پائی خیل (نامہ نگار) معروف سماجی شخصیت عبدالکریم جوڑا وفات پاگئے ۔تفصیلات کے مطابق معروف سماجی شخصیت عبدالکریم جوڑا،غلام رسول جوڑاکے بیٹے ،محمد سیلم المعروف شاہ جی جوڑاکے بھائی قلیل علالت کے بعدوفات پاگئے ۔ان کی نمازِجنازہ قاری آصف عنایت اللہ چشتی نے پڑھائی۔نمازِجنازہ میں ہرمکتبہ فکرکے کثیرتعدادلوگوں نے شرکت کی ۔مرحوم کے ایصالِ ثواب کے لئے کل اتوارکی صبح جامع مسجدشیرخیل المعروف شریں والی پائی خیل شہرمیں قرآن خوانی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار)محسن انسانیت ،خاتم پیغمبراں ،رحمتِ ہرجہاں ،انیس بیکراں،آقائے دوجہاں سرورکائنات، فخرموجودات،نبی اکرم،شاہ بنی آدم،نورمجسم،سروردوعالم، جناب احمدمجتبیٰ محمدمصطفیۖ کاذکرقرب الٰہی حاصل کرنے کابہترین ذریعہ ہے خالق کائنات نے آپۖکوتمام جہانوں کے لئے باعث رحمت بناکربھیجاآپۖوجہ تخلیق کائنات ہیں اورآپۖہی کے ذکرسے یہ دنیاآبادہے حضورپاکۖکاذکرایساافضل ترین ذکرہے جوخالق کائنات خوداپنے نورانی فرشتوں کے ساتھ ملکرفرماتاہے ان خیالات کااظہارحافظ کریم اللہ چشتی نے جامع مسجدعلی خان خیل سٹی پائی خیل میں نمازِجمعہ کے اجتماع سے خطاب کرتے ہوئے کیاانہوں نے کہاکہ نبی کریمۖکاحقیقی عشق ہی مومن کاسرمایہ ہے آپۖکی محبت سے دلوں میں نورپیداہوتاہے کثرت سے درودشریف پڑھنے سے دکھوں سے نجات ملتی ہے اورروحانی درجات بلندہوتے ہیں ۔نفرتوں ،کدورتوں کے خاتمہ کے لئے ضروری ہے کہ محبت رسولۖکے دیپ روشن کیے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار)بنیادی مرکزصحت پائی خیل میں ایمبولینس کوڈیزل کی فراہمی نہ ہونے سے شہریوں کوشدیدمشکلات کاسامناتفصیلات کے مطابق بنیادی مرکزصحت پائی خیل میں ایمبولینس موجودہونے کے باوجودعرصہ درازسے ڈیزل کی فراہمی نہ ہونے سے شہریوں کوایمرجنسی مریض لے جانے کے لئے شدیدمشکلات کاسامناکرناپڑرہاہے ۔کیونکہ سرکاری ایمبولینس ہونے کے باوجودشہری پرائیویٹ پبلک ٹرانسپورٹ کے ذریعے ایمرجنسی مریضوں کوہسپتال تک لے جانے پر مجبورہیں۔ علاوہ ازیںڈیزل کی فراہمی نہ ہونے کے باعث یہاں پرتعینات ڈرائیورساراسارادن ہاتھ پرہاتھ رکھ کر کروقت گزارتے ہیں اورساتھ ہی ایمبولینس کھڑی ہونے سے کھٹارابن رہی ہے جس سے ایمرجنسی مریضوں کوکوئی فائدہ نہیں پہنچ رہا۔