شیخوپورہ کی خبریں 14/1/2017

Posted on January 14, 2017 By Mohammad Waseem دوسرے شہروں سے, سٹی نیوز

شیخوپورہ (ڈاکٹر ایم ایچ بابر سے) ڈی پی او شیخوپورہ سرفراز خان ورک نے تھانہ مانانوالہ میں فائرنگ کا مقدمہ درج ہونے پر نوٹس لے لیا جس کے مطابق اصل حقائق کے مطابق تحریر ہے کہ مسمی جنید احمد ولد یاسین سکنہ جھلار دیو کا بشمولہ مانانوالہ نے بذریعہ درخواست مقدمہ درج بالاکروایا کہ 06-01-17کو بوقت 2/30بجے دن میرا والد یاسین ولد محمد سہیل عاشق ولد ولی محمد بسواری موٹرسائیکل مانانوالہ جا چکے تھے گائوں سے تھوڑی دور مسیمان سعید ولد نوید مسلح پسٹل عاقب ولد سعید اقوام ورک ساکنائے کوریاں دی جھلار معہ ایک کس نامعلوم مسلح پسٹل بسواری موٹر سائیکل آگئے سعید نے للکارا مارا آج یہ بچ کر نہ جائیں ۔ عاقب نے دستی پسٹل کا فائر میرے والد پر کیا جو اسے پیٹ پر دائیں طرف لگا ملزمان فائرنگ کرتے ہوئے فرار ہوگئے ملزمان کے ساتھ سابقہ مقدمہ بازی ہے جس کی ہم پیروی کرتے ہیں پیروی سے روکنے کے لیے عاقب نے میرے والد کو فائر مار کر مضروب کیا ہے تحریر FIRمیں مدعی جنید احمد نے اپنی درخواست الزام علیہ عاقب کی ولدیت سعید غلط تحریر کی تھی کیونکہ اس کی درست ولدیت نوید ہے جو مدعی نے اپنے تتیمہ بیان میں درست کروادی ہے کیونکہ ونوں ملزمان حقیقی بھائی ہیں جبکہ ملزمان نے چالاکی کا مظاہرہ کرتے ہوئے معزز عدالت کو دھوکہ دیتے ہوئے ملزم سعید کے بیٹے علی عثمان عاقب کو عدالت میں پیش کر کے کاغذات قبل از گرفتاری پر صرف بچے کا نام عاقب ولد سعید تحریر کر کے عبوری ضمانت کروا لی ہے حالانکہ ملزم عاقب جس کی ولدیت مدعی مقدمہ نے غلط تحریر کی تھی جس کی تاریخ پید ائش بمطابق برتھ سرٹفیکیٹ یونین کونسل فاروق آباد گائوں14-05-1991ہے، واضح رہے کہ گزشتہ روز ایڈیشنل ڈسٹرکٹ اینڈ سیشن جج شیخوپورہ محمد عارف خان نے بطور ڈیوٹی جج فرائض انجام دیتے ہوئے فائرنگ کیس میں ملوث کئے جانے والے دو سالہ شیر خوار بچے عاقب سعید کی عبوری ضمانت کی درخواست کو منظور کرلیا تھا اور پولیس حکام کو ہدایت جاری کی تھی کہ عاقب سعید اور اسکے والد سعید اختر کے خلاف تھانہ مانانوالہ میں زیر دفعہ 324/34کے مقدمہ کی تفتیش کرکے اس کا ریکارڈ 18جنوری کو ایڈیشنل سیشن جج حسنین قادر کی عدالت میں پیش کیا جائے ، فاضل عدالت میں پیش کرنے کیلئے شیر خوار ملزم کو اس کا والد گود میں اٹھا کر لایا تھا جہاں دوپہر کے بعد درخواست ضمانت کی سماعت کیلئے آواز نہ پڑنے کے باعث وہ والد کی گود میں ہی سوگیا اور آواز پڑنے پر اس کے منہ پر پانی کے چھینٹے ڈال کر اسے نیند سے بیدار کرکے عدالت میں پیش کیا گیا ، کچہری میں ہر شخص اس مقدمہ کے اندراج پر حیران تھا مبینہ طور پر بنائے گئے وقوعہ کے بعد تین روز کی تاخیر سے درج کیا گیا ہے فاضل عدالت کے روبرو سعید اختر نے اپنی اور بیٹے کی درخواست