یمن (جیوڈیسک) حکام نے کہا ہے کہ یمن کے شہر عدن میں ایک تربیتی کیمپ میں ہونے والے خودکش حملے میں کم از کم 40 افراد ہلاک ہو گئے ہیں۔
اطلاعات کے مطابق حملے میں ایک تربیتی کیمپ کو نشانہ بنایا گیا ہے جہاں حکومت کی حامی پاپولر ریزسٹنس ملیشیا کے ارکان تربیت پاتے ہیں۔
یہ حملہ ایسے وقت ہوا ہے جب یمن اور سعودی عرب کے درمیان 17 ماہ سے جاری کشیدگی کو ختم کرنے کی کوشش کی جا رہی ہیں۔
اقوامِ متحدہ کا کہنا ہے کہ اب تک جھڑپوں میں 6600 سے زائد افراد ہلاک ہو چکے ہیں جن کی اکثریت عام شہریوں پر مشتمل ہے۔ اس کے علاوہ 25 لاکھ سے زائد یمنی بےگھر ہو گئے ہیں۔
یہ واضح نہیں ہے کہ پیر کے روز کیا جانے والا یہ حملہ کس نے کیا، تاہم جنوبی شہر عدن میں ہونے والے اکثر حملوں کے پیچھے القاعدہ یا پھر دولتِ اسلامیہ کا ہاتھ ہوتا ہے۔
اسی دوران حکومت اور باغیوں نے تنازعے کے خاتمے کی کوششوں کا مثبت جواب دیا ہے۔اقوامِ متحدہ کا کہنا ہے کہ یمن میں 17 ماہ سے جاری تنازعے میں اب تک 6600 سے زائد افراد مارے گئے ہیں
امریکہ نے گذشتہ ہفتے ایک امن منصوبے کا اعلان کیا تھا جس کے تحت شیعہ حوثی باغی دارالحکومت صنعاء سے نکل جائیں گے، اور متحدہ حکومت بنانے کے لیے بات چیت شروع کی جائے گی۔
باغیوں کا کہنا ہے کہ وہ مذاکرات کے لیے تیار ہیں، بشرطیکہ سعودی عرب کی قیادت میں لڑنے والی اتحادی فوج حملے بند کر دے اور انھوں نے جن علاقوں کا محاصرہ کر رکھا ہے وہاں سے چلی جائے۔
سعودی اتحاد یمن کے صدر عبد ربہ منصور ہادی کی حکومت کی حمایت میں مارچ 2015 سے یمن میں فضائی حملے کر رہا ہے۔
صدر ایردوان غازی انتیپ پہنچ گئے
افغانستان: چار ماہ قبل اغوا کی گئی آسٹریلوی امدادی کارکن بازیاب