صومالیہ: دارالحکومت کے اہم ہوٹل کے سامنے کار بم دھماکہ، درجنوں ہلاک و زخمی

Posted on January 26, 2017 By Majid Khan اہم ترین, بین الاقوامی خبریں

موغا دیشو (جیوڈیسک) صومالیہ کے دارالحکومت موغا دیشو میں ایک ہوٹل کے سامنے بم دھماکہ ہوا جس میں اب تک 12 افراد ہلاک ہو چکے ہیں۔

پولیس کا کہنا ہے کہ یہ حملہ موغا دشیو کی ایک اہم شاہراہ مکہ المکرمہ پر واقع ہوٹل کے سامنے پیش آیا جہاں دھماکہ خیز مواد سے بھری دو گاڑیاں اڑا دی گئیں۔

اس حملے میں 25 افراد زخمی بھی ہوئے ہیں۔

دوسری جانب الشباب نے انٹر نیٹ پر اپنے بیان میں اس واقعے کی ذمہ داری قبول کر لی ہے۔