لاہور (جیوڈیسک) لاہور ہائیکورٹ میں وزیر اعلیٰ پنجاب شہباز شریف کی نااہلی کے لیے درخواست سماعت کے لیے مقرر ، جسٹس عائشہ اے ملک کل صبح 9 بجے درخواست کی سماعت کریں گی ، تحریک انصاف بنام شہباز شریف عدالتی جنگ جاری ہے۔
رہنما تحریک انصاف اعجاز چودھری نے شہباز شریف کی اہلیت کو لاہور ہائیکورٹ میں چیلنج کیا تھا ۔ درخواست میں موقف اختیار کیا گیا وزیر اعلیٰ نے ذاتی کاروبار کیلئے عدالتی حکم کی خلاف ورزی کی اور منصب کا غلط استعمال کیا ، شہباز شریف نے قومی اور عوامی مفادات کو پس پشت ڈال کر کے اپنے ذاتی مفادات کو ترجیح دی ہے۔
درخواست میں قانونی نقطہ اٹھایا گیا ہے کہ شہباز شریف نے آئین کی کھلی خلاف ورزی کی ۔ وزیر اعلیٰ پنجاب نے شوگر ملوں کو غیر قانونی منتقل کرنے کا ارتکاب کیا ہے ۔ پی ٹی آئی نے یہ بھی واضح کیا کہ سپریم کورٹ واضح رولنگ دے چکی تھی کہ پنجاب کے کسی حصے میں کوئی نئی شوگر مل لگانے یا اضافے اور منتقل نہیں کیا جاسکتا ، درخواست میں استدعا کی گئی کہ شہباز شریف کو عہدے سے نااہل قرار دیا جائے۔
تحریک انصاف کی جانب سے شہباز شریف کے خلاف دائر درخواست کی پیروی بابر اعوان کریں گے ۔ درخواست پر جسٹس عائشہ اے ملک کل صبح 9 بجے سماعت کریں گی۔
بسم اللہ ویلفیئر سوسائٹی کے زیر اہتمام محفل میلاد ۖ کا انعقاد
سندھ ہائیکورٹ نے وی آئی پی شخصیات کی سکیورٹی پالیسی طلب کر لی