ویانا میں منہاج القرآن نے عظیم الشان ”میلاد امن جلوس و کانفرنس” کا انعقاد کیا گیا

PAT Milad Conference

PAT Milad Conference

ویانا (محمد اکرم باجوہ) منہاج القرآن انٹرنیشل دنیا بھر میں ربیع الاول میں میلاد جلوس و محافل کے ذریعے امت مسلمہ کے دلوں میں عشق مصطفی ۖ کی روشنی جلاتی ہے۔ آسٹریا کے دارلحکومت ویانا میں منہاج القرآن سنٹر میں 16ویں سالانہ ”میلاد کانفرنس ” کا انعقاد کیا گیا اس کے ساتھ ہی منہاج القرآن آسٹریا کے تحت پہلا ”میلاد امن جلوس” منعقد کیا گیا ۔

ان دونوں پروگرامز میں پاکستانی کمیونٹی سے خواتین و حضرات او ر بچوں کی کثیر تعداد سمیت آسٹرین یونیورسٹی کے نمایاں سکالرز، پارلیمنٹ ممبرز، مسلم نمائندہ تنظیم اور مختلف سیاسی سماجی تنظیموں کے رہنماوں نے بھی بھرپور شرکت کی۔ جبکہ علامہ مدثر اعوان خطیبِ خصوصی کے طور پر شریک تھے۔ سٹیج پرآسٹروپاک سوسائیٹی کے رہنما افسر راٹھور، پروفیسر ڈاکٹرلولکرویانا یونیورسٹی، ڈاکٹر فواد سناج، پارلیمنٹ ممبر عمر الراوی، خان مشاہد، پروفیسر اظہر سیالوی، مولانا غلام مصطفی بلوچ، ڈاکٹرحسن موسیٰ ،حافظ نعیم ، الحاج خواجہ نسیم ، علامہ مدثر حسین اعوان، حاجی ملک امین اعوان اور دیگر عمائدین تشریف فرما رہے۔

الحاج خواجہ محمد نسیم (صدر PATآسٹریا) کی سرپرستی میں یہ عظیم الشان کانفرنس 10 جنوری بروز اتوار کو حاجی ملک امین اعوان (صدر MQI) کی زیر صدارت تزک و احتشام سے انعقاد پذیر ہوئی ۔جبکہ جلوس کے انتظام و انصرام محمد نعیم رضا قادری کی معاونت سے معروف سماجی رہنما سید علی غضنفر باوا جی کی زیرنگرانی سرانجام پائے۔ جنرل سیکرٹری عمران علی مغل نے نقابت کے فرائض بحسن و خوبی نبھا کر داد تحسین وصول کی۔

”میلاد امن جلوس ” میں مختلف طبقہ ہائے حیات سے خواتین و حضرات سے قائدین نے خطابات کیے۔ الحاج خواجہ نسیم نے جرمن زبان میں اسلام کے پیغام امن کو اجاگر کرکے ہر سطح پر ہرقسم کی دہشت گردی کی مذمت کی۔ مولاناغلام مصطفی بلوچ ، پروفیسر اظہرسیالوی اور دیگر شخصیات نے اظہار خیال کیا۔ جلوس کے روٹ کی مختلف گلیوں کے مکانات کی بالکونیوں اور کھڑکیوں سے مقامی لوگ مسلمانوں کو اپنے محبوب نبی ۖ کا میلاد مناتے اور انکا پیغام ِ رحمت سناتے دیکھ رہے تھے۔

نعت خوانوں میں سیدعبدالرحمن، فیضان رضا قادری، عبیر اعوان، زبیر اعوان، حاجی اکبر،حافظ نعیم (ہارن)، یورپ کے جانے مانے محمد شہریار خان، منہاج نعت کونسل آسٹریا کے صدر معروف نعت گو غلام مصطفی نعیمی جبکہ مقررین میں ویانا یونیورسٹی کے ہیڈ آف ڈیپارٹمنٹ ڈاکٹر لولکر، ویانا پارلیمنٹ ممبر عمر الراوی، اسلامی نمائند ہ تنظیم کے صدر ڈاکٹر فواد سناج اور علامہ مدثر اعوان شامل تھے۔ منہاج یوتھ لیگ آسٹریا کے صدر عمیر الطاف نے جرمن زبان میں امنِ عالم میں دین اسلام کے کردار پر گفتگو کی۔ جبکہ علامہ مدثر اعوان نے بطور مقرر خصوصی اسلام کو بطور امن و رحمت کی اہمیت پر روشنی ڈالی۔ حاجی ملک امین اعوان نے حاضرین کا شکریہ ادا کیا۔ عمرہ ٹکٹ کی قرعہ اندازی اور درود وسلام کے بعد ہدیہ سلام کی صداوں میں حاجی اکبر فیملی کی طرف سے لایا گیا خصوصی میلاد کیک بھی کاٹا گیا۔ خصوصی دعا کے ساتھ یہ شاندارتقریب اختتام پذیر ہوئی ۔ اختتام پر شرکائے گرامی کی خدمت میں ”میلاد ڈنر” پیش کیا گیا۔

منہاج القرآن سنٹر کو سجانے سنوارنے و دیگر انتظامات میںمنہاج القرآن ، منہاج یوتھ لیگ، منہاج ویمن لیگ، منہاج نعت اکیڈمی کے ممبران نے بڑھ چڑھ کر خدمات پیش کیں۔ اس کانفرنس میں ویانا بھر کے علاوہ ، شہر گراس، شہر لنز، سالز برگ اور شہر ہارن سے بھی شمعِ رسالت ۖ کے پروانوںاور منہاج القرآن کے رفقاء و اراکین نے بھرپور شرکت کی۔