سعودی عرب میں دھڑ جڑی پاکستانی بہنوں کی سرجری کامیاب

Saudi Arabia, surgery successful

Saudi Arabia, surgery successful

ریاض (جیوڈیسک) سعودی عرب میں دھڑ جڑی پاکستانی بہنیں سرجری کے بعد تیزی سے صحت مند ہو رہی ہیں ۔ عرب نیوز کے مطابق پاکستانی علاقے سوات سے تعلق رکھنے والی فاطمہ اور مشعل آپریشن کے بعد صحت مند ہیں ، ڈاکٹرز کے مطابق آپریشن کے بعد دونوں بہنیں تیزی سے صحت مند ہو رہی ہیں ۔

ڈاکٹرز کا کہنا ہے کہ ان کےجگر کو کوئی خطرہ نہیں ، دونوں بہنوں کا سینہ اور جگر آپس میں جڑا ہوا تھا ۔ ریاض کے کنگ عبداللہ چلڈرن ہسپتال میں بیس رکنی میڈیکل ٹیم نے چھ گھنٹے کی سرجری کے بعد دونوں کو علیحدہ کیا ۔ جڑواں بچیوں کے والدین نے سعودی حکومت کی جانب سے ان کی بچیوں کے علاج میں معاونت پرخصوصی شکریہ ادا کیا ہے ۔