ٹیکسلا کی خبریں 7/8/2016

Azadi Bus Container PTI

Azadi Bus Container PTI

ٹیکسلا (ڈاکٹر سید صابر علی سے) تحریک احتساب کے آغاز کے لئے تحریک انصاف کی تیاریاں آخری مراحل میں داخل ، آزادی بس کنٹینر پشاور پہنچ گیا، سات اگست کو عمران خان مذکورہ بس کنٹینر پر احتساب مارچ کا آغاز کریں گے، قائدین تحریک انصاف مرکزی جنرل سیکرٹری ایم این اے جہانگیر خان ترین کا کہنا ہے کہ حکومت کسی غلط فہمی میں نہ رہے ، اس بار احتساب ہوگا اور ضرور ہوگا،احتساب مارچ کے لئے پی ٹی آئی کے کارکنان پر عزم ہیں ،مختلف ٹیکسلا، واہ کینٹ ، حسن ابدال، ہریپور اور دیگر شہروں سے پی ٹی آئی کے کارکنان مقامی قیادت کی سربراہی میں احتساب مارچ میں شمولیت کے لئے کل روانہ ہونگے،پی ٹی آئی کے رہنماوں کا کہنا ہے کہ تحریک احتساب مارچ کرپٹ حکمرانوں کے لئے گلے کا پھندہ بنے گا،انکا کہنا تھا کہ کوئی کسی غلط فہمی میں نہ رہے پانامہ لیکس کو منطقی انجام کو پہنچ کر دم لے گے،کرپشن سے پاک پاکستان کا قیام پوری قوم کا خواب ہے ،اس خواب کو شرمندہ تعبیر پی ٹی آئی بنائے گی، پی ٹی آئی کے رہنماوں نے عوام سے اپیل کی ہے کہ وہ کرپشن سے چھٹکارے کے لئے پی ٹی آئی کے احتساب مارچ میں شامل ہوکر قومی اور ملی بیداری کا ثبوت دیں،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹیکسلا (ڈاکٹر سید صابر علی سے) پی پی سات کے ضمنی انتخابات پاکستان آواز خلق پارٹی کے تھنک ٹینک بھی سر جوڑ کر بیٹھ گئے، سیاسی کمیٹی کے اراکین نے ضمنی اتخابات کے حوالے سے اپنی سفارشات مرتب کرلیں، حتمی فیصلہ چئیرمین پاکستان آواز خلق پارٹی محمد فیصل اقبال کریں گے،ترجمان سید اقرار حسین شاہ کاظمی کی میڈیا کو بریفنگ،تفصیلات کے مطابق ترجمان پاکستان آواز خلق پارٹی سید اقرار شاہ کاظمی نے میڈیا کو بتایا کہ پی پی سات کے ضمنی الیکشن میں حصہ لینے یا کسی امیدوار کی حمائت کے حوالے سے پاکستان آواز خلق پارٹی کی سیاسی کمیٹی کا اہم اجلاس چئیرمین سیاسی کمیٹی وراثت علی شاہد مرکزی دفتر پاکستان آواز خلق پارٹی انوار چوک میں منعقد ہوا،جس میں پی پی سات کے ضمنی الیکشن کے حوالے سے پارٹی کے پلیٹ فارم سے اہم فیصلے کئے گئے،جبکہ سیاسی کمیٹی کے اراکین کی جانب سے اتفاق رائے سے مرتب کردہ سفارشات چئیرمیں محمد فیصل اقبال کو بھیج دی گئیں ہیں، جو آج کل میں پی پی سات کے ضمنی الیکش کے حوالے سے سیاسی کمیٹی کی مرتب کردہ سفارشات کی روشنی میں حتمی فیصلہ کر کے اس کا باقائدہ اعلان کریں گے،سید اقرار شاہ کاظمی نے بتایا کہ مختلف پارٹیوں کے زعما نے ان سے رابطہ کر کے ضمنی انتخابات میں پارٹی کی حمائت حاصل کرنے کی اپیل کی ہے تاہم پارٹی کی سیاسی کمیٹی کے اراکین نے اس بابت تمام امور کو زیر بحث لایا اور زمینی حقائق کو مدنظر رکھتے ہوئے اہم فیصلے کئے ،انھوں نے الیکشن لڑنے یا کسی سیاسی جماعت کے امیدوار کی حمائت کے حوالے سے ایک سوال کے جواب میں کاہ کہ یہ کہنا قبل از وقت ہوگا ، کیونکہ حتمی فیصلہ پارٹی کے چیئر مین محمد فیصل اقبال نے کرنا ہے،جو جلد اس کا اعلان کریں گے،اور تمام اراکین اس فیصلہ کے پابند ہونگے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹیکسلا (ڈاکٹر سید صابر علی سے) پاکستان عوامی تحریک ضلع روالپنڈی کے جنرل سیکرٹری سیف ارحمان نے کہا ہے کہ شہدائے ماڈل ٹاون کے انصاف کے ہر آخری حد تک جائیں گے،شریف برادران کے اقتدار کا وقت قریب ہے بھاگنے نہیں دیں گے،، پاکستان عوامی تحریک کا قصاص و احتساب دھرنا کے عظیم اجتماع جس میں مختلف جماعتوں کے قائدین بھی شامل تھے سے خطاب کے دوران جنرل سیکرٹری پاکستان عوامی تحریک ضلع رالپنڈی سیف الرحمان عطاری کا کہنا تھا کہ قاتلوں اور لٹیروں کے گرفت میں آنے کا وقت قریب آچکا ہے،انکا کہنا تھا کہ ظلم سے نجات کے لئے پاکستان عوامی تحریک ملک بھر میں احتجاج کرے گی ، قائد تحریک ڈاکٹر محمد طایر القادری کی ہر کال پر لبیک کہیں گے،انکا کہنا تھا کہ ظلم پھر ظلم ہے بڑ ھتا ہے تو مٹ جاتا ہے،ظالم حکمران جن کے ہاتھ بے گنا ہ معصوم شہریوں کے خون میں رنگے ہوئے ہیں انکے چل چلاو کا وقت قریب آچکا ہے،اسلام آباد میں قصاص و احتساب کے سلسلے میں احتجاجی دھرنا سے خطاب کے دوران سیف الرحمان عطاری کا کہنا تھا کہ واہ کینٹ ٹیکسلا ، حسن ابدال کے علاوہ گردونواح سے سینکڑوں کی تعداد میں لوگوں نے پاکستان عوامی تحریک کے قصاص و احتساب احتجاج میں شریک ہوکر کرپٹ حکمرانوں کو واضح پیغام دے دیا ہے،سیف الرحمان عطاری کا کہنا تھا کہ لاہور ، اسلام آباد اور دیگر شہروں میں قصاص و احتساب کے سلسلے میں ریلیاں نکالی گئیں ، تیس اگست تاریخ کا سب سے بڑا دھرنا اسلام آباد میں ہوگا، ماڈل ٹاون کے شہدا ء کو قصاص نہ ملنے تک پاکستان عوامی تحریک کی احتجاجی تحریک جاری رہے گی،

Azadi Bus Container PTI

Azadi Bus Container PTI

Azadi Bus Container PTI

Azadi Bus Container PTI

PAT Protest

PAT Protest

Syed Iqrar Shah Taxila

Syed Iqrar Shah Taxila