کراچی (جیوڈیسک) کراچی کی انسداد دہشت گردی کی عدالت نے ڈاکٹر عاصم کیس میں وسیم اختر، انیس قائم خانی اور عبد القادر پٹیل سمیت دیگر مفرور ملزموں کو اگلی پیشی پر گرفتار کر کے پیش کرنے کا حکم دے دیا، ڈاکٹر عاصم پر آج فرد جرم عائد نہ ہو سکی۔
انسداد دہشت گردی کی عدالت میں سابق مشیر پیٹرولیم ڈاکٹر عاصم حسین کو سخت سیکیورٹی میں لایا گیا۔ عدالت میں ڈاکٹر عاصم نے پراسیکیوٹر کی تبدیلی کی درخواست دی جبکہ ڈاکٹر عاصم کے وکلا نے وکالت نامے عدالت میں جمع کرا دیئے۔ عدالت نے ڈاکٹر عاصم کے وکیل انور منصور کو بھی وکالت نامہ جمع کرانے کی ہدایت کی۔
دوران سماعت عدالت نے ڈاکٹر عاصم کیس کی مفرور ملزموں کے نا قابل ضمانت وارنٹ جاری کردئیے ۔ مفرور ملزموں میں ایم کیو ایم کے رہنما وسیم اختر اور انیس قائم خانی جبکہ پیپلز پارٹی کے عبد القادر بلوچ اور پاسبان کے عثمان معظم شامل ہیں۔ عدالت نے حکم دیا کہ روف صدیقی ضمانت پر ہیں تو انھیں گرفتار نہ کریں اگر ضمانت نہیں ہوئی تو گرفتار کر لیں۔
بعد ازاں عدالت نے تفتیشی افسر کو مقدمے اور گواہوں کے بیانات کی نقول دس منٹ میں جمع کرانے کا حکم دے دیا۔ عدالت میں ڈاکٹر عاصم کا کہنا تھا کہ انھیں سہولتیں فراہم نہیں کی جا رہی ہیں۔
رینجرز اختیارات پر وزارت داخلہ کا نوٹیفکیشن برقرار رہے گا، نواز قائم ملاقات
آل کراچی شہید انیس و راجہ شہید فٹ بال ٹورنامنٹ دلبود محمڈن نے تنظیم اسپورٹس کو مات دیدی