تلہار (نمائندہ) تلہار کے قریب وسی عادل روڈ پر سوزوکی سے گرکر 16سالہ نوجوان کامران ولد محمد حسن سولنگی شدید زخمی ہوگیا جسے طبی امداد کیلئے تلہار ہسپتال لایا گیا نوجوان کی حالت تشویشناک ہونے کے بعد اسے حیدرآباد لے جایا جا رہا تھا کہ راستے میں زخموں کے تاب نہ لاتے ہوئے وہ چل بسا نوجوان کی نعش گھر پہنچنے پر کہرام برپا ہوگیا اطلاعات کے مطابق صبح نوجوان گھر سے نہانے کیلئے سوزوکی میں سوار ہوکر جارہا تھا تیز طوفانی ہوا کی وجہ سے واقعہ پیش آیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہار (نمائندہ) حکمران ملک و قوم کے دشمن ہیں بجیٹ میں سماجی ترقی کے بجائے اپر کلاس طبقے کے مفادات کیلئے بھاری رقم مختص کی گئی جس کو قیو اے ٹی ردکرتی ہے ان خیالات کا اظہار قومی عوامی تحریک ضلع بدین کے جنرل سیکریٹری عارف زئنور اور اطلاعات سیکریٹری مھران درس نے تلہار تحصیل میں ہونے والے اجلاس سے خطاب کرتے کیا انہوں نے کہا کہ پیپلز پارٹی کی کرپشن اور کاموروں کی بھتہ خوری کے باعث سندھ کے شہر اور روڈ کھنڈر ات میں تبدیل ہوگئے شہروں اور قصبوں میں انتظامیہ کے آشیرباد سے سر عام فروخت ہونے والی منشیات ہماری نسلوں کو برباد کر رہی ہے جس کیخلاف متحد ہوکر جدوجہد کرنی ہوگی انہوں نے کہا کہ وفاق ایک صوبے کو خوش کرنے اور سندھ کے150سالوں سے ہونیوالی پانی کی چوری کو چھپانے کیلئے ہر وقت کالا باغ ڈیم کا اشو اٹھا تی ہے پر سندھ کے حلالی فرزند اور بیٹیاںکالا باغ، دہرا نظام،مہاجر صوبے سمیت دیگر سندھ دشمن سازشوں کو کامیاب ہونے نہیں دیں گے اجلاس میں تعلقہ صدر اعجاز احمدانی، میہار ریباری، غلام نبی چانڈیو، میر صف تالپور و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہار(نمائندہ) تلہار کے گورنمینٹ اسکول کے نامور استاد سیف علی کورائی فائرنگ سے قتل، ملزم گرفتار تفصیل کے مطابق :تلہار کے گورنمینٹ پرائمری اسکول جتوئی محلہ کے حاضر سروس ہیڈماسٹراور نامور استاد سیف علی کورائی اپنے گھر کے قریب زرعی زمین پر ٹریکٹر سے گڈی کروارہا تھا کہ ملزم سلیمان عرف ڈاڈا گاڈاہی نے ان پر سیدھے فائر کرکے شدید زخمی کردیا جسے تلہار اسپتال لایا گیا پر زخموں کے تاب نہ لاتے ہوئے وہ چل بسا ڈندو پولیس کے مطابق ملزم نے گائوں رستم گاڈاہی میں مذکورہ استاد کو بندوق سے فائر کرکے قتل کردیا ملزم کو گھر سے گرفتار کرلیا گیا ہے جبکہ نعش کو پوسٹ مارٹم کیلئے ٹنڈو محمد خان روانہ کیا گیا ہے آخری اطلاع تک کوئی مقدمہ درج نہ ہوسکا جبکہ واقع کی اصل حقیقت سامنے نہ آسکی واقع کا سن کر گائوں میں کہرام مچ گیا اورعلمی حلقوں، اساتذہ اور طالب علموں میں تشویش کی لہر چھا گئی مرحوم استاد سیف علی کورائی کو اپنی خدمات کے عوض مختلف سماجی اداروں کیجانب سے ایوارڈ ز ملے ہیں اور تلہار تحصیل میں انہوں نے اپنی عمر کے 30سال سے زائد عرصہ بچوں کو تعلیم سے نوازا۔
گجرات کی خبروں کی تصویری جھلکیاں
ملکہ کی خبریں 14/6/2016