غزل

Posted on June 14, 2016 By Mohammad Waseem آپکی شاعری, شاعری

پتھر مزاج لوگ ہیں کیسے دہائی دیں
ہم زخم زخم ہو کے بھی ہنستے دکھائی دیں

لوحِ زماں پہ اے میرے آوارہء خیال
وہ لفظ لکھ جو بولتے گاتے سنائی دیں

یا رب کبھی تو اس قدر توفیق دے ہمیں
دِل کو وصال و ہجر کے دکھ سے رہائی دیں

دیدہ وروں کے شہر میں کس کو یقین ہو
جتنی بھی احتیاط سے تیری صفائی دیں

اِک بار تو رگوں سے لہو کو نچوڑ کر
بجھتے ہوئے چراغ کو شعلہ نمائی دیں

ساحل جسے حوادثِ دوراں کا خوف ہے
کیوں اس کو بے قراریء غم آشنائی دیں

تحریر: ساحل منیر