سماجی شخصیات زاہدمحمودخان،عاقل خان،غلام رسول خان،نجف علی خان ودیگرنے ڈی سی اومیانوالی اورای ڈی ہیلتھ سے اصلاح واحوال اورنوٹس لینے کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار)پائی خیل میں گندگی کے ڈھیر،نالیوں کاگندہ پانی ،تجاوزات کی بھرمار،آوارہ کتوں کی بہتات ،بجلی کی غیراعلانیہ ظالمانہ لوڈشیڈنگ ،پینے کے صاف پانی کی عدم ِ دستیابی اوردیگرسہولیات کے فقدان سے شہریوں کی زندگی عذاب بن گئی ۔تفصیلات کے مطابق پائی خیل کے محلوں کبی خیل،شیرخیل، سرمت خیل،چنن خیل،حیات خیل،دروخیل اوردیگرمحلہ جات کے گلی کوچوں میں پڑے گندگی کے ڈھیروں نے ناصرف آمدورفت کے راستے سکڑاکررکھ دیے ہیںبلکہ گندگی کی ڈھیروں پرمکھیاںاورمچھربھنبھناتے پھرتے ہیں علاوہ ازیںشہرکی گلیوں اورآمدورفت کے راستوں میں لوگوں کے گھروں کاگندہ اور آوارہ پانی جمع ہوکرجھیل کی شکل اختیارچکے ہیں۔اُدھربجلی کی غیراعلانیہ لوڈشیڈنگ سے مزدور،کسان اورہرمکاتب فکرسے تعلق رکھنے والے افرادکے چولہے ٹھنڈے پڑچکے ہیں۔موسم سرمامیں بھی بجلی کی غیراعلانیہ لوڈشیدنگ کی طوالت میں اضافہ ہوتاجارہاہے۔ نصف سے زائدشہریوں کوپینے کے صاف پانی کی فراہمی معطل ہوچکی ہے ۔واٹرسپلائی سکیم کی بوسیدہ لائنیںاورواٹرٹینکی میں خطرناک پڑی دراڑیں شہریوں کے لئے دردسربن چکی ہیں۔گندہ پانی سپلائی ہونے سے ہیپاٹائٹس بی اورسی ،دانتوں اورپیٹ کے پیچیدہ امراض پھوٹ پڑے ہیں ۔شہرکے اہم شاہراہوں پرلینڈمافیانے ناجائزتجاوزات کی اخیرکررکھی ہے۔جن کوکوئی پوچھنے والانہیں۔شہراورگردونواح میں گرانفروشوں نے من مانی اورمصنوعی مہنگائی کرکے شہریوںکے جیبوں پردن دیہاڑے ڈاکے ڈال رکھے ہیں۔گرانفروشوں کے پاس نہ ریٹ لسٹ ہے اورنہ ضابطہ اخلاق روزہ مرہ کی خوردونوش کی اشیاء گوشت،سبزیات،فروٹس،دالیں اوردیگراشیاء کے من مانے ریٹ مقررکرکے ایک دوسرے سے سبقت لینے کے مقابلے جاری وساری ہیں جس سے شہریوں کی ناک میں دم کررکھاہے۔علاوہ ازیں گلیوں میںآوارہ کتے ٹولیوں کی شکل میں پھرکرکئی افراداورپالتومویشیوں کوکاٹ چکے ہیں۔ شہریوں زاہدمحمودخان،مامامحمداسلم،ظفراقبال خان،سلیم ملک،اے این خان،مک سعداللہ ودیگرنے ارکان قومی وصوبائی اسمبلی،کمشنرسرگودھاڈویژن،ڈی سی اومیانوالی اورارباب اختیارسے پرزورمطالبہ کیاہے کہ پائی خیل کے مندرجہ بالامسائل جلدازجلدترجیحی بنیادوں پرحل کرکے شہریوں کی مشکلات کاازالہ کیا جائے۔
اعوان برادری کے نامور سپوت ملک محمد الطاف اعوان مختصر علالت کے بعد اپنے خالق حقیقی سے جا ملے
آئین پاکستان میں حاکم اعلیٰ اللہ عزوجل کی ذات ہے، شاہ محمد اویس نورانی