کراچی (جیوڈیسک) قاتلانہ حملے میں زخمی متحدہ قومی موومنٹ کے رہنما رشید گوڈیل کا طبی معائنہ مکمل ہو گیا اور اب ان کی حالت خطرے سے باہر ہے۔
ترجمان لیاقت نیشنل اسپتال کے مطابق زخمی رشید گوڈیل کی حالت تیزی سے بہتر ہورہی ہے جب کہ ڈاکٹروں کی ٹیم نے آج صبح ان کا تفصیلی معائنہ بھی کیا اور وہ اب سرگوشی کی صورت میں بات بھی کرتے ہیں تاہم ڈاکٹروں کی ٹیم ہی فیصلہ کرے گی کہ وہ پولیس کو بیان دے سکتے ہیں یا نہیں۔
انہوں نے کہا کہ رشید گوڈیل کے سینےکا ایکسرا، بلڈ ٹیسٹ سمیت مختلف ٹیسٹ کے نتائج دیکھ کروارڈ منتقل کیا جائے گا اور امید ہے کہ انہیں آئندہ ایک دو روز میں وارڈ منتقل کردیا جائے گا۔
واضح رہے کہ رشید گوڈیل 18 اگست کو کراچی کے علاقے بہادرآباد میں اپنی رہائش گاہ کے قریب قاتلانہ حملے میں شدید زخمی ہوگئے تھے۔
پاکستان اب بھارت سے مذاکرات کی درخواست نہیں کرے گا، سرتاج عزیز
پیپلز پارٹی رہنما قاسم ضیا کے جسمانی ریمانڈ میں توسیع کی درخواست مسترد، جیل بھجوا دیا گیا