صنعاء (جیوڈیسک) یمن میں جنگ بندی کے باوجود حکومتی فوج اور حوثی باغیوں کے درمیان تازہ جھڑپوں میں 68 افراد ہلاک ہوگئے۔ دوسری جانب جنیوا مذاکرات میں قیام امن اور فائربندی کی مانیٹرنگ کے لیے کمیٹی کے قیام پر اتفاق رائے ہوگیا ہے۔
سعودی سرحد کے ساتھ واقع شمال مغربی یمن کے قصبے ہراد میں حکومتی فوج اور حوثی باغیوں کے درمیان تازہ جھڑپیں ہوئی ہیں۔ غیر ملکی خبر ایجنسی کے مطابق ان جھڑپوں میں 68افراد ہلاک ہو گئے ہیں ۔ مرنے والوں میں 40 باغی اور 28 فوجی اہلکار شامل ہیں جبکہ 90 افراد زخمی ہوئے۔
اس سے قبل سعودی عرب اور اتحادیوں نے یمن میں 15 سے 21 دسمبر تک 7 روزہ جنگ بندی کا اعلان کیا تھا۔
ادھر سوئٹزر لینڈ کے شہر جنیوا میں اقوام متحدہ کے تحت یمن امن مذاکرات آخری مرحلے میں داخل ہو گئے ہیں ۔ مذاکرات کے دوران باغیوں اور حکومتی وفد نے فائر بندی پر عمل درآمد کے لیے ایک آزاد مانیٹرنگ کمیٹی کے قیام پر اتفاق کیا ہے۔
نیویارک : شدید برف باری کے بعد سردی میں اضافہ
نائیجریا: 66 فوجیوں کی موت کی سزا 10 برس قید میں بدل دی گئی