تلہ گنگ (عامر نواز اعوان) پاکستان مسلم لیگ ن عوامی خدمت پر یقین رکھتی ہے ۔ہماری حکومت بجلی کی بلا تعطل فراہمی کو یقینی بنانے کے لئے بجلی کے نظام کو جدید بنیادوں پراستوار کر رہی ہے۔نئے ٹرانسفارمر اور نئی تاریں لگا کر لائن لاسسزکو کم کیا جا رہا ہے۔ ان خیالات کا اظہار صدر پاکستان مسلم لیگ ن یو نین کو نسل نکہ کہوٹ ملک ظہور احمداعوان نے کارنر میٹنگ سے خطاب کے دوران کیا۔ انہوں نے کہا نکہ کہوٹ کے محلہ ہسپتال اور محلہ مورت روڈ پر نئے ٹرانسفارمرزلگ جانے سے اہل محلہ کا دیرینہ مطالبہ پورا ہو گیا ہے۔ محلہ قبرستان اور محلہ جامعہ مسجد میں عنقریب نئے ٹرانسفارمرز لگائے جائیں گے۔ انہوں نے بتایا کہ ایم این اے سردار ممتازخان ٹمن اور ایم پی اے ذوالفقار دلہہ نکہ کہوٹ میں ترقیاتی منصوبوں کا افتتا ح کرنے تشریف لائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ(عامر نواز اعوان) سینئر صحافی و کالم نویس شفاعت ملک کی صاحبزادی شارزہ فاطمہ ملک نے تیسری کلاس میں ننانونے فیصد نمبر حاصل کر کے پہلی پوزیشن حاصل کرلی۔ اس شاندار کامیابی پر چیئر مین پریس کلب (پرنٹ میڈیا) میاں محمد ملک ، چیئر مین پریس کلب (الیکٹرانک میڈیا) سید ارشاد حسین شاہ کاظمی، صدر تحصیل پریس کلب عامر نواز اعوان، جنرل سیکرٹری تحصیل پریس کلب محمد ثقلین جعفری ، عدیل جعفری ، لیا قت اعوان ،اکرم نور چکڑالوی ،اشفاق حسین ٹہی ، ملک اشفاق اعوان بڈھیال، صدر پریس کلب (پرنٹ میڈیا) محسن قیوم شیخ، جنرل سیکرٹری پریس کلب قاضی عبدالقادر ، جنرل سیکرٹری پریس کلب (الیکٹرانک میڈیا) چوہدری غلام ربانی نے مبارکباد دیتے ہوئے نیک تمنائوں کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (عامر نواز اعوان) کلر کہار تلہ گنگ بھرپور روڈ مسائلستان بن گیا،مصروف ترین سڑک پر جگہ جگہ ڈیڑھ سے دو فٹ تک گہرے گڑھے بنے ہوئے ہیں،روز مرہ سفر کرنے والے شدید اذیت سے دوچار، کوئی پرسان حال نہیں،تفصیلات کے مطابق کلر کہار سے تلہ گنگ بذریعہ بھرپور روڈ اس وقت بھاری گاڑیوں کی آمدو رفت کے حوالے سے مصروف ترین سڑک ہے،سیمنٹ فیکٹریز میں میانوالی سے مٹی لانی ہو یا یہاں سے سیمنٹ ملک کے دیگر حصوں خصوصاً سندھ بلوچستان اور خیبر پختونخواہ میں بھیجنا ہو تو بڑی گاڑیاں یہ ہی روٹ استعمال کر تی ہیں جس کی اہم وجہ اول موٹر وے پر وزن کی پابندی کرنا پڑتی ہے اور دوسرا راستہ بھی لمبا پڑتا ہے ،یو ں اس وقت یہ سڑک بھاری گاڑیوں کی مصروف ترین گذر گاہ ہے،یہ سڑک کلر کہا رسے لیکر تلہ گنگ تک مکمل طور پر ٹوٹ پھوٹ کا شکار ہے ،آئے روز حادثات میں جہاں ایک طرف قیمتی انسانی جانیں ضائع ہو رہی ہیںوہیں دوسری طرف لوگوں کی لاکھوں روپے مالیت کی گاڑیاں بھی تباہ ہو رہی ہیں اس کے علاوہ کوئی حادثہ ہوجانے کی صورت میں پورا پورا دن سڑک بلاک رہتی ہے جس کی وجہ سے اسکول کے طلبہ اور دیگر نوکری پیشہ افراد سخت مشکلات کا شکار ہو جاتے ہیں،واضح رہے اس سڑک پر معروف سیاسی شخصیت عبدالرزاق جامی کی رہائش گاہ بھی ہے جہاں چند دن وزیر اعظم پاکستان میاں محمد نواز شریف بھی تشریف لا چکے ہیں،اہلیان علاقہ نے وزیر اعلیٰ پنجاب میاں محمد شہباز شریف سے مطالبہ کیا ہے کہ اس سڑک کو فی الفور مرمت کیا جائے اور بھاری گاڑیوں کا وزن چیک کرنے کے لیے اس سڑک پر باقاعدہ اسکیل نصب کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (عامر نواز اعوان)نیو غزالی انٹرنیشنل ہا ئی سکول کی پرنسپل نے میڈیا سے بات چیت کر تے ہو ئے کہا ہے کہ ہم نے تلہ گنگ میں ایک منفرد انداز سے سکول کا آغاز کیا ہے اور والدین نے ہما ری اس کاوش کو سراہا۔مزید انہوں نے کہا کہ ہم نے دنیا وی تعلیم کے ساتھ ساتھ قرآن کی تعلیم لازم اس لئے قرار دیا ہے کہ بچوں کے پاس سکول سے واپس جا نے کے بعد کم وقت ہو تا ہے جس وجہ سے ان کی دینی تعلیم کا حرج ہو تا ہے ۔ مزید انہوں نے کہا کہ پلے گروپ سے نویں کلاس تک داخلے جا ری ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ(عامر نواز اعوان)جمعیت علماء اسلام (ف) کے سربراہ مولانا فضل الرحمن کو دنیا میں امن و امان کے قیام کے لئے کی گئی خدمات پر مملکت بحرین کی جانب سے خصوصی ایوارڈ سے نوازا گیا ۔ مرکزعیسی ثقافی (المنامی) بحرین میںمنعقدہ عالمی الامن والتعایش کانفرنس میں خلیجی ممالک اور عالمی حالات پر مولانا فضل الرحمن نے دنیا بھر کے مند وبین سے خصوصی خطاب بھی کیا ۔قائد جمعیت مولانا فضل الرحمن کو بحرین حکومت اور وزارت مذہبی امور کے زیر اہتمام بین الاقوامی امن کانفرنس میں خصوصی مدعو طور پرکیا گیاتھاجس میں سینکڑوں پاکستانیوں سمیت مختلف ممالک کے نمائندوں نے شرکت کی الامن والتعایش کانفرنس میں جمعیت علماء اسلام (ف) کے سربراہ مولانا فضل الرحمن کو دنیا میں امن و امان کے قیام کے لئے کی گئی خدمات پر مملکت بحرین کی جانب سے خصوصی ایوارڈ سے نوازا گیا اس موقع پر اپنے صدارتی خطاب میںمولانا فضل الرحمن نے کہا کہ آج امت مسلمہ کو باہمی وحدت واخوت کی اشد ضرورت ہے ۔مملکت بحرین اور اس کی قیادت اور جمعیت طائف نے امت کی وحدت کی اہمیت کو سمجھ کر اس اجتماع کا اہتمام کیا ،اس حوالے سے مملکت بحرین کی قیادت اور جمعیت طائف کے تمام ذمہ داران کا مشکور ہوں جہنوں نے آج بحرین کی سرزمین مجھے یہاں کے معززین ور اپنے ہم وطنوں کے مشترکہ اجتماع سے خطاب کا موقع عنایت فرمایا۔انہوں نے کہا کہ اس میں کوئی شک نہیں کہ دین اسلام پوری انسانیت کے لئے اللہ کی بہت بڑی نعمت ہے رب العالمین نے جناب رسول اللہۖ کو رحمت العالمین بنا کر بھیجا ابنیاء اکرام علیہ اسلام اپنی خاص قوموں خاص علاقوں اور خاص زمانوں کے لئے آتے رہے لیکن جناب رسول اللہۖ کی بعثت ساری انسانیت اور قیامت تک کے لئے ہے جب ہم دین اسلام کواسلام کہتے ہیں تو اس کا معنیٰ یہ ہے کہاسلام کے پیغام میں سلامتی ہے ۔ہم جب لفظ ایمان استعمال کرتے ہیں تو اس ایمان کے اندر امن کا پیغام پوشیدہ ہے اور آج ہم یہاں پر اپنے بحرین کے مسلمان بھائیوں کے لئے اپنے پاکستانی بھائیوں کی طرف سے امن کا پیغام لیکر آئے ہیں سلامتی کا پیغام لیکر آئے ہیںمسلمانوں کا باہمی امن اور باہمی اخوت ہی ان کی باہمی قوت ہے اور ہمیشہ اللہ تعالیٰ ہمیں تعلیم دیتا ہے کہ اپنی طاقت بڑھائواس طاقت کو بنانے کی ابتداء باہمی وحدت سے ہوتی ہے ۔