور بجلی کی آنکھ مچولی نے شہریوں کیلئے زحمت بنا دیا ہے۔
بحرہ روم میں تارکین وطن کی کشتی الٹ گئی، 8 افراد ہلاک، 80 سے زائد لاپتہ
دوسرا ون ڈے: پاکستان کو جیت کیلئے 221 رنز کا ہدف