زمین ڈاٹ کام کو مسلسل تیسری مرتبہ دنیا کا پانچواں بہترین پراپرٹی پورٹل قرار دے دیا گیا

Zameen

Zameen

لاہور : پاکستان کے سب سے بڑے پراپرٹی پورٹل زمین ڈاٹ کام کو پراپرٹی پورٹل واچ (پی پی ڈبلیو) کی جانب سے مسلسل تیسری مرتبہ دنیا کے پانچویں بہترین رئیل اسٹیٹ پورٹل کا اعزاز دے دیا گیا ہے۔

پی پی ڈبلیو پراپرٹی ویب سائٹس کے حوالے سے عالمی سطح پر سند تسلیم کی جاتی ہے ۔ زمین ڈاٹ کام کو یہ اعزاز اُس کے اعدادو شمار اور معلومات پر مبنی انتظامی امور کے حوالے سے دیا گیا جس کے باعث اَس کی پانچ سو افراد پر مشتمل سیلز ٹیم آنے والی ہر لیڈ کی مکمل پیروی کرتی ہے۔پی پی ڈبلیوکے بانی سائمن بیکر کی جانب سے اس ا عزاز کا اعلان ادارہ کی اسپین میں منعقد ہونے والی عالمی کانفرنس سے قبل کیا گیا۔

زمین ڈاٹ کام کی بنیاد 2006ء میں دو بھائیوں ذیشان علی خان اور عمران علی خان نے رکھی تھی ۔ انہوں نے متحدہ عرب امارات میں ‘بیوت’اور بنگلہ دیش میں’بی پراپرٹی ‘کے نام سے پراپرٹی کی ویب سائٹس کامیابی سے شروع کی ہیں۔ یہ دونوں منصوبے زمین ڈاٹ کام کی بنیادی کمپنی ‘ایمرجنگ مارکیٹس پراپرٹی گرو پ’ کے زیر انتظام شروع کئے گئے ہیں۔

ایمرجنگ مارکیٹس پراپرٹی گروپ کے سی ای اوعمران علی خان نے کہا ہے کہ ہم اس کامیابی پر فخر محسوس کرتے ہیں۔ اُن کا کہنا تھا کہ اب تک کا سفر کٹھن تھا لیکن جب تک ہم دنیا میں بہترین نہیں گردانے جاتے ہیں ہم نہیں تھکیں گے۔

اُن کا کہناتھا کہ ہم جو بھی کرتے ہیں اُس کا مرکز جدت طرازی ہوتاہے اور یہی وہ جذبہ ہے جو ہمیں اُن ٹیکنالوجیز کی جانب لے گیاجس کی وجہ سے زمین ڈاٹ کام اس وقت باقی سب سے کوسوں آگے ہے۔

زمین ڈاٹ کام کی پاکستان کے 30شہروں میں 700افراد پر مشتمل قابل ٹیم ہے۔اس کی ویب سائٹ کے 35لاکھ ویوز ماہانہ بنیادوں پر کئے جاتے ہیں۔ویب سائٹ میں ہر ماہ 2لاکھ نئی لسٹنگ شامل کی جاتی ہیں جبکہ اس ویب سائٹ کے ساتھ 10ہزار رجسٹرڈ رئیل اسٹیٹ ایجنسیاں کام کر رہی ہیں۔

جاری کردہ: ادارہ تعلقات عامہ’ زمین میڈیا پرائیوٹ لمیٹڈ برائے رابطہ: سالار سلیمان(پی آر او، زمین ڈاٹ کام ) 03008567531،03004777607