مولانا فضل الرحمن نے کہا کہ جب قوم کمزورہوتی ہے تو اس کی کمزوری کی ابتداء باہمی انتشار سے ہوتی ہے لہذا اگر طاقت بننے کی خواہش ہے تو سوائے امت کی باہمی وحدت کے ہمارے پاس کوئی پیغام نہیں ہے اللہ اور اس کا رسول بھی ہم سے یہی چاہتے ہیں باہمی نفرتیں اور باہمی تعثبات ایک دوسرے کی گردنوں کو کاٹنا ایک دوسرے کے خون کو بہانہ حرام قرار دیا گیا ہے اللہ اور اسکے رسول کے ہاں اس فعل کو ناپسندیدہ قراد دیا گیا ہے ہمارے لئے دنیا اخرت میں نفع بخش یہی چیز ہے جس کو اللہ اور اس کے رسول ۖنے پسند کیا ہم اللہ کے دین کی اطباع کریں اور اس کے دین کی پیروی کریں انفرادی زندگی سے لیکر اجتماعی اور قومی زندگی تک اس کے پیرکار بن جائیں اللہ رب العزت ہمیں اس کی توفیق عطاء فرمائیں مولانا فضل الرحمن نے کہا کہ میں اہل وطن بھائیوں کا شکریہ ادا کرتا ہوں کہ جنہوں نے مملکت بحرین میں اس عزت اور اعزاز سے نواز اس اجتماع میں شرکت پاکستان اور بحرین کی گہری دوستی کا نشان ہے اللہ
تعالیٰ اس کو مزید مضبوط مستحکم اور گہری دوستی میں تبدیل فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ(عامر نواز اعوان ) سماجی تنظیموں کاسابق اسسٹنٹ کمشنر تلہ گنگ وسیم احمد کیخلاف سرکاری خزانہ کو لاکھوں روپے کا نقصان پہنچانے،اختیارات سے تجاوز اور لوگوں کی کڑوروں روپے کی املاک کو بغیر نوٹس اور پیشگی اطلاع کے مسمار کرنے پر ریفرنس دائر کرنے کا اعلان۔سماجی تنظیم انجمن تحفظ حقوق شہریاں نے سابق اسسٹنٹ کمشنر تلہ گنگ وسیم احمد کیخلاف اختیارات سے تجاوز،باب تلہ گنگ اور کیاریوں کے نام پر سرکاری خزانہ کو لاکھوں روپے کا نقصان اور لوگوں کی کروڑوں کی املاک بغیر کسی پیشگی نوٹس اور اطلاع کے مسمار کرنے پر متعلقہ فورم میں ریفرنس دائر کرنے کا اعلان کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ(عامر نواز اعوان ) لاوہ، عوام کے سروں پر بجلی کی تاروں کی صورت میں موت منڈلانے لگی، مین لائن گھروں کے اوپر سے گزرنے سے شہری متاثر، تفصیلات کے مطابق لاوہ شہر میں بجلی کی مین لاینیں شہریوں کے لیئے وبال جان بن گئی ہیں۔لاوہ کے محلہ ٹیلی فون ایکسچینج چکی شیخ جی روڈ کے رہائشی محمد اکبر ولد منصب خان نے میڈیا کو بتایا کہ اس کے گھر کے اوپر سے بجلی کی مین تاریں گزر رہی ہیں جن کی وجہ سے ہر وقت خوف طاری رہتا ہے۔بجلی کی تاروں کی وجہ سے کسی بھی وقت کوئی بڑا حادثہ رونما ہونے کا خدشہ ہے۔ان کا کہنا تھا کہ دو دفعہ بجلی کی مین لائن کی وجہ سے کرنٹ لگ چکا ہے اور بمشکل جان بخشی ہوئی۔ان کا مزید کہنا تھا کہ کئی بار اس حوالہ سے SDO آفس رابطہ کیا لیکن تاحال کسی نے بھی اس طرف توجہ نہ دی۔ محمد اکبر سمیت دیگر محلہ داروں نے واپڈا کے اعلیٰ افسران سے پرزور مطالبہ کیا ہے کہ واپڈا کی مین تاریں گھروں کے اوپر سے ہٹائے جانے یا ان سے شہریوں کو محفوظ کرنے کے حوالہ سے حفاظتی اقدامات اٹھائے جائیں۔
ٹیکسلا کی خبریں 19/3/2016
نوجوان نسل کو منشیات سے چھٹکارا دلانے کیلئے سپورٹس کی جانب راغب کیا جائے، راجہ وقار الزماں