تحریر : ایم سرور صدیقی
دلخراش خبر یہ ہے کہ صوبہ سندھ میں تھر کے علاقہ میں ایک بار پھرموت کا راج ہے ہمیشہ کی طرح اس سال بھی خوراک کی کمی، جان بچانے والی ادویات کی عدم دستیابی اور انتظامیہ کی سستی،ہڈحرامی کے باعث تادم ِ تحریر30بچے دم توڑ چکے ہیں مویشی بھوک پیاس سے مررہے ہیں اور سائیں سرکار زبانی جمع خرچ کرکے لوگوں کو مطمئن کرنے کے لئے کوششیں کررہی ہے لیکن جو کرنے کے اقدامات ہیں وہ نہیں کئے جارہے تھر کے علاقہ میں ہر سال موت ڈیرے ڈال لیتی ہے لیکن مشتقل بنیادوںپر وہاں کے مکینوںکے لئے کیوں ناگزیر اقدامات نہیں کئے یہ بات سمجھ سے بالاترہے یہ جو ایسے ہی ہے جیسے۔۔۔ایک انٹر نیشنل سیمینار میں ایک انگریز، مسلمان ،سکھ اور ہندو شریک تھے انگریز کہنے لگا ہماری قوم بہت عقلمند ہے ہم آنے والے100کی منصوبہ بندی کرتے رہتے ہیں۔۔۔ہندو بولاہم بھی اس بات کے قائل ہیںکہ مستقبل کیلئے فکر مندرہنا زندہ قومی کی نشانی ہوتی ہے ہم سو سال نہیںتو50سال تک کیلئے سوچ بچار ضرور کرتے ہیں ۔۔سکھ سے پوچھا تو اس نے جواب دیا اتنا مغز کون کھپائے ہم وقت پڑنے پر سوچتے ہیں کیا کیا جائے؟ اب سب کی نظریں مسلمان کی طرف لگی تھیں کہ موصوف کیا کہتے ہیں اس کے جواب دینے سے پہلے ہی قریبی میزپر بیٹھے ایک شخص نے ہنسنا شروع کردیا سب نے چونک کر اس کی طرف دیکھا وہ کہنے لگا ہم مسلمان! ایسی باتیںسو چتے ہی نہیں ۔۔۔کہنے کو تو یہ ایک لطیفہ ہے لیکن ایک ایسی حقیقت کی طرف اشارہ ہے جس سے ہر کوئی نظریں چراتا پھرتاہے۔
حکمرانوں کی بات نہ ہی کریں ان کو تو فکر ہی نہیں کسی معاملے میں کوئی منصوبہ بندی ہے نہ کوئی حکمت ِ عملی ۔ حکومتوںکا وطیرہ رہا ہے انہوں نے ہمیشہ سارا زور گا ۔گے ۔گی پر لگایاہے جو جتنے پر جوش اندازمیں ایسے نعرے لگاتاہے اتنا ہی کامیاب سمجھا جاتاہے دینے کو بہت سی مثالیںدی جا سکتی ہیں مثلاً تھر اور چولستان میں بارشیں کم ہونے سے ہر سال دو سال بعد حالات سنگین ہوجاتے ہیں چونکہ وہاں کے مکینوں کا گذر بسر کا بڑا ذریعہ کھیتی باڑی اور ما ل مویشی پالناہے اس لئے ان کا متاثرہونا یقینی ہے ان علاقوںمیں پینے کا پانی ،علاج معالجہ کی سہولتیں اور خوراک سب سے بڑی ”عیاشی” قراردی جا سکتی ہے لیکن بیشتر لوگ عموماً اس سے بنیادی طورپر محروم ہیں اور بدقسمتی سے قیام ِ پاکستان سے پہلے اور قیام ِ پاکستان کے بعدکسی صوبائی یا وفاقی حکومت نے کچھ کرنے کا تکلف ہی نہیں کیاجب بھی ان علاقوںمیں قحط، بیماریوں۔ہلاکتوں اور دیگر مسائل کی داستانیں میڈیا پر آتی ہیں حکمرانوں، مختلف سماجی تنظیموں،غیر ملکی NGOاور مخیر حضرات کی باسی کڑھی میں ابال آتاہے جب تک تھر اور چولستان کے مکین موت سے لڑتے بے حال رہتے ہیں فوٹو سیشن بنوانے کے شوقین آتے جاتے رہتے ہیں خوراک، دوا،کپڑے اور دیگر لوازمات بھی آتے رہتے ہیں۔
اس کے ساتھ ساتھ کچھ ناعاقبت اندیش ہوس کے مارے مادی حصول کے لئے جعلی کیمپ لگانے سے بھی دریغ نہیں کرتے ان کا یہ طرز ِ عمل مصیبت میں مبتلا لوگوںکیلئے ایک سنگین مذاق سے کم نہیں دعا ہی کی جا سکتی ہے اللہ تعالیٰ انہیں ہدایت عطافرمائے ۔۔ ۔ ایک اور بات اہم ہے کہ ۔۔وبائی امراض ۔۔قحط، زلزلے۔