قصور کی خبریں 3/10/2016

kasur

kasur

ْْْقصور (بیورورپورٹ) صحافی محمد اختر سندھی پر جھوٹ امقدمہ خارج،مخالفین کی جان سے مار دینے کی دھمکیاں ،ملزمان کیخلاف مقدمہ درج اور مجھے تحفظ فراہم کیا جائے ،ظلم وستم کا شکار صحافی کی افسران بالا سے اپیل ،تفصیلات کے مطابق پریس کلب نور پور (کھڈیاں )کے صدر صحافی محمداختر سندھی پر تھانہ کاہنہ لاہور میں خاتون کو اغواء کرنیکا جھوٹا مقدمہ پولیس نے خارج کردیا ہے اور مکمل تفتیش کے بعد جعلی مقدمہ بنانے والے شخص خالدولداکبر کی سخت سرزنش بھی کی ہے ،صحافی محمداختر سندھی نے میڈیا کو بتایا کہ مخالفین سے میں نے پیسے لینا ہیں جن کو ہڑپ کرنے کیلئے مجھ پر ناجائز اورجھوٹے وقعات کے تحت مقدمات بنانے اور مجھے قتل کرنیکی دھمکیاں دینے کاسلسلہ جاری ہے ،خاتون طاہرہ پروین کی اس کے خاوند خالد سے نہیں بنتی تھی اس وجہ سے وہ عورت گھر سے بھاگ گئی اور طلاق کیلئے دعوی مقامی عدالت میں دائر کردیا جس پر اسکے خاوند خالد نے مجھ پر تھانہ کاہنہ میں بے بنیاد اور من گھڑت کہانی بناکر جھوٹا مقدمہ درج کروایا جس کو پولیس نے تفتیش مکمل کرکے مجھے بے گناہ کردیا ہے ، صحافی محمداختر سندھی نے وزیراعلی پنجاب ، محتسب پنجاب، چیف جسٹس لاہور ہائیکورٹ، ڈسٹرکٹ اینڈ سیشن جج قصور، آئی جی پنجاب ،آر پی او شیخوپورہ رینج ، ڈی پی او قصور ، ڈی سی او قصور تمام معاملات پرسخت ایکشن لیں اور مجھے انصاف وتحفظ فراہم کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) “امن کنونشن ” 4اکتوبر 2016بروز منگل کو ہوگا ، تیاریاں مکمل کر لی گئیں ،تفصیلات کے مطابق صدر پریس کلب ڈاکٹر سلیم الرحمن کی زیرصدارت تاریخ ساز “امن کنونشن ” 4اکتوبر 2016بروزمنگل کو دن 10بجے تحصیل میونسپل ایڈمنسٹریشن کے ہال میں منعقد ہوگا ، جس میں ضلع بھر سے نمائندہ شخصیات ،امن کمیٹی کے اراکین، میڈیا پرسن ، سول سوسائٹی اور مختلف جماعتوں کے اراکین شریک ہوں گے ،جبکہ ڈی سی او عمارہ خان ،ڈی پی او سیدعلی ناصررضوی ، ایڈیشنل ڈٖسٹرکٹ کلکٹرمحمدشاہدخطاب کریں گے اور محرم الحرام کے حوالہ سے انتظامیہ کی جانب سے اٹھا ئے جانیوالے اقدامات سے آگا ہ کریں گے ،صدر یونین آف جرنلسٹس عطاء محمدقصوری ، صدر الیکٹرونک میڈیا (ایمرا) محمداجمل شادمہمان خصوصی ہوں گے جبکہ جنرل سیکرٹری پریس کلب تکریم علی، جنرل سیکرٹری( ایمرا) طارق محمودجٹ کے مطابق پروگرام کی تیاریاں مکمل کر لی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)سینئر ایڈیشنل ڈسٹرکٹ اینڈ سیشن جج قصور سید داور ظفر علی نے قتل کے تین مختلف تھانوں کے مقدمات کے فیصلہ جات سنا دیئے ۔جس کے مطابق تھانہ مصطفےٰ آ باد(للیانی)کے مشہورٹرانسپورٹر میاں سرفرازاور اسکے بھائی میاں بلو کو پرانی دشمنی کی بناء پر 2002 ؁ء میں فائرنگ کرکے ہلاک کر نیوالے اشتہاری ملزم فاخر جسے پولیس نے کئی سال بعد گرفتار کر کے پیش عدالت کیا کہ مقدمہ کا فیصلہ سناتے ہو ئے ملزم کو دو دفعہ سزائے عمر قید اور مبلغ 2لاکھ روپے حرجانہ جو متوفیان کے ورثاء کو ادا کیا جائے گا کا حکم سنایا ۔