دوحہ (جیوڈیسک) سعودی عرب کے شاہ سلمان بن عبدالعزیز قطر کے دو روزہ سرکاری دورے پر سوموار کو متحدہ عرب امارات سے دوحہ پہنچ گئے ہیں۔ ہوائی اڈے پر امیر قطر شیخ تمیم بن حمد آل ثانی اور دوسرے اعلیٰ عہدے داروں نے ان کا استقبال کیا۔
سعودی شاہ دوحہ میں قیام کے دوران شیخ تمیم بن حمد آل ثانی سے دونوں ملکوں کے درمیان دوطرفہ تعلقات کو مزید مضبوط بنانے کے طریقوں، اہم علاقائی اور عالمی امور اور عالمی سطح پر رونما ہونے والی حالیہ تبدیلیوں کے حوالے سے تبادلہ خیال کریں گے۔
قطری وزیر خارجہ شیخ محمد بن عبدالرحمان آل ثانی نے ایک بیان میں کہا ہے کہ سعودی عرب اور قطر خطے سے متعلق امور ،دہشت گردی کے خلاف جنگ کے لیے مشترکہ کوششوں اور خطے میں امن و استحکام لانے کے حوالے سے یکساں موقف کے حامل ہیں۔
سعودی فرمانروا نے قطر سے پہلے متحدہ عرب امارات کا تین روزہ سرکاری دورہ کیا ہے۔انھوں نے ابوظبی میں یو اے ای کی قیادت سے ملاقات کی۔
انھوں نے سوموار کو آخری روز دبئی میں ”الشندغة” کے تاریخی ثقافتی علاقے کا دورہ کیا ہے۔وہ عجائب گھر اور شیخ سعید آل مکتوم کے گھر بھی گئے جو 1896ء میں تعمیر کیا گیا تھا۔
سپریم کورٹ میں جھوٹوں کی داستان سننے جا رہا ہوں : عمران خان
چین: کان میں دھماکہ، 11 کان کن محصور