پائی خیل (نامہ نگار) گورنمنٹ ایلمنٹری سکول کوٹ بیلیاں کے طالبعلم محمداسرار کی تحریری مقابلہ جات میں پہلی پوزیشن۔تفصیلات کے مطابق کلسٹرسنٹرپائی خیل میں سکول ہیڈماسٹرمحمداقبال خان اورڈی ٹی اے گل نوازخان کی زیرنگرانی پچیس سکولوں کے درمیان تحریری امتحانی مقابلہ ہوا۔جس میں گورنمنٹ ایلمنٹری سکول کوٹ بیلیاں پائی خیل جماعت پنجم کے ہونہارطالبعلم محمداسرارنے پہلی پوزیشن حاصل کرلی ۔طالبعلم محمداسرارنے کہاکہ میری اس کامیابی کاسہرارئیس مدرسہ اظہرحسین اورکلاس انچارج شمس الدین کے سرہے جن کی انتھک محنتوں اورکاوشوں سے میں نے یہ اعزازحاصل کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار)پائی خیل گردونواح میں زکام ،الرجی،کھانسی اورملیریاکی وباء پھیل گئی ناداراورغریب مریض دربدرہوگئے تفصیلات کے مطابق پائی خیل اور گردونواح میں بارانِ رحمت نہ ہونے کے باعث ہرطرف گردوغبارپھیلاہواہے ۔جس کی وجہ سے علاقہ بھرمیں بوڑھوں ،بچوں ،عورتوںاورہرعمرکے لوگوں میں زکام،الرجی،کھانسی،اورملیریاپھیلاہواہے۔جس کے باعث ناداراورغریب مریض پرائیویٹ کلینک پرجاکربھاری بھرکم اخراجات کرنے پرمجبورہیں اور پرائیویٹ کلینک کے مالکان کی چاندی ہوگئی ہے ۔لوگوں نے بارانِ رحمت کے لئے اللہ تعالیٰ سے خصوصی دعائیں کی ہیں ۔
پیرمحل کی خبریں 16/11/2016