کراچی (اسٹاف رپورٹر) دنیا کے محفوظ و پر امن مستقبل اور دہشتگردی سے نجات کیلئے بین المذاہب ہم آہنگی کی ضرورت و اہمیت پر زور دیتے ہوئے نےکسٹ جنریشن پروٹیکشن فا¶نڈیشن کے آرگنائزر و چیئرمین عمران چنگیزی ‘ جنرل سیکریٹری حاجی امیر علی خواجہ‘ ایم آر پی چیئرمین امیر پٹی ودیگر نے کہا کہ اقوام عالم کے درمیان بڑھتی ہوئی نفرت ہی در اصل دہشتگردی وبد امنی‘ ریاستوں و اقوام کےخلاف سازش اور جنگ و جدل کی وجہ ہے جس سے نجات کیلئے ضروری ہے کہ امن پسند قوتیں و مہذب اقوام وسیع البنیاد بین المذاہب ہم آہنگی اور بین المذاہب تعاون کے فروغ کیلئے اپنا ذمہ دارانہ کردار ادا کریں۔
دنیا سے بد امنی ‘ دہشتگردی ‘ نفرتوں ‘ مذہبی جنونیت ‘ تفرقہ و لسانیت اور منشیات و اخلاق باختگی کے خاتمے کیلئے مصروف عمل این جی پی ایف اپنے منشور کی تکمیل کیلئے انتہائی دیانتداری و جانفشانی سے اپنے فرائض کی تکمیل کی جدوجہد کررہی ہے اور معاشرے کو پر امن ‘ محفوظ اور مہذب بنانے کیلئے این جی پی ایف سے وابستہ ہر فرد شب و روز مصروف عمل ہے۔
مگرسرکاری سطح پر پذیرائی و معاونت اور مقتدر و مخیر طبقات کی عدم دلچسپی کی وجہ سے معاشرے کی اصلاح و محفوظ مستقبل کے خواب کی تکمیل کی منزل خاصی دور محسوس ہورہی ہے مگر ہمارا عزم مضبوط اورحوصلے جواں ہیں ہم پاکستان اور دنیا کو محفوظ و پر امن بنانے کیلئے شعور و آگہی تقسیم کررہے ہیں جو ایک دن ضرور رنگ لائے گی۔
مفادات کیلئے عوام کو فیلِ اقتدار کے پاوں تلے روندا جارہا ہے۔ سولنگی اتحاد
توانائی بحران کا خاتمہ مسلم لیگ (ن) کی اولین ترجیحات میں شامل ہے۔ حافظ طاہر جمیل