ایک سانحہ

Posted on April 30, 2012 By Adeel Webmaster سیدارشاد قمر

دور اک گائوں میں
چاند کی چھائوں میں
سبز کھیتوں کے دامن میں دو دل ملے
عہد و پیماں ہوئے
اور گجرے بندھے
چاند چمکتا رہا
مسکراتا رہا
پھر چلی ایک آندھی بڑے زور کی
اور کھیتوں کی ہریالی مرجھا گئی
۔۔۔۔۔۔۔۔ تب اسی گائوں میں
بادلوں کے تلے
کچھ اندھیرا سا تھا
جب ذرا سا وہ بادل پرے ہٹ گیا
دونوں قبروں کے کتبے چمکنے لگے
چاند تکتا رہا
اور دھندلا گیا

سید ارشاد قمر