اسلام آباد (جیوڈیسک) قائد حزب اختلاف خورشید شاہ کا کہنا ہے کہ نیب آرڈیننس لانا حکومت کے لیے خطرناک ہو گا لہذا نواز شریف کو وقت کی نزاکت سمجھتے ہوئے یہ بل نہیں لانا چاہیے۔
پارلیمنٹ ہاؤس کے باہر میڈیا سے بات کرتے ہوئے قومی اسمبلی میں اپوزیشن لیڈرخورشید شاہ نے کہا کہ نیب آرڈیننس لانا حکومت کے لیے خطرناک ہوگا کیونکہ اب کوئی جماعت نیب آرڈیننس کی حمایت نہیں کرسکتی اورجو بھی اس آرڈیننس کی حمایت کرے گا عوام اس کو نہ صرف چور چور کہیں گے بلکہ اگر نیب آرڈیننس کو قرآن کے سائے میں بھی تیار کیا گیا تو عوام نہیں مانیں گے۔ انہوں نے کہا کہ یہ وقت نیب قوانین میں ترمیم کا نہیں ہے لہذا نواز شریف کو وقت کی نزاکت سمجھنا چاہیے اور بل نہیں لانا چاہیے۔
خورشید شاہ نے کہا کہ مردم اور خانہ شماری ملتوی نہیں ہونی چاہیے اور اگر مردم شماری کے لیے 3 لاکھ فوج نہیں ملتی تو 2 مرحلوں میں مردم شماری کرائی جائے جب کہ پہلے مرحلے میں سندھ اوربلوچستان میں مردم شماری کرائی جائےاور دوسرے مرحلے میں پنجاب اور خیبرپختونخوا میں مردم کرائی جائے۔
وزیر اعلی کے پی کے پرویز خٹک کی گاڑی جعلی نمبر پلیٹ لگانے پر پکڑی گئی
خطے میں امن کے لیے ہمسائیوں کے ساتھ بہتر تعلقات کی پالیسی پر عمل پیرا ہیں، وزیراعظم