انقرہ (جیوڈیسک) ترکی کی حکومت نے فلسطین کے علاقے غزہ کی پٹی پر مسلط کی گئی اسرائیلی پابندیوں کی شدید مذمت کرتے ہوئے محصورین کی مالی امداد جاری رکھنے کے عزم کا اعادہ کیا ہے۔
اطلاعات کے مطابق فلسطینی اتھارٹی کے ہاں متعین ترک سفیر مصطفی سارنیچ نے گزشتہ روز محصور علاقے غزہ کا دورہ کیا، اس موقع پر ایک نیوز کانفرنس سے خطاب کرتے ہوئے ترک سفیر نے کہا کہ ان کا ملک غزہ کے محصورین کی امداد کا مشن جاری رکھے گا، نیوز کانفرنس سے قبل ترک سفیر نے عالمی ادارہ صحت اور ترکی کے اشتراک سے شروع کیے گئے 1.5ملین ڈالر کی لاگت سے الشفا میڈیکل کمپلیکس کا بھی دورہ کیا اور وہاں پر جاری کام کا جائزہ لیا۔
انھوں نے کہا کہ آفاد کے ایمرجنسی پروگرام کے ذریعے ترک حکومت نے 6 ماہ میں غزہ کی پٹی میں13بڑے اسپتال مکمل کرنے کے عزم کا اعلان کیا ہے۔
رواں سال ڈھائی ہزار سے زائد افراد بحیرہ روم میں ڈوب کر ہلاک ہوئے، رپورٹ
سعودی عرب میں 10رمضان المبارک سے دھوپ میں کام کرنے پر پابندی عائد