دنیا بھر میں آج ٹی بی کا عالمی دن منایا جا رہا ہے

World TB Day

World TB Day

لاہور (جیوڈیسک) آج ورلڈ ٹی بی ڈے ہے۔ پاکستان اس مرض کے حوالے سے دنیا میں پانچویں نمبر پر ہے۔ ٹی بی سے پاکستان میں ہونے والی اموات کی شرح پانچ فیصد ہے۔

ٹی بی ایک مہلک مرض پاکستان میں 9 لاکھ سے زائد افراد ٹی بی کا شکار، موذی مرض سے شرح اموات 5 فیصد۔ ٹی بی کے شکار 22 ممالک میں پاکستان پانچویں نمبر پر ہے اور ہر سال تین لاکھ نئے مریض اس بیماری کا شکار ہو رہے ہیں۔

ڈاکٹرز کہتے ہیں حفاظتی تدابیر اور بروقت علاج کے ذریعے اس جان لیوا مرض سے بچائو ممکن ہے۔ ٹی بی کی تشخیص کے لیے ملک بھر میں 1200 سے زائد مراکز قائم ہیں مگر مناسب آگاہی نہ ہونے کے باعث اکثر مریضوں میں اس بیماری کی تشخیص بر وقت نہیں ہو پاتی۔