ٹیکسلا (ڈاکٹر سید صابر علی / تحصیل رپورٹر) ضیا الحق فاونڈیشن کے چئیرمین رکن قومی اسمبلی اعجاز الحق نے کہا ہے کہ ضیا الحق زندہ ہوتے تو آج افغانستان کی طرح مقبوضہ کشمیر کے لوگ بھی آزاد ہو چکے ہوتے، بھارتی فوج طاقت کا استعمال کر کے تحریک آزادی کو دبا نہیں سکتی، ایسے حالات میںحکمرانوں کی چشم پوشی معنی خیز ہے،چوہدری نثار علی خان کی جرات و بہادری کو داد دینی چاہئے،اقوام متحدہ سمیت عالم اسلام نے بھی چپ سادھ رکھی ہے،کشمیری پاکستانی پرچم لہرا رہے ہیں،ضیا الحق ایک نظریے کا نام ہے جس نے اپنا تن من دھن قربان کر کیروس جیسی سپر پاور کو ٹکڑے ٹکڑے کر کے رکھ دیا۔
ان خیالات کا اظہار انھوں نے لالہ رخ واہ کینٹ میں ضیا الحق فاونڈیشن واہ کینٹ کے صدر عابد حسین کی جانب سے ضیا الحق شہید کی سالانہ برسی کے سلسلے میں منعقدہ تقریب سے خطاب کرتے ہوئے کیا،تقریب سے پروفیسر مطیع الرحمان چوہدری، ماہر تعلیم عطا المنعم چوہدری،فرخ محمود مغل،انجمن تاجران کے رہنما ملک عمر حیات، اور میزبان تقریب عابد حسین نے بھی خطاب کیا،تقریب سے خطاب کرتے ہوئے اعجاز الحق کا کہنا تھا کہ بھارت کی سات لاکھ فوج کشمیریوں کے جزبہ حریت کو ختم کرنے کے لئے تمام وسائل استعمال کر رہی ہے،بینائی سے محروم کرنے کے لئے انتہائی مہلک کیمیکل ہتھیار استعمال کئے جارہے ہیں،ایسے میں ہمارے حکمرانوں کی خاموشی کی طرف اشارہ کر رہی ہے،انکا کہنا تھا کہ موجودہ حکمران اور کشمیر کمیٹی معلوم نہیں کس درد کی دوا ہیں۔
اعجاز الحق نے وفاقی وزیر داخلہ چوہدری نثار علی خان کو بھارتی وزیر داخلہ کو آئینہ دکھانے پر انکی جرات اور بہادری پر داد دی،اس موقع پر انھوں نے واہ کینٹ ٹیکسلا کے باسیوں کو فیصل مسجد کے سائے میں منعقدہ 17 اگست کو ضیا الحق کی سالانہ برسی میں شرکت کی دعوت دی،فرخ محمود مغل کا کہنا تھا کہ ضیا الحق دلیر بہادر اور نڈر سپہ سالار اور سچے عاشق رسول تھے،تقریب میں لوگوں کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر سید صابر علی تحصیل رپورٹر ٹیکسلا موبائل نمبر0300-5128038
پیرمحل کی خبریں 12/8/2016
قصور : فوڈ ایکٹ کے اختیارات کا ناجائز استعمال شروع