لاہور (جیوڈیسک) لاہور میں انسداد دہشت گردی کی خصوصی عدالت میں زین قتل کیس کی سماعت ہوئی۔ عدالت نے مدعی کے منحرف ہونے پر وقوعہ کے روز مدعی کی پریس کانفرنس کا ریکارڈ طلب کر لیا۔
پراسیکیوشن نے مدعی کی پریس کانفرنس کا ریکارڈ طلب کرنے کی درخواست کی تھی جس پر عدالت نے حکم دیا کہ چوبیس ستمبر کو پیمرا مقدمے کے مدعی سہیل افضل کی پریس کانفرنس کا ریکارڈ پیش کرے۔
عدالت نے ملزم کو پہچاننے کے دعوے سے انکار پر مدعی کے خلاف اندراج مقدمہ کا حکم بھی دیا جس پر تھانہ مصطفے آباد میں زین کے ماموں سہیل کے خلاف مقدمہ درج کر لیا گیا ہے۔
سانحہ اٹک، شجاع خانزادہ کی ریکی کرنیوالے دو دہشت گرد دیپال پور سے گرفتار
کراچی میں کالعدم تحریک طالبان کا دفتر مسمار، 25 مشتبہ افراد گرفتار