کراچی میں دفعہ ایک سو چوالیس کا نفاذ کر دیا گیا جبکہ مہاجر قومی موومنٹ کے چیئرمین آفاق احمد کو ایک ماہ تک نظر بند رکھنے کے احکامات بھی جاری کر دیئے۔
صوبائی محکمہ داخلہ کی جانب سے جاری نوٹی فکیشن کے مطابق کراچی میں دفعہ ایک سو چوالیس کا نفاذ کر دیا گیا ہے جس کے تحت جلسے ، جلوس اور ریلیوں پر پابندی ہو گی ۔ اس کے علاوہ نوٹی فکیشن میں بتایا گیا کہ آفاق احمد کو ایم پی او کے تحت مزید ایک ماہ کیلئے ملیر جیل میں نظر بند رکھا جائے گا۔
اس سے قبل آج آفاق احمد کی ممکنہ رہائی کے پیش نظر کارکنان کی بڑی تعداد ان کے استقبال کے لئے لانڈھی جیل کے باہر جمع تھی ۔ یاد رہے کہ سندھ ہائی کورٹ اور دیگر عدالتوں نے مختلف مقدمات میں آفاق احمد کی ضمانت منظور کر کے ان کی رہائی کے احکامات جاری کر دیئے تھے اور آج ان کی رہائی کا امکان تھا تاہم صوبائی حکومت نے ایک ماہ کیلئے مزید نظر بند رکھنے کا نوٹی فکیشن جاری کر دیا۔
پنجاب میں ڈینگی سے ہلاکتوں کی تعداد 124 تک جا پہنچی
قوم متحد ہے ملک کو کوئی خطرہ نہیں ہے۔ گیلانی