تلہار (نمائندہ) تلہار کے قریب حاجی خان بس اسٹاپ پر کراسنگ کے دوران ٹرک اور چنگ چی رکشا میں تصادم ہوگیا جس کے نتیجے میں 65 سالہ ملوکاں بیبی موقع پر جانبحق ہوگئی جبکہ رکشا ڈرائیور محمد علی منگریو، 10 سالہ رضا عباس شاہ، نوابزادی زوجہ فقیر محمد، گلشن زوجہ محمد امین ،حسینہ زوجہ نظر محمد شاھ شدید زخمی ہوگئے جن کو مختلف گاڑیوں کے ذریعے تلہار اسپتال پہنچایا گیا جہاں پر حسینا شاھ کی حالت تشویشناک بتائی جاتی ہے متوفی خاتون اور زخمیوں کا تعلق کڑیو گھنور کے گائوں مصری شاھ سے ہے بتایا جاتا ہے کہ شاھ برادری کے لوگ رکشا میں بینظیر انکم سپورٹ پروگرام تلہار کے دفتر پر آئے تھے واپسی پر کوچ سے کراسنگ کے دوران سامنے آنے والی ٹرک نے رکشا کو ٹکر ماردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہار (نمائندہ) تلہار کی عوام کے بجلی بلز میں دھڑا دھڑ چارجز اور ڈڈکشن کیخلاف شہریوں میں شدید غصے کی لہر چھاگئی ہے اس سلسلے میں نعمان کنبھر،محمد یعقوب و دیگرعوام نے صحافیوں کو بتایا کہ ہر ماہ باقائدگی سے بجلی کے بل ادا کرنے کے بدلے ہمیں سزا دی جا رہی ہے انہوں نے بتایا کہ اس ماہ متعدد لوگوں کے بلز میں 3سے 5ہزار تک ڈڈکشن چارج کی گئی ہے جو سراسر نا انصافی ہے انہوں نے وزیر اعظم میاں نواز شریف، حیسکو چیف و دیگر حکام سے مطالبہ کیا ہے کہ تلہار کی عوام سے نا انصافیوں بند کرکے باقائدگی سے بل ادا کرنے والوں پر ڈڈکشن کی مد میں لگائے جانے والے اضافی چارجز کا خاتمہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہار (نمائندہ) پاکستان سنی تحریک کیجانب سے جاری کردہ اعلامیے کے مطابق کل (آج) نماز جمعہ کے بعد مسلمانوں پر بھارتی جارحیت کیخلاف مدینہ مسجد کچھی محلہ سے ریلی نکالی جائے گی جو مختلف راستوں کا گشت کرکے شہید بینظیر چوک پر اختتام پذیر ہوگی۔
جھنگ کی خبریں 29/10/2015
کراچی کی خبریں 29/10/2015