ضمانت میں موقف اختیار کیا ہے کہ گائوں دیوگی میں ان کا ایک فریق سے اراضی کا تنازعہ چل رہا ہے اس سلسلہ میں چند روز قبل میرے بھائی پر قاتلانہ حملہ کرکے اسے مضروب کیا گیا جو کہ شیر خوار ملزم کا چچا تھا جس کا مقدمہ ہم نے چھ ملزمان کے خلاف درج کروایا اس مقدمہ کو برابر کرنے کیلئے میرے اور میرے دو سالہ بیٹے اور ایک نامعلوم شخص کے خلاف دوسرے فریق میں شامل ایک شخص جنید نے تھانہ مانانوالہ میں مقدمہ درج کروادیا ہے میں تحصیل ننکانہ صاحب کے علاقہ جھلارکوڑیاں کا رہائشی ہوں شیر خوار بچے اوراس کے والد کے خلاف تھانہ مانانوالہ میں درج ہونے والی ایف آئی آر میں کہا گیا ہے کہ سعید اختر اوراس کا بیٹا مسلح ہائے پستول نے اپنے ایک ساتھی کی مدد سے حملہ آور ہوئے اور عاقب نے فائر کیا جو مدعی جنید کے والد یٰسین کی ٹانگ میں لگا جس سے وہ شدید زخمی ہوگئے جس کے طبی معائنہ کی رپورٹ بھی حاصل کی گئی ہے ، فاضل ایڈیشنل ڈسٹرکٹ اینڈ سیشن جج نے شیر خوار بچے اور اسکے والد کی عبوری ضمانت کی درخواستیں منظور کرتے ہوئے کہا ہے کہ شیر خوار بچے کی ضمانت کنفرم کرنے کی استدعا اسکا تاریخ پیدائش کا سرٹیفکیٹ پیش نہ کرنے کی بناء پر مسترد کی جاتی ہے تاہم ان دونوں کی عبوری ضمانتوں کو منظور کیا جاتا ہے اور درخواست گزار سعید اختر کو ہدایت کی جاتی ہے کہ وہ شامل تفتیش ہو اور تاریخ پیشی پر عدالت میں بھی پیش ہوجبکہ تھانہ مانانوالہ پولیس کے ذرائع نے موقف اختیار کیا تھا کہ ایف آئی آر مدعی کی ابتدائی اطلاع کی بنیاد پر درج کی جاتی ہے اصل حقائق تفتیش کے بعد منظر عام پر آتے ہیں تفتیش کے دوران عاقب کے بارے میں فوری فیصلہ دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ(بیورورپورٹ)پاکستان پیپلز پارٹی ورکرز کے مرکزی انفارمیشن سیکرٹری رائے قیصر عباس کھرل نے اپنے ایک بیان میں کہاہے کہ بھارتی آرمی چیف کی طرف سے سرجیکل سٹرائیک کی دھمکی مقبوضہ کشمیر میں بھارتی ننگ انسانیت کاروائیاں اورمحکوم کشمیریوں کے قتل عام سے دنیا کی توجہ ہٹانے اوربھارتی فوج کے مورال کو اپ کرنے کی ناکام کوشش ہے پاکستان نے ہمیشہ اقوام متحدہ کے اصولوں اورعالمی رائے عامہ کااحترام کیاہے بھارت کی بوکھلاہٹ میںاضافہ اس کے اندرونی حالات کی عکاسی کرتا ہے ۔میڈیا کے نمائندوں سے گفتگو کرتے ہوئے رائے قیصر عباس کھرل نے کہا کہ ایک طویل عرصہ سے جنوب مشرقی ایشیا ہی نہیں پوری دنیا کے امن اورسلامتی کے لیے خطرہ پید اکیاہواہے اصل میں عالمی رائے عامہ کی سرجیکل سٹرائیک اس کے خلاف شروع ہے ۔ اسے عالمی قوانین کااحترام کرناچاہیے مسئلہ کشمیر بات چیت سے حل کرے پاکستان کو غیر مستحکم کرنے کی بجائے اپنے ملک میں بھوک وافلاس اورعلیحدگی کی جاری تحریکوں پر توجہ دے پاکستان کوکمزور سمجھنا چھوڑدے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ(ڈاکٹر ایم ایچ بابر سے)وفاقی وزیر سمندر پار پاکستانیز و انسانی ترقی پیر صدر الدین راشدی اور چیئرمین ای او آئی بی صالح احمد فاروقی کی ہدایت پر ریجنل ہیڈ شیخوپورہ خالد محمود نے ضلع بھر کے 44پرائیویٹ کالجز کو نوٹس جاری کرتے ہوئے ہدایت کی ہے کہ اگر انہوں نے 15یوم کے اندر اپنے اداروں کی رجسٹریشن نہ کروائی تو ان کے خلاف قانونی کاروائی عمل میں لائی جائے گی ، سماجی تحفظ کے حق سے محروم محنت کش طبقے میں پینشن کے حوالے سے آگاہی اور شعور بیدار کرنے کیلئے بھی اقدامات اٹھائے جارہے ہیں جبکہ صنعتی و کاروباری اور تجارتی یونٹس کے ملازمین کا سراغ لگا کر انہیں بھی ای او آئی بی میں رجسٹریشن کروانے کیلئے اقدامات اٹھائے جارہے ہیں، انہوں نے بتایا کہ پریس کلب شیخوپورہ پاکستان کا چھٹاپریس کلب ہے جس کی رجسٹریشن مکمل ہونے کے بعد سالانہ اقساط بھی پونے دو لاکھ روپے بھی جمع ہوچکی ہے انہوں نے کہا کہ وفاقی حکومت کی ہدایت پر ضلع بھر میں رجسٹریشن کا عمل تیزی سے جاری ہے اس سلسلہ میں ذرائع ابلاغ کے نمائندوں اورسماجی حقوق کیلئے کام کروانے اداروںاور افراد کو بھی چاہئے کہ وہ بھی ایسے اداروں کی نشاندہی کریں جن میں کام کرنے والے مزدور ابھی تک ای او آئی بی کی رجسٹریشن سے محروم ہیں، 60برس کی عمر کے افراد کو ریٹائرڈمنٹ کے بعد سہولتیں فراہم کرنا ای او آئی بی کا مقصد ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ (ڈاکٹر ایم ایچ بابر سے) پاکستان تحریک انصاف کے سینئر رہنماچوہدری فیض رسول گجر نے کہا ہے کہ حقائق سامنے لانا ہمارا فرض ہے اور یہ فرض ہر صورت ادا کریں گے ، ملک کو کرپشن سے پاک کرنے کی ہماری تحریک ضروری کامیاب ہوگی ، ہم پرامید ہیں کہ اب کرپٹ عناصر کو ضرور سزا ملے گی اور اس ملک کی لوٹی ہوئی دولت وطن واپس آئے گی ، عمران خان کے ساتھ عوام ہیں اس لئے وہ عوامی اجتماعات سے خطاب کرتے ہیں جن کے ساتھ عوام نہیں وہ ڈرائنگ روم کی سیاست کررہے ہیں ۔ پیپلزپارٹی اگر فرینڈلی اپوزیشن کا کردار ختم کرے دوسری سیاسی جماعتیں اس کا ساتھ دے سکتی ہیں ، پیپلزپارٹی کے قائدین نے بے نظیر بھٹو کی برسی کے موقع پر جو موقف اختیار کیا اگر وہ پہلے یہ موقف اختیا رکرلیتے تو ملک کو اتنا نقصان نہ ہوتا ،میڈیا سے گفتگو کرتے ہوئے انہوں نے کہاکہ شروع دن سے ہی پاکستان تحریک انصاف نے اصولی موقف اختیار کیا اور کرپٹ حکمرانوں سے نجات کے لئے تحریک چلائی لیکن دیگر جماعتوں نے ہمارا ساتھ نہیں دیا اور ہمارے خلاف مہم شروع کردی ہم نے ہمت نہیں ہاری آج بھی ہماری تحریک جاری ہے ،انہوں نے کہاکہ آصف علی زرداری اگر ملکی سیاست میں کردار ادا کرنا چاہتے ہیں تو عوام نے ان سے جو سوالات پوچھے ہیں ان کا جواب دیں ،آصف علی زرداری کی خاموش پر تعجب ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ(ڈاکٹر ایم ایچ بابر سے)پاکستان پیپلز پارٹی کے چیئرمین بلاول بھٹو زرداری 