سیلاب جیسی قدرتی آفات سے نبرد آزماہونے کیلئے اللہ تعالیٰ نے انسان کو عقل ِ سلیم دی ہے پاکستان میں عموماً عقل کااستعما ل کم ہی کیا جاتاہے کیونکہ ہم اور ہمارے حکمرانوںنے سب کچھ حالات کے رحم وکرم پرچھوڑ رکھاہے پاکستان میں سیلاب قریباً ہر سال آتاہے لیکن اس کیلئے ٹھوس اقدامات کبھی نہیں کئے گئے اس کے چند بھیانک پہلو بھی ہیںسیلاب زدگان کی امداد میں اکثروبیشتر وسیع پیمانے پر مالی بے ضابطگیاں بھی دیکھنے میں آتی ہیں ٹھوس اقدامات نہ کرنے کی ایک وجہ یہ بھی ہے کہ کچھ NGO،کچھ بیوروکریٹ اور کچھ سیاستدان دل سے چاہتے ہیں کہ یہ موج میلہ ایسے ہی چلتارہے اورانکی دکانداری بھی برقراررہے نفسیاتی اعتبار سے بھی اس قبیل کے طبقہ کو اپنے آگے بھوک سے سسکتے اوربیماری سے کاپتے، نیم برہنہ خواتین ،بچے بوڑھے سراپا سوال بنے۔
Hunger Children
گڑگڑاتے،ہاتھ باندھے امداد کے منتظر مستحقین کو دیکھ کرخوشی ہوتی ہے شاید انکی انا کو تسکین ملتی ہو کل چاچا شیدا اپنے دوست کو کہہ رہا تھا کہ میرا خیال ہے کہ سیلاب آنا بھی جاگیرداروں اور وڈیروں کے مفاد میں ہے ”تیری مت تو نہیں ماری گئی ۔ میدے نے چراغ پا ہوکر کہا۔پاگل تو نہیں ہوگیا ” جب سیلاب آتا ہے تو ان جاگیرداروں اور وڈیروں کی زمینیں زرخیزہو جاتی ہیں۔چاچے شیدے نے اطمینان سے اس کے کندھے پر زور سے ہاتھ مارتے ہوئے کہا ۔آئی سمجھ بھولے بادشاہ اس حقیقت سے کیسے انکارکیا جا سکتاہے کہ قدرتی آفات کے نام پر ملنے والی امداد سے کروڑوں روپے خوردبردکرلئے جاتے ہیں نوجوان لڑکیوںکے لاپتہ ہونے کی المناک داستانیں الگ ہیں پاکستان میں چونکہ احتساب کا رواج ہی نہیں اس لئے کبھی کسی کا کچھ نہیں بگڑایہ دراصل وہ عوامل ہیں جس کی وجہ سے آج تک کوئی منصوبہ بندی کی گئی ہے نہ کوئی حکمت ِ عملی تیارہوئی۔
۔ضرورت تو اس بات کی ہے کہ مستقل بنیادوںپر یہ مسائل حل کرنے کیلئے ایکشن لیا جائے ۔ اخباری اطلاعات کے مطابق دو سال پہلے ایسے حالات میں وزیر ِ اعلیٰ سند ھ قائم علی شاہ نے تھر کا دورہ کیا تھا جس کے موقع پرپلائو،کباب،قورمہ،فنگر فش اورکوفتوںکی دعوت کے دوران سرکاری افسر بھی کھانے پر ٹوٹ پڑے بھوک سے بلکتے عوام حیرانی یریشانی سے ان دوسرے کی طرف دیکھتے رہ گئے قحط زدہ علاقوںمیںاگر افسر متاثرین سے اظہار ِیکجہتی کیلئے ایک وقت کا کھانا نہ بھی کھاتے تو کون سی قیامت ٹوٹ پڑنی ۔۔۔ گذشتہ سے پیوستہ برس تھرپارکر میں قحط سے سینکڑوں افرادچان سے گئے ملک بھرسے متاثرین کے لئے امدادی سامان بھیجا گیا شنیدہے کہ کئی لاکھ منرل واٹر کی بوتلیں گوداموں میں پڑی پڑی اوور ڈیٹ ہوگئیں۔
لیکن بھوک سے بلکتے قطرہ قطرہ پانی کو ترستے لوگوں تک یہ سامان نہ بھیجا گیا اسی طرح سرکاری گوداموں میں گندم اور چاول کو کیڑوں نے کھالیا لیکن متاثرین کے لئے کچھ نہیں کیا گیا اب بھی سناہے مٹھی کے سرکاری گوداموںپر اب بھی تالے پڑے ہوئے ہیں بھوک سے متاثرین کی ہلاکتوںکا سلسلہ جاری ہے متاثرین کی نقل مکانی جاری ہے متاثرین اپنی اداسی کو دل میں چھپاکر رکھیں۔ ویسے تو اپوزیشن لیڈر خورشید شاہ نے ”انکشاف” کیاہے کہ تھرمیں ایسے واقعات معمول کی باتیں ہیں ہر سال لوگ مرتے ہیں میڈیا بلاوجہ اسے اچھال رہاہے ایک اور سیانے وزیرکا ارشاد ہے تھرمیں لوگ غربت سے نہیں مررہے اب کوئی بتلائے کہ ہم بتلائیں کیا؟ اس کا مطلب ہے لوگ ایویں ای شور مچارہے ہیں۔
پاکستان کو غیر جانب دار اور ثالث بننا چاہیے
ﺳﻌﻮﺩﯼ ﻋﺮﺏ ﻣﯿﮟ ﺩﮨﺸﺖ ﮔﺮﺩﻭﮞ ﮐﻮ ﺳﺰﺍﺋﮯ ﻣﻮﺕ ﺍﻭﺭ ﻓﺎﺭﺳﯽ ﺣﮑﻮﻣﺖ ﮐﯽ ﭼﯿﺦ ﻭﭘﮑﺎﺭ