سیکا کائی کے جلد کی خوبصورتی کے لیے حیرت انگیز فوائد

Shakakai

Shakakai

سیکاکائی سے متعلق عام طو پر خیال کیا جاتا ہے کہ یہ بالوں کی خوبصورتی کے لیے مفید ہے لیکن درحقیقت سیکاکائی نہ صرف بالوں بلکہ جلد کی خوبصورتی اور دلکشی میں بھی اہم کردار ادا کرتا ہے۔

کھجلی اور خارش میں مفید:
سیکا کائی جلدی بیماریوں کے خاتمے میں اہم کردار ادا کرتا ہے اور اس سے بھرپور فائدہ اٹھانے کے لیے جراثیم کش باڈی واش بنائیں اس باڈی واش کو بنانے کے لیے سوکھی ہلدی کو پانی میں بھگو دیں اور پھر اس کا پاؤڈر بنا لیں پھر سیکا کائی کو جلا کر اس کا بھی پاؤڈر بنالیں اور پھردونوں کو دودھ میں ملا کراس کا مرکب بنا لیں۔ اس باڈی واش کو نہانے سے قبل چہرے پر لگا لیں اور 20 منٹ بعد چہرہ دھو لیں۔

چہرے کی چمک اور دلکشی کو بڑھانے کے لیے:
آدھا چمچہ سیکا کائی پاؤڈر میں ایک چمچہ بادام کا پاؤڈر، ملائی اور ہلدی کو ملا کر اس میں 2 چمچے شہد ملا دیں۔ یہ آمیزہ آپ کی جلد سے مردہ خلیوں کے خاتمے میں مدد دے گا اور جلد چمک اٹھے گی۔

معمولی زخموں کا علاج:
سیکا کائی کو جلا کر اس کا پاؤڈر بنالیں پھر اسے ایک چمچہ نیم پاؤڈر سے ملا کر ٹھنڈے پانی میں مکس کر کے مرکب بنالیں، یہ مرکب معمولی زخموں لگانے سے جلد آرام آجاتا ہے۔