کراچی (جیوڈیسک) وزیر بلدیات سندھ ناصر شاہ کا کہنا ہے کہ دہشت گردی اس قدر بڑھ چکی ہے کہ اسے روکنا انتہائ مشکل ہے۔
مطابق ناصر شاہ کا کہنا تھا کہ پیپلز پارٹی کی حکومت نے محرم الحرام کے دوران تخریب کاری کو روکنے کی ہر ممکن کوشش کی تاہم دہشت گردی اس قدر بڑھ چکی ہے کہ اسے روکنا انتہائی مشکل ہے۔ ان کا کہنا تھا کہ جیکب آباد میں ہونے والا دھماکا خودکش تھا اور دہشت گردی کے واقعہ میں جو لوگ بھی شہید ہوئے وہ سب ہمارے اپنے ہیں، دھماکے کے ذمہ داروں کےخلاف سخت سے سخت کارروائی کی جائےگی۔
وزیر بلدیات کا کہنا تھا کہ سندھ حکومت اور پیپلزپارٹی نے جلوسوں کو بہترین سیکیورٹی فراہم کی۔ مظاہرین نے ابھی تک کوئی مطالبہ نہیں کیا تاہم ان کے جو بھی مطالبات ہوں گے وہ پورے کئے جائیں گے۔
واضح رہے کہ گزشتہ روز جیکب آباد میں کوئٹہ روڈ پر ہونے والے خود کش دھماکے میں23 افراد جاں بحق جب کہ متعدد زخمی ہو گئے تھے۔
کراچی کے مختلف علاقوں سے کالعدم تنظیم کے ارکان سمیت 32 ملزمان گرفتار
جیکب آباد دھماکا، تفتیش کے لیے پولیس کی 2 ٹیمیں تشکیل