کھڑے ہو گئے تو سندھ ہی نہیں کراچی سے فاٹا تک سب بند ہو جائے گا

Posted on June 16, 2015 By Zulfiqar Ali اسلام آباد, اہم ترین, مقامی خبریں

اسلام آباد (جیوڈیسک) پی پی عہدیداروں کی تقریب حلف برداری سے خطاب کرتے ہوئے پیپلز پارٹی کے شریک چیئرمین آصف زرادری نے کہا پیپلز پارٹی جب ہلتی ہے تو سب ہل جاتے ہیں۔ کپتان کے ساتھ استعفیٰ دے دیتے تو فورا الیکشن ہو جاتے۔ مجھے پتا ہے کہ ملک کو کتنا خطرہ ہے مشرف کو نہیں اگر پتا ہوتا تو ایسی باتیں نہ کرتا۔

کمانڈو کہلانے والا سابق صدر تین ماہ جیل نہیں کاٹ سکا۔ پیپلز پارٹی کے شریک چیئرمین نے کہا کہ کچھ دلوں میں دوبارہ پاور پالیٹکس کی امنگیں اٹھتی نظر آ رہی ہیں تاہم سب کی آزمائش کر رہے ہیں۔ کپتان کے ساتھ مستعفی ہو جاتے تو اسی سال الیکشن ہو جاتے جن کو کھیلنے کیلئے وکٹ دی ابھی انہیں کھیلنے دیا جائے۔

آصف علی زرداری نے کہا کہ ارب پتی سیاسی اداکار سیاست بدلنا چاہتے ہیں۔ پیپلز پارٹی پر الزامات لگانے والے قرآن کی روح سے ظالم ہیں جانتے ہیں کالعدم تنظیمیں کس کے اشارے پر آتی ہیں۔ کردار کشی بند نہ ہوئی تو سب کچا چٹھا کھول دیں گے۔ سابق صدر نے کہا کہ انہیں طاقت سے نہیں بلکہ عوام اور پارٹی سے سروکار ہے۔