کراچی: حق پرست رکن صوبائی اسمبلی نشاط محمد ضیاء قادری نے کہا کہ انشا اللہ 5دسمبر کو شہر کراچی کے عوام اپنے ووٹ کے ذریعے متحدہ قومی موومنٹ کے مخالفین کے لئے نشان عبرت بنا دیں شہر کراچی میں حق پرست اُمیدواروں کے حق میں کراچی کے عوام کی انتخابی مہم نے مخالفین پر لرزہ طاری کردی ہے پورے ملک کی طرح شہر کراچی کے عوام 5دسمبر کو ایم کیو ایم مخالفین کو شکست سے دو چار کرینگے۔
ان خیالات کا اظہار حق پرست رکن صوبائی اسمبلی نشاط محمد ضیاء قادری نے شاہ فیصل کالونی کی مختلف یونین کمیٹیز میں حق پرست نمائندوں کے انتخابی کارنر میٹنگ سے خطاب کرتے ہوئے کیا ۔شاہ فیصل کالونی میں حق پرست اُمیدواروں کا انتخابی مہم عروج پر پہنچ گیا تمام یونین کمیٹیز میں انتخابی مہم عوام نے خود سنبھال کی شاہراہوں ،گلیوں اور انتخابی دفاتروں میں برقی قمقموں سے چراغاں کے ساتھ شاہراہوں اور گلیوں کو پتنگ اور پارٹی پرچموں سے سجا دیا گیا۔
شاہ فیصل کالونی کے مختلف علاقوں میں انتخابی کارنر میٹنگ سے خطاب کرتے ہوئے حق پرست رکن صوبائی اسمبلی نشاط محمد ضیاء قادری نے مزید کہاکہ شہر کراچی کا دل ایم کیو ایم کے ساتھ دھڑکتا ہے جھوٹے پرو پگنڈے کے ذریعے مخالفین کراچی کے عوام کی دلوں سے قائد تحریک محترم الطاف حسین کی محبت نہیں نکا سکتے شہر کراچی کل بھی ایم کیو ایم کا تھا آج بھی ہے اور انشااللہ ہمیشہ رہیگا ۔نشاط ضیاء قادری نے کہاکہ متحدہ قومی موومنٹ کی حمایت میں شہر کراچی کے عوام کا جوش و خروش مخالفین کو نوشہ دیوار پڑھ لینا چاہیے انہوں نے عوام سے کہا کہ وہ بلا خوف و خطر 5دسمبر کو اپنا حق رائے دہی استعمال کریں۔
ملک سلیمان عاطف سابق امیدوار برائے کونسلر کا حافظ عمار یاسر کے بیان پر رد عمل
کراچی :آئندہ چوبیس گھنٹے کے دوران موسم خشک رہنے کا امکان