ٹیکسلا کی خبریں 25/7/2016

GT road wah cantt

GT road wah cantt

ٹیکسلا (ڈاکٹر سید صابر علی سے) چھاچھی محلہ جی ٹی روڈ واہ کینٹ میں گاڑیوں کے اتوار بازار کا مسلہ انتظامیہ کی غفلت کے باعث تا حال حل نہ ہوسکا،کینٹ بورڈ ٹیکسلا نے موٹروے پولیس کی درخواست پر اتوار بازار کو متبادل جگہ فراہم کرنے کے لئے ٹیکسلا میں منڈی میوشیاں کی جگہ کی منظوری دی ، مگر اس کے باوجود گاڑیوں کا اتوار بازار جون کا توں چھاچھی محلی جی ٹی روڈ بیرئیر نمبر دو تا نیو سٹی جاری ہے ، اتورا کے روز شو رومز سے باہر گاڑی خریدنے اور فروخت کرنے والوں کا رش لگا ہوتا ہے جس سے گھنٹوں گھنٹوں ٹریفک بلاک رہتی ہے جبکہ یہ لوگ جو دور دراز سے گاڑیوں کی خرید و فروخت کے لئے واہ کینٹ کا رخ کرتے ہیں شو رومز کی بجاے این ایچ اے کی حدود میں اپنی گاڑیاں پارک کر دیتے ہیں بار ہا موٹر وے پولیس نے ان گاڑیوں کو یہاں سے ہٹانے کی حتی المقدور کوشش کی مگر یہ لوگ اب بھی اس جگہ اپنی گاڑیوں کا نہ سرف پارک کرتے ہیں بلکہ ٹریفک میں خلل کا موجب بنتے ہیں، جس سے بلاشبہ شو رمز والے بھی تنگ ہیں چونکہ یہ کاروبار باہر و باہر ہوتا ہے جس کا کوئی کمیشن ادا نہیں کرنا پڑتا اکثر ایسے جگہوں پر دو نمبر گاڑیوں کی خرید و فروخت بھی ہوتی ہے، جس کے لین دین کا باقائدہ کوئی ریکارڈ نہیں ہوتا یہ تو مسلہ تو گاڑیاں خریدنے یا فروخت کرنے والوں کا ہے ، مگر اصل مسلہ یاہں اتوار کے روز غیر قانونی پارکنگ کے باعث گھنٹوں گھنٹوں ٹریفک کا تعطل رہنا ہے اکثر ایمر جنسی مریض اس رش میں پھنس جاتے ہیں، عوامی حلقوں نے متعلقہ انتظامی امور کے ذمہ داران سے اپیل کی ہے کہ گاڑیوں کے اتوار بازار کو شفٹ کرنے کے احکامات پر سختی سے عمل درآمد کرایا جائے لوگوں کا کہنا تھا کہ جب انتظامیہ کی جانب سے انھیں متبادل جگہ فراہم کردی گئی ہے تو اس پر عمل درآمد کیونکر نہیں ہو پاتا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی سے)شارٹ سرکٹ کی وجہ سے زعیم ایجوکیشن فائونڈیشن اسلم مارکیٹ جل کر خاکستر ہو گئی لاکھوں روپے مالیت کی کتب،ڈگریاں ،کمپیوٹرز اور دیگر سامان آگ کی لپیٹ میں آگیافائر برگیڈ کے عملہ نے موقع پرپہنچ کرآگ پر قابو پالیا۔ اسلم مارکیٹ واہ کینٹ میں واقع زعیم ایجوکیشن فائونڈیشن میں گذشتہ رات شارٹ سرکٹ کی وجہ سے آگ لگ گئی جس کی وجہ سے وہاں موجود ہزاروں کی تعداد میں موجود کتابیں،اسائنمنٹس اور رزلٹ کارڈز نذر آتش ہو گئے سینکڑوںلوگوں کی ڈگریاں اور سرٹیفکیٹس جل گئے اکیڈمی میںموجود کمپیوٹرز اور دیگر دفتری سامان بھی آگ سے نہ بچ سکابعدازاں فائر برگیڈ کے عملہ نے موقع پر پہنچ کرآگ پر قابو پایاآگ لگنے سے اکیڈمی میں موقع ریکارڈ اور سمیت لاکھوں روپوں کا دیگرجل گیا اکیڈمی کے مالک آصف محمود ملک کے مطابق انکی فیملی بھی اسی اکیڈمی سے ملحقہ فلیٹ میں رہائش پذیر تھی تاہم وہ خوش قسمتی سے محفوظ رہے واضح رہے کہ ضعیم ایجوکیشن فائونڈیشن علامہ اقبال اوپن یونیورسٹی،پنجاب یونیورسٹی اور سرگودھا یونیورسٹی کے ساتھ کام کرتی ہے اور ان یونیورسٹیز کے لیے طلباو طالبات کے داخلے بھیجواتی ہے تمام ریکارڈ جلنے کی وجہ سے طلباء کے تعلیمی نقصان کا خدشہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی سے)راجہ گل نواز کی دعوت ولیمہ میں اہم سیاسی شخصیات کی شرکت۔تفصیلات کے مطابق راجہ گل نواز کی دعوت ولیمہ کی تقریب ایک مقامی ہوٹل میں کی گئی جس میں ڈپٹی میئر میٹرو پولٹین اعظم خان،جماعت اسلامی کے رہنما میاں محمد اسلم،راجہ جان عباسی،جنرل کونسلر ابرار عباسی،چیئرمین ترنول پریس کلب اسلام آباد اظہر حسین قاضی،صدر اسحاق عباسی سمیت کئی اہم شخصیات نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی سے) شیخ الاسلام پروفیسر ڈاکٹر محمدطاہر القادری نے معروف نعت خوان مرحوم سید منظورالکونین کی وفات پر گہرے رنج وغم اظہار کیا، منہاج القرآن کے مرکزی میڈیا سیل کے چیئر مین عین الحق بغدادی نے ان کے تعزیتی پیغام مرحوم منظور اکونین کو دیا ،ا نھوں نے یہ بھی بتایا کہ ڈاکٹر محمدطاہر القادری سیّد منظورالکونین کو بہت عظیم آدمی سمجھتے تھے اور ایک خصوصی ٹوئیٹ میں سیّد منظورالکونین کو ایک متقی انسان اور سچا عاشقِ رسولۖ یعنی اپنے پیارے نبی ۖ سے حقیقی محبت کرنے والا کہا ہے اور عین الحق بغدادی نے پاکستان عوامی تحریک اور تحریک منہاج القرآن کی مرکزی قیادت اور ڈاکٹرطاہر القادری کی جانب سے اہلِ خانہ کو نیک دعائوں اورصبرِجمیل کا پیغام دیااور سوگواران سے تعزیت کی ۔عین الحق بغدادی نے یہ بھی کہا کہسیّد منظورالکونین کا خلا نعت گوئی تاریخ میں باقی رہ گیا ہے،نعت پڑھنے کا ان کا ایک منفرد انداز تھا،وہ موقع کی نزاکت سے حاضر وقتی شاعر کا کردار بھی ادا کر لیتے تھے اور یہ خوبی ہر کسی میں نہیں ہوتی،سیّد منظورالکونین کی پڑھی ہوئی نعتوں کی گونج ہمارے کانوں میںہماری زندگی کے ساتھ تک رہے گی۔جس کو کوئی طاقت ختم نہیں کرسکتی ہیسیّد منظورالکونین بہت ہی پیاری شخصیت کے مالک تھے۔

Taxila Fire

Taxila Fire

Dr tahir ul Qadri with manzoor ul konian

Dr tahir ul Qadri with manzoor ul konian

ڈاکٹر سید صابر علی تحصیل رپورٹر ٹیکسلا موبائل نمبر0300-5128038