صومالیہ : ٹریفک پولیس کے دفتر پر خودکش حملہ، 5 افراد ہلاک

Somalia Blast

Somalia Blast

موغادیشو (جیوڈیسک) افریقی ملک صومالیہ کے دارالحکومت موغادیشو میں ٹریفک پولیس کے صدر دفتر پر خود کش کار سوار کے حملے میں تین اہلکاروں سمیت پانچ افراد ہلاک اور 13 زخمی ہو گئے۔ زخمیوں کو اسپتال منتقل کر دیا گیا ہے۔

سکیورٹی ذرائع کے مطابق دھماکے کے چند لمحوں کے بعد ایک شخص نے عمارت میں داخل ہونے کی کوشش کی تاہم پولیس نے اسے گولی مار کر ہلاک کر دیا۔

شدت پسند تنظیم الشباب نے حملے کی ذمہ داری قبول کر لی ہے۔