رحیم یار خان (جیوڈیسک) بستی صابو ریاڑی میں بجلی کی ہائی ٹینشن تاریں مکان میں گرنے سے دادی اور پوتا پوتی جاں بحق ہوگئے۔
رحیم یار خان کے تھانہ بنگلا اچھا کی حدود میں واقع بستی صابو ریاڑی کا رہائشی مزدور رسول بخش محنت مزدوری کے لئے گھر سے باہر تھا کہ اس دوران بجلی کی ہائی ٹینشن تاریں ٹوٹ کر مکان پر آگریں، جس کے نتیجے میں مکان میں آگ لگ گئی اور گھر میں موجود 2 بچے اور ایک خاتون جاں بحق ہوگئی۔
پولیس کا کہنا ہے کہ جاں بحق ہونے والوں کی شناخت بہن بھائی شکیل اور شکیلہ اور 70 سالہ دادی عظمی کے نام سے ہوئی ہے۔ وزیر اعلٰی پنجاب نے آتش زدگی کے نتیجےمیں ہونے والے جانی نقصان پر گہرے افسوس کا اظہار کیا ہے۔
لنڈی کوتل میں ایف سی چھاؤنی کے قریب دستی بم حملہ
کسی غیر جمہوری اقدام کی حمایت نہیں کریں گے، سراج الحق