18جنوری کو لاہور سے فیصل آباد جاتے ہوئے شیخوپورہ میں بھی استقبالی اجتماع سے خطاب کریں گے جس کیلئے سابق ضلعی صدر خان آصف خاں سابق صدر پیپلز یوتھ آرگنائزیشن شیخوپورہ سید اطہر حسین شاہ ، پیپلز لیبر بیورو کے سابق صدر میاں محمود اختر ، سابق انفارمیشن سیکرٹری سیٹھ محمد یٰسین کرمانوالہ،سابق رابطہ سیکرٹری ساجد علی عابدی، سابق سٹی نائب صدر مرزا ہارون الرشید پپ زرگر سینئر راہنماافتخار علی بھٹی و دیگر نے تیاریاں شروع کردی ہیں جبکہ مذکورہ رہنما ہائوسنگ کالونی بائی پاس پر چیئرمین پیپلز پارٹی کا دیگر مقامی رہنمائوں کے ہمراہ استقبال کریں گے اور اس سلسلہ میں مختلف مقامات پر استقبالیہ کیمپ بھی قائم کئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ(بیورورپورٹ)سرگودھا روڈ پر آئل ڈپوئوں کے قریب ٹریفک کا نظام درست نہ کئے جانے کے باعث ایک تیز رفتار ڈمپر موٹر سائیکل سے ٹکرا گیا جس کے نتیجہ میں اس پر سوار دو دوست نوید اور قیصر دماغ میں گہری چوٹیں لگنے کے باعث جان بحق ہوگئے وہ دونوں قصبہ فاروق آباد کی آبادی نوکھر قدیم کے رہائشی بتائے گئے ہیں جن کی نعشیں وہاں پہنچنے پر پوری بستی میں قیامت صغریٰ برپا ہوگئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخوپورہ(ڈاکٹر ایم ایچ بابر سے)قدرتی آفات سے نمٹنے ،قومی شاہراہوں پر ٹریفک حادثات و دیگر حادثات بروقت طبعی امداد و ریسکیو کاروائیوں کو موثر بنانے کیلئے تمام ایمبولنسز کو وزیر اعلی پنجاب میاں شہباز شریف کی خصوصی ہدایت پر صوبہ بھر میں سرکاری و غیر سرکاری ایمبولنسز کو ریسکیو 1122سسٹم کے ماتحت کردیا گیا ہے اس سلسلہ میں ڈپٹی کمشنر ارقم طارق نے ضلع کی تمام تحصیلوں کے اسسٹنٹ کمشنرز کو یدایت جاری کی کہ وہ پنجاب ایمرجنسی ایکٹ 2016ء کے تحت تمام سرکاری و نیم سرکاری کے مالکان اور ڈرائیوران کو انتباہ کریں کہ وہ ڈسٹرکٹ ایمرجنسی بورڈ /ریسکیو1122کے دفتر میں اپنا تمام ریکارڈ جمع کروائیں ۔پہلے مرحلے میں سرکاری ایمبولنسز کی رجسٹریشن کی جائے گی جبکہ دوسرے مرحلے میں پرائیویٹ ایمبولنسز کو رجسڑڈ کیا جائے گا۔ایمبولنسز کے مالکان اور سرکاری ایمبولنسز کے ڈرائیوران موٹر وہیکل ایگزامنیر سے موٹر وہیکلز فٹنس سرٹیفکیٹ حاصل کرکے اور دیگر کاغذات کی مکمل تفصیل جمع کروانے کے پابند ہونگے۔21جنوری کے بعد کسی بھی ایمبولنس کو ضلع شیخوپورہ کی حدود میںکام نہیں کرنے دیا جائے گا۔اس سلسلہ میں اسسٹنٹ کمشنرکوارڈنیشن خرم شہزاد بھٹی نے پرائیویٹ ایمبولنسز کے خلاف کریک ڈئوان کرتے ہوئے تین ایمبولنسز کو کاغذات مکمل نہ ہونے پر تھانہ اے ڈویژن شیخوپورہ میں بند کردیا۔یاد رہے کہ گذشتہ روز وزیر اعلیٰ پنجاب نے صوبہ بھر کی تمام پرائیویٹ و سرکاری ایمبولنسز کے نظام کو ریسکیو 1122کے سسٹم سے منسلک کرنے کا نوٹفیکیشن جاری کردیا ہے ور ریسکیو1122ہی پورے نظام کو مانیٹر کرے گی۔