جبکہ تھانوں کوٹ رادھاکشن کے علاقہ محلہ جج والا میں اسی سال 2016 ؁ء میں ملزم نصیر نے دوکاندار عمران پر فائرنگ کی جس کے دوران اسکے سات سالہ بھتیجے علی حمزہ کو سینہ پر گولی جو موقعہ پر ہلاک ہو گیا فاضل عدالت نے سماعت مکمل کرکے جرم ثابت ہونے پر نصیر کو سزائے عمر قید مبلغ ایک لاکھ روپے حرجانہ جوکہ شرعی وارثان کو ادا کیا جائے گا کا حکم سنایا تیسرے مقدمہ میں جو کہ اپریل 2014 ؁ء کو تھانہ اے ڈویثرن میں درج ہو ا جسکے تحت محمد بشیر ولد قائم دین جو کہ فیروز پور روڈ سٹیل باغ کے قریب جنرل سٹور کی دوکان کر تا ہے نے مقدمہ درج کر وایا کہ وقوعہ کے روز 4ملزمان عرفان عرف فانی،قاسم،آ صف اور شاہد نے فائرنگ کر کے موقعہ پر اسکے نابالغ بیٹے عنایت کو ہلاک کر دیا دوران سماعت ملزمان و مدعی کے درمیان صلح ہو گئی لیکن عدالت نے اپنے حکم میں ہدایت کی کہ فی کس چار لاکھ 55ہزار 86روپے مقتول کے قانونی وارثان کو ادا کریں تو جیل سے رہا کر دیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)”لبیک یارسول اللہ کانفرنس “کی کامیابی پر قائدین کو مبارک باد، عام انتخابات میں باوقار اور سنی شخصیات کو ٹکٹ دیں گے ،اب پاکستان لوٹنے والے نہیں وطن عزیز بنانے والے عام انتخابات میں اسمبلیوں میں جائیں گے، مفتی فیاض احمدانصاری صدر پاکستان فلاح پارٹی کی لاہور مینار پاکستان سے واپسی پر میڈیا سے گفتگو ،تفصیلات کے مطابق مینار پاکستان میں ہونیوالی تاریخ ساز “لبیک یارسول اللہ کانفرنس “میں شرکت کیلئے قصور ، پتوکی ،چونیاں، مصطفی آباد، راجہ جنگ، کنگن پور ، الہ آباد ،کوٹرادھاکشن ، گنڈاسنگھ سمیت دیگر جگہوں سے ہزاروں عاشقانِ مصطفی قافلوں کی صورت میں گئے اور سینکڑوں پی ایف پی کارکنان،جماعت اہلسنت، انجمن طلباء اسلام ، اور شہریوں نے فضائیں یارسول اللہ اور سیدی مرشدی یابنی یابنی ﷺ کے فلگ شگاف نعروں سے مہکا دیں ،مفتی فیاض احمدانصاری صدر پاکستان فلاح پارٹی ، جنرل سیکرٹری سعید قاردی ،قصورکے سدا بہارسابقMPA حاجی غلام صابرانصاری کے لخت جگر سابق نائب ضلع ناظم حاجی مقصودصابرانصاری ،نے بتایا کہ عام انتخابات میں باوقار اور سنی شخصیات کو ٹکٹ دیں گے ،اب کرپٹ سیاستدان نہیں وطن عزیز بنانے والے عام انتخابات میں اسمبلیوں میں جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)حاجی رشید احمدکا رسم چہلم ، مسزمسعود احمدبھٹی سمیت دیگر شخصیات کی بھرپورشرکت، تفصیلات کے مطابق پاکستان تحریک انصاف کے میڈیا ایڈوائزر تحصیل قصور نصیب احمدتبسم کے تایا جان حاجی رشیداحمدجو گزشتہ دنوں اپنے خالق حقیقی سے جا ملے تھے انکی رسم چہلم انکے آبائی گاؤں بیدیاں کلاں میں منعقد ہوئی جس میں علاقہ بھر کے معززین ،شہریوں اور پاکستان تحریک انصاف کے درجنوں کارکنان نے بھرپور شرکت کی ،اور مرحوم کے بلنددرجات اور بخشش کیلئے خصوصی دعائیں کیں ،نصیب احمدتبسم نامور صحافی اور میڈیا ورکرز لاہور کے جاندار لیڈر ہیں اور وہ بیدیاں سے چےئرمین کا تحریک انصاف کے پلیٹ فارم سے الیکشن بھی لڑچکے ہیں ،اراکین پریس کلب ، یونین آف جرنلسٹ ،الیکٹرونک میڈیا رپورٹرزایسوسی ایشن (ایمرا) پاکستان میڈیا کو نسل قصور کے عہدیداران نے بھی نصیب احمدتبسم کے تایا جان حاجی رشیداحمدکے انتقال پر ان سے اظہار تعزیت کیا ہے۔