نئی دلی (جیوڈیسک) پاکستان کے سابق کپتان اور سوئنگ کے بے تاج بادشاہ وسیم اکرم نے بھارتی بلے ویرات کوہلی کو دنیا کا بہترین بلے باز قرار دے دیا۔
اپنے ایک انٹرویو میں وسیم اکرم کا کہنا تھا کہ کھلاڑی پر ایک وقت آتا ہے جب وہ سیکھتا ہے کہ کیسے رنز بنانے ہیں، ویرات کوہلی دنیا کا بہترین بلے باز ہے اور وہ کرکٹ کے تمام فارمیٹس میں مہارت کے ساتھ کھیلتا ہے۔ ان کا کہنا تھا کہ ویرات کوہلی کو بولنگ کرانا مشکل ہوتا ہے، اگر میں بھی ہوتا تو مجھے بھی کوہلی کو گیند کرانے میں مشکل پیش آتی۔
کوہلی کو بولنگ کرانے کے سوال پر وسیم اکرم کا کہنا تھا کہ میں کوہلی کو پہلے ان سوئنگ گیند کراکے ٹیسٹ کرتا کیونکہ اننگز کے آغاز میں تمام کھلاڑی تھوڑا گھبرائے ہوئے ہوتے ہیں، کوہلی گیند کو اچھا شفل کرتے ہیں اس لئے میں انھیں اندر آتی ہوئی گیندوں کے ذریعے بھی چیک کرتا۔
وسیم اکرم نے کہا کہ کوہلی جب بیٹنگ کرنے آتا ہے تو اسے پتہ ہوتا ہے کہ کیسے رنز بنانے ہیں، وہ اپنی اننگ کو بہت اچھے طریقے سے حالات کے مطابق آگے بڑھاتا ہے اور یہی اس کی مسلسل اچھی کارکردگی کی وجہ ہے۔
چیئرمین پی سی بی نے ٹی ٹوئنٹی ٹیم اور مینجمنٹ کو آج طلب کر لیا
ورلڈ ٹی 20 میں شریک کھلاڑیوں کے ڈوپ ٹیسٹ لینے کا